ବିଶ୍ୱ ମୃତ୍ତିକା ଦିବସ ପାଳିତ

ଓଡ଼ିଶା ତାଜା ନ୍ୟୁଜ୍ ( ୨୨ ଏପ୍ରିଲ , ଗୁରୁବାର ) ହିଞ୍ଜିଳିକାଟୁ :- ପ୍ରତିବର୍ଷ ଅପ୍ରେଲ ୨୨ ତାରିଖକୁ ବିଶ୍ୱର ସାରା ଦେଶରେ ବିଶ୍ୱ ମୃତ୍ତିକା ଦିବସ ରୂପେ ପାଳନ କରାଯାଉଛି । ଏହି ପରିପ୍ରେକ୍ଷୀରେ ସ୍ଥାନୀୟ ବୃନ୍ଦାବନ ସରକାରୀ ଉଚ୍ଚ ବିଦ୍ୟାଳୟରେ ଗୁରୁବାର ଭର୍ଚୁଆଲ ମାଧ୍ୟମରେ ଏହି ଦିବସକୁ ପାଳନ କରାଯାଇଛି । ପ୍ରଧାନ ଶିକ୍ଷୟିତ୍ରୀ ଶାନ୍ତିଲତା ମୁନୀଙ୍କ ତତ୍ତ୍ୱାବଧାନରେ ଭିଡ଼ିଓ କନଫେରେନ୍ସେ ଆୟୋଜିତ କାର୍ଯ୍ୟକ୍ରମରେ ସମସ୍ତ ଶ୍ରେଣୀର ଛାତ୍ର ଛାତ୍ରୀ ଓ ଶିକ୍ଷକ ଶିକ୍ଷୟିତ୍ରୀ ମାନେ ଯୋଗଦେଇ ଥିଲେ ।

ସାମ୍ପ୍ରତିକ ପରିସ୍ଥିତିରେ ବିଶ୍ୱ ମୃତ୍ତିକା ଦିବସ ଉପଲକ୍ଷେ ପ୍ରତ୍ୟେକ ନାଗରିକଙ୍କ ଦାୟିତ୍ୱବୋଧ, ଉପଯୋଗୀତା ଓ ସୁରକ୍ଷା ଦିଗରେ ସଠିକ ପଦକ୍ଷେପ ଓ ସଚେତନତା ସୃଷ୍ଟି ଉପରେ ଆଲୋଚିତ ହୋଇଥିଲା ।ପରିବେଶ ସନ୍ତୁଳନ ଓ ବିଶ୍ୱ ତାପାୟନ ନିୟନ୍ତ୍ରଣ ଦିଗ ସହ ମାନବ ଜାତିର ଉନ୍ନତି ଦିଗରେ ବୈଜ୍ଞାନିକ ଓ ପରିବେଶବିତ ମାନଙ୍କ ସନ୍ଦେଶ ପ୍ରତି ଯତ୍ନଶୀଳ ହୋଇ ଏହାର ଉପଯୁକ୍ତ ପରିଚାଳନା ସମ୍ପର୍କରେ ଆଲୋଚନା ହୋଇଥିଲା । କାର୍ଯ୍ୟକ୍ରମ ରେ ସମସ୍ତ ଛାତ୍ର ଛାତ୍ରୀ, ଶିକ୍ଷକ ଶିକ୍ଷୟିତ୍ରୀ ଅଂଶ ଗ୍ରହଣ କରିଥିଲେ ।       ( ରିପୋର୍ଟ:ଶୁସାନ୍ତ ପ୍ରଧାନ )