ପୋଖରୀ ରେ ବୁଡି ୨ଜଣଙ୍କର ଗଲା ଜୀବନ

ଓଡ଼ିଶା ତାଜା ନ୍ୟୁଜ (୨୨ ମଇ , ଶନିବାର ) ବାଙ୍କୀ :- ଆଜି ବାଙ୍କୀ ଉପଖଣ୍ଡ ରେ ପୋଖରୀରେ ବୁଡି ୨ଜଣଙ୍କ ଜୀବନ ଅକାଳରେ ଚାଲିଗଲା । ଆଜି ସକାଳୁ ଡମପଡ଼ା ବ୍ଲକ ତାଳବସ୍ତ ଗ୍ରାମ ବ୍ରାହ୍ମଣ ସାହିର ତପନ ବେହେରାର (୩୦) ବର୍ଷ ଙ୍କର ନିଜ ଗ୍ରାମ ପୋଖରୀରେ ଶବ ଭାସୁଥିବା ଦେଖାଯାଇଥିଲା । ଗ୍ରାମର ଲୋକମାନେ ଏହା ଦେଖି ଭୁବନେଶ୍ୱରରେ ରହୁଥିବା ତାଙ୍କ ବାପା ଓ ପରିବାର ଲୋକ ଏବଂ ତାଳବସ୍ତ ଫାଣ୍ଡିକୁ ଖବର ଦେଇଥିଲେ ।ତାଳବସ୍ତ ଫାଣ୍ଡି ଅଧିକାରୀ ତପନ କୁ ଉପଖଣ୍ଡ ଚିକିତ୍ସାଳୟକୁ ଆଣିଥିଲେ ।

ଡାକ୍ତର ତପନ କୁ ମୃତ ଘୋଷଣା କରି ତାଙ୍କର ଶବ ବ୍ୟବଚ୍ଛେଦ କରାଯାଇଥିଲା । ପୋଲିସ ପକ୍ଷରୁ ଏକ ଅପମୃତ୍ୟୁ ମୋକଦ୍ଦମା ୬/୨୧ରୁଜୁ କରାଯାଇଛି । ସେହିପରି ଆଜି ଦିନ ୧୦ଟା ବେଳେ ଡମପଡ଼ା ବ୍ଲକ ତୁଳସୀପୁର ମଠ ସାହିର ମାନଗୋବିନ୍ଦ ପ୍ରଧାନଙ୍କ ୩ବର୍ଷର ଝିଅ ଚିନ୍ମୟ ପ୍ରଧାନ ନିଜ ବୋଉ ରଞ୍ଜିତା ପ୍ରଧାନଙ୍କ ସହ ପୋଖରୀକୁ ଗାଧୋଇବାକୁ ଯାଇଥିଲା । ସେଠାରେ ତା ରଞ୍ଜିତା ଲୁଗା ସଫା କରୁଥିବା ସମୟରେ ଝିଅ ଚିନ୍ମୟୀ ସାଙ୍ଗମାନଙ୍କ ସହ ପାଣିରେ ଖେଳୁଥିଲା ।

ଅଚାନକ ଗୋଡ ଖସିଯିବାରୁ ଚିନ୍ମୟୀ ବୁଡି ମୃତ୍ୟୁ ବରଣ କରିଥିଲା । ଚିନ୍ମୟୀର ମାଆ ପାଟି କରିବାରୁ ଗ୍ରାମ ଲୋକମାନେ ସେଠାରେ ପହଞ୍ଚି ଝିଅକୁ ଉଦ୍ଧାର କରି ବାଙ୍କୀ ଉପଖଣ୍ଡ ଚିକିତ୍ସାଳୟକୁ ଆଣିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ବାଙ୍କୀ ପୋଲିସ ଏକ ଅପମୃତ ମୋକଦ୍ଦମା ୭/୨୧ରୁଜୁ କରିଛି।ବାଙ୍କୀ ପାଇଁ ଆଜି କାଳ ଶନିବାର ଥିଲା ବୋଲି ବହୁ ବୁଦ୍ଧି ଜୀବୀ ପ୍ରକାଶ କରିଛନ୍ତି।  (ରିପୋର୍ଟ ଗୌତମ ମିଶ୍ର )