ପାଟଣାଗଡ଼ ଉପଖଣ୍ଡ ସାମ୍ବାଦିକ ସଂଘ ପକ୍ଷରୁ ସଂଘ ସଭାପତି କୈାଲାଶ ଚନ୍ଦ୍ର ସାହୁ ଙ୍କ ବିୟୋଗରେ ଶ୍ରଦ୍ଧାଞ୍ଜଳୀ ସଭା

ଓଡ଼ିଶା ତାଜା ନ୍ୟୁଜ (୧୮ ମେ ମଙ୍ଗଳବାର ) ପାଟଣାଗଡ଼ :- ବଲାଙ୍ଗୀର ଜିଲ୍ଲା ପାଟଣାଗଡ଼ ଉପଖଣ୍ଡ ସ୍ତରୀୟ ସାମ୍ବାଦିକ ସଂଘ ପକ୍ଷରୁ ସଂଘ ର ସଭାପତି ତଥା ବରିଷ୍ଠ ସାମ୍ବାଦିକ କୈାଲାଶ ଚନ୍ଦ୍ର ସାହୁ ଙ୍କ ବିୟୋଗରେ ଏକ ଶ୍ରଦ୍ଧାଞ୍ଜଳୀ ସଭା ସ୍ଥାନୀୟ ମାରୱାଡ଼ି ଧର୍ମଶାଳା ରେ ଅନୁଷ୍ଠିତ ହୋଇଯାଇଛି ।

ଏଥିରେ ଉପଜିଲ୍ଲାପାଳ ପ୍ରଧାନ ସୋମନାଥ ପ୍ରଧାନ ମୂଖ୍ୟ ଅତିଥି, ପାଟଣାଗଡ଼ ବ୍ଳକ ଅଧ୍ୟକ୍ଷ ଭକ୍ତବନ୍ଧୁ ନାଏକ ସମ୍ମାନିତ ଅତିଥି , ସଂଘ ର ଆଇନପରାମର୍ଶ ଦାତା ବରିଷ୍ଠ ଆଇନଜୀବି ଦର୍ପଗଞନ ପଟ୍ଟନାୟକ ପ୍ରମୁଖ ଯୋଗଦେଇ ସ୍ବର୍ଗତ ସାମ୍ବାଦିକ ଶ୍ରୀ ସାହୁ ଙ୍କ ଫୋଟୋ ଚିତ୍ର ରେ ଦୀପ ପ୍ରଜ୍ବଳନ କରି ପୁଷ୍ପମାଲ୍ୟ ଅର୍ପଣ ପୂର୍ବକ ଶ୍ରଦ୍ଧାସୁମନ ଅର୍ପଣ କରିବା ସହ ସ୍ବର୍ଗତ ସାହୁ ଙ୍କ ଶ୍ରୃତି ଚାରଣ କରିଥିଲେ ।

ସଂଘ ର ସଂପାଦକ ତଥା ବରିଷ୍ଠ ସାମ୍ବାଦିକ ଲକ୍ଷ୍ମୀ କାନ୍ତ ମିଶ୍ର , ରାଜ୍ୟ ଓୟୁଜେ ସଦସ୍ୟ ସାମ୍ବାଦିକ ସଦାଶିବ ସରାଫ , ଓଟିଭି ପ୍ରତିନିଧି ସାମ୍ବାଦିକ ବଂଶିଧର ସେଠ ,କନକନ୍ୟୁଜ ପ୍ରତିନିଧି ସାମ୍ବାଦିକ ପ୍ରବିଣ କୁମାର ପୁରୋହିତ , ନକ୍ଷତ୍ର ନ୍ୟୂଜ ପ୍ରତିନିଧି ସାମ୍ବାଦିକ ଅଜିତ କୁମାର ପୁରୋହିତ ଗୁଲୁଗୁଲା ପାକ୍ଷିକ ପତ୍ରିକା ସମ୍ପାଦକ ବିଶ୍ଵାସ ପଟ୍ଟନାୟକ ଙ୍କ ସମେତ ସଂଘ ର ଅନ୍ୟ ସାମ୍ବାଦିକ ମାନେ ଉପସ୍ଥିତ ଥିଲେ । (ପାଟଣାଗଡ଼/ଗୋରେଖନାଥ ବରିହା)