ବିଲିପଡା ସେବାସମବାୟ ସମିତିରେ ଧାନ ମଣ୍ଡି ଖୋଲିଲା

ଓଡ଼ିଶା ତାଜା ନ୍ୟୁଜ (୨୦ ମଇ ଗୁରୁବାର ) ବାଙ୍କୀ :- ଆଜି ବାଙ୍କୀ କେନ୍ଦ୍ର ସମବାୟ ଅନ୍ତର୍ଗତ ବିଲିପଡା ସେବାସମବାୟ ସମିତିରେ ରବି ଧାନମଣ୍ଡି ଉଦ୍‌ଘାଟିତ ହୋଇଛି । ପୂର୍ବତନ ବିଧାୟକ ପ୍ରଭାତ କୁମାର ତ୍ରିପାଠୀ ଏହି ମଣ୍ଡିକୁ ଉଦ୍‌ଘାଟନ କରିଥିଲେ । ମଣ୍ଡିରେ ଧାନ ଦେବାପାଇଁ ୨୬୧ଜଣ ଚାଷୀ ଧାନ ଦେବାପାଇଁ ପଞ୍ଜିକୃତ ହୋଇଛନ୍ତି । ଆଜି ୧୨ଜଣ ଚାଷୀଙ୍କୁ ଟୋକନ ପ୍ରଦାନ କରାଯାଇଛି ଏବଂ ସେମାନଙ୍କ ଠାରୁ ୪ଶହ କ୍ୱିଣ୍ଟାଲ୍ ଧାନ ସଂଗ୍ରହ ପାଇଁ ଲକ୍ଷ୍ୟ ରଖାଯାଇଛି ।

ଏହି କାର୍ଯ୍ୟକ୍ରମରେ କେନ୍ଦ୍ର ସମବାୟ ବ୍ୟାଙ୍କର ପୂର୍ବତନ ସଭାପତି ସୁବାସ ଚନ୍ଦ୍ର ପାଢ଼ୀ, ସମିତିର ପୂର୍ବତନ ସଭାପତି ଅପର୍ତ୍ତି ସ୍ୱାଇଁ, ଜିଲ୍ଲା ପରିଷଦର ସଭ୍ୟ ତ୍ରିଲୋଚନ ରାଉତ ଯୋଗଦେଇ ଚାଷୀମାନଙ୍କୁ ଉତ୍ସାହିତ କରିଥିଲେ । ସମିତି ସଂପାଦକ ବିଜୟ କୁମାର ପ୍ରଧାନ କାର୍ଯ୍ୟକ୍ରମକୁ ପରିଚାଳନା କରିଥିଲେ ।    (ରିପୋର୍ଟ ଗୌତମ ମିଶ୍ର )