ପାଟଣାଗଡ଼ ଉପଖଣ୍ଡ ଯୁବ ସାମ୍ବାଦିକ ସଂଘ ପକ୍ଷରୁ ସାମ୍ୱାଦିକ ଙ୍କ ବିୟୋଗରେ ଅଶୃଳ ଶ୍ରଦ୍ଧାଞ୍ଜଳୀ ସଭା

ଓଡ଼ିଶା ତାଜା ନ୍ୟୁଜ ( ୨୧ ମେ ଶୁକ୍ରବାର) ପାଟଣାଗଡ଼ :- ପାଟଣାଗଡ଼ ଉପଖଣ୍ଡ ଯୁବ ସାମ୍ବାଦିକ ସଂଘ ପକ୍ଷରୁ ବରିଷ୍ଠ ସାମ୍ବାଦିକ ତଥା ପାଟଣାଗଡ଼ ଉପଖଣ୍ଡ ସାମ୍ବାଦିକ ସଂଘ ସଭାପତି କୈାଲାଶ ଚନ୍ଦ୍ର ସାହୁ ଓ ଯୁବ ସାମ୍ବାଦିକ ଯତିଶ ଖମାରୀ ଙ୍କ ବିୟୋଗରେ ବେଲପଡା ସ୍ଥିତ ପଞ୍ଚାୟତ କଲେଜ ପରିସରରେ ଏକ ଶୋକ ସଭା ଅନୁଷ୍ଠିତ ହୋଇଥିଲା । ସ୍ବର୍ଗତ ସାମ୍ବାଦିକ ଶ୍ରୀ ସାହୁ ଓ ଖମାରୀ ଙ୍କ ଫୋଟୋ ଚିତ୍ର ରେ ଦୀପ ପ୍ରଜ୍ବଳନ କରି ପୁଷ୍ପମାଲ୍ୟ ଅର୍ପଣ ପୂର୍ବକ ଶ୍ରଦ୍ଧାସୁମନ ଅର୍ପଣ କରାଯାଇଥିଲା । ତାଙ୍କର ଆତ୍ମା ର ସତଗତି ନିମନ୍ତେ ନିରବ ପ୍ରାର୍ଥନା କରାଯାଇଥିଲା । ସଂଘ ର ସଭାପତି କରୁଣାକର ବୁଡେକ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶୋକ ସଭା ରେ ବରିଷ୍ଠ ସାମ୍ବାଦିକ ବନମାଳୀ ମହାକୁର ଯୋଗ ଦେଇ ଶ୍ରୃତୀ ଚାରଣ କରିଥିଲେ । ସ୍ବର୍ଗତ ସାମ୍ବାଦିକ ଙ୍କ ବିୟୋଗରେ ସାମ୍ବାଦିକ ସଂଘର ଏକ ଅପୂରଣୀୟ କ୍ଷତି ଘଟିଛି ବୋଲି ମତବ୍ୟକ୍ତ କରିଥିଲେ ।

ସ୍ବର୍ଗତ ସାମ୍ବାଦିକ ଦ୍ବୟଙ୍କ ପ୍ରେରଣା ହିଁ ଆମ ଯୁବ ସାମ୍ବାଦିକ ସଂଘ ଙ୍କୁ ଆଗକୁ ବଢ଼ିବାରେ ସାହାଯ୍ୟ ହୋଇବ ବୋଲି ସଂଘ ର ଉପଦେଷ୍ଟା ସାମ୍ବାଦିକ ଦିଲିପ ଭୋଇ ମତ ପୋଷଣ କରିବା ସହ ବର୍ତ୍ତମାନ ସାରା ବିଶ୍ବରେ କରୋନା ମହାମାରୀ ବିପତ୍ତି ସମୟରେ ସମସ୍ତେ କିପରି ସତର୍କତା ଅବଲମ୍ବନ କରି ଖବର ପରିବେଷଣ କରିବା ସେନେଇ ଉପସ୍ଥିତ ଯୁବ ସାମ୍ବାଦିକମାନଙ୍କୁ ପରାମର୍ଶ ଦେଇଥିଲେ ।

ସରକାର ଙ୍କ ଘୋଷଣା ଅନୁଯାୟୀ କରୋନା ରେ ମୃତ୍ୟୁ ବରଣ କରିଥିବା ସାମ୍ବାଦିକ ଙ୍କ ପରିବାର ଙ୍କୁ ସରକାରୀ ସହାୟତା ୧୫ ଲକ୍ଷ ଟଙ୍କା ସହାୟତା ରାଶି ଯୋଗାଇ ଦେବାକୁ ଘୋଷଣା କରିଛନ୍ତି । କରୋନାରେ ମୃତ୍ୟୁ ବରଣ କରିଥିବା ସ୍ଵର୍ଗତ ଦୁଇ ସାମ୍ବାଦିକ ପରିବାର ଙ୍କୁ ସରକାରୀ ସହାୟତା ଯୋଗାଇ ଦେବାକୁ ଦାବି ଉପଖଣ୍ଡ ଯୁବ ସାମ୍ବାଦିକ ସଂଘ ପକ୍ଷରୁ ଦାବି କରାଯାଇଛି । ଏଥିରେ ସଂଘର ଉପସଭାପତି ଗୋରେଖନାଥ ବରିହା , ଜଗଦୀଶ ଭୋଇ , ଶେଷଦେବ ସିଂ ନାୟକ , ନଟବର ମହାନନ୍ଦ , ଚନ୍ଦ୍ରଶେଖରବରିହା , ନରୋତ୍ତମ ପଣ୍ଡା ,ରଙ୍ଗାଧର ପୁଟେଲ ,ନିର୍ମଳ ପୁଟେଲ ସନ୍ୟାସୀ ନାଏକ ପ୍ରମୁଖ ଉପସ୍ଥିତ ଥିଲେ ।(ପାଟଣାଗଡ଼/ଗୋରେଖନାଥ ବରିହା )