ବାଙ୍କୀ କୋର୍ଟ ନାଜରଙ୍କ ମାତୃ ବିୟୋଗ

ଓଡ଼ିଶା ତାଜା ନ୍ୟୁଜ (୧୮ ମେ ମଙ୍ଗଳବାର ) ବାଙ୍କୀ :- ବାଙ୍କୀ ବିଚାର ବିଭାଗ କୋର୍ଟର ନାଜର ପ୍ରଶାନ୍ତ କୁମାର ବେହେରା(ଟୀକ)ଙ୍କ ମାତା ପୁନା ବେହେରାଙ୍କ ହୃଦ ଘାତରେ ପରଲୋକ ଘଟିଛି । ମୃତ୍ୟୁ ବେଳକୁ ତାଙ୍କୁ ୭୭ବର୍ଷ ବୟସ ହୋଇଥିଲା । ବାଙ୍କୀ ଏନ୍‌.ଏ.ସି ଅନ୍ତର୍ଗତ ଶିଶୁଆ ଗ୍ରାମର ପ୍ରଶାନ୍ତ କୁମାର ବେହେରାଙ୍କ ପାଖରେ ମୃତ ପୁନା ବେହେରା ରହୁଥିଲେ । ନିକଟସ୍ଥ ଗ୍ରାମ୍ୟ ଶ୍ମଶାନରେ ତାଙ୍କର ଶବସତ୍କାର କରାଯାଇଥିଲା ।ତୃତୀୟ ପୁତ୍ର ଶ୍ରୀନିବାସ ବେହେରା ମୁଖାଗ୍ନି ପ୍ରଦାନ କରିଥିଲେ ।

ଅନ୍ୟପୁତ୍ର ଗିରିଧାରି ବେହେରା, ଗୁରୁବାରୀ ବେହେରାଙ୍କ ସମେତ ଅନ୍ୟ ପରିବାର ବର୍ଗ ମୃତ୍ୟୁ ସମୟରେ ଉପସ୍ଥିତ ଥିଲେ । ତାଙ୍କର ମୃତ୍ୟୁରେ ବାଙ୍କୀ ଅଞ୍ଚଳରେ ଶୋକର ଛାୟା ଖେଳିଯାଇଛି ।ପୁନା ବେହେରା ଧର୍ମ ପରାୟଣ ମହିଳା ଥିଲେ ଗ୍ରାମର ସୁବିଧା ଅସୁବିଧାରେ ଲୋକଙ୍କୁ ସାହାଯ୍ୟ କରୁଥିଲେ । ତାଙ୍କର ମୃତ୍ୟୁ ଖବର ପାଇ ବାଙ୍କୀ ର ବରିଷ୍ଠ ସମବାୟ ବିତ ତଥା ସାମ୍ବାଦିକ ସମରେନ୍ଦ୍ର ମହାପାତ୍ର(ବୁଲୁ),ପୂର୍ବତନ ନଗରପାଳ ଅକ୍ଷୟ ପ୍ରଧାନ, ସମାଜସେବୀ ଅକ୍ଷୟ ସାମଲ ଙ୍କ ସହ ବହୁ ବ୍ୟକ୍ତି ଯୋଗ ଦେଇଥିଲେ। (ରିପୋର୍ଟ ଗୌତମ ମିଶ୍ର)