ମାଛିପଡା ଠାରୁ ପୋଡାଗଡ ରାସ୍ତାର ଉନ୍ନତିକରଣ ନିମନ୍ତେ ଶୁଭ ଭିତ୍ତିପ୍ରସ୍ତର ସ୍ଥାପନ

ଓଡ଼ିଶା ତାଜା ନ୍ୟୁଜ (୧୭ ଅପ୍ରେଲ ଶନିବାର) ନୟାଗଡ଼ :- ନୟାଗଡ଼ ସଦର ବ୍ଲକ ଅନ୍ତର୍ଗତ ମାଛିପଡା ଗ୍ରାମପଞ୍ଚାୟତର ମାଛିପଡା ଠାରୁ ପୋଡାଗଡ ରାସ୍ତର ନବୀକରଣ ହେବ । ମାଛିପଡା ଠାରୁ ରଘୁନାଥପୁର ଦେଇ ପୋଡାଗଡରେ ଏହି ରାସ୍ତା ବାହାରିବ । ଗ୍ରାମ ଉନ୍ନୟନ ବିଭାଗ ଦ୍ଵାରା ନିର୍ମାଣ ହେବାକୁ ଥିବା ଏହି ରାସ୍ତାରେ ୩ କୋଟି ୯୧ ଲକ୍ଷ ଟଙ୍କା ଖର୍ଚ୍ଚ ହେବ । ଏଥିପାଇଁ ୭ କିଲୋମିଟର ରୁ ଉର୍ଦ୍ଧ୍ବ ରାସ୍ତା ନିର୍ମାଣ ହେବ ।

ଆଜି ଏହି ରାସ୍ତାର ଭିତ୍ତି ପ୍ରସ୍ତର ସ୍ଥାପନ କରିଛନ୍ତି ମାନ୍ୟବର ମନ୍ତ୍ରୀ ତଥା ବିଧାୟକ ଡଃ ଅରୁଣ କୁମାର ସାହୁ । ଏହି ରାସ୍ତା ନିର୍ମାଣ ହେବା ଦ୍ବାରା ସ୍ଥାନୀୟ ଅଞ୍ଚଳର ୩ ହଜାରରୁ ଅଧିକ ଜନସାଧାରଣ ଙ୍କ ଗମନାଗମନ ସୁବିଧା ଉପଲବ୍ଧ ହେବ । ନୟାଗଡ଼ ବ୍ଲକ ଅଧ୍ୟକ୍ଷ ଗୋଲାପ ଦଳବେହେରା , ଉପାଧ୍ୟକ୍ଷ ସୁବାଷ କଅଁର , ଗ୍ରାମ ଉନ୍ନୟନ ବିଭାଗର କାର୍ଯ୍ୟା ନିର୍ବାହ ଯନ୍ତ୍ରୀ ଦେବରାଜ ଵେ‌ହେରା , ସହକାରୀ ଯନ୍ତ୍ରୀ ଗୋବିନ୍ଦ ସାହୁ , ସ୍ଥାନୀୟ ସମିତି ସଭ୍ୟ ଯୁବରାଜ ବେହେରା , ସରପଞ୍ଚ ପରିଖିତ ମହାପାତ୍ର , କନିଷ୍ଠ ଯନ୍ତ୍ରୀ ରବିନ୍ଦ୍ର ସ୍ବାଇଁ ପ୍ରମୁଖ ଉପସ୍ଥିତ ରହିଥିଲେ । (ରିପୋର୍ଟ – ଅଶ୍ଵିନୀ କୁମାର ସାହୁ )