ମାହାଙ୍ଗା, କଟକ (ଓଡିଶା ତାଜା ନ୍ୟୁଜ୍ ) ଜଗତପୁର ପାଗା ଛକ 19/02/2020 :- କମିସନରେଟ ପୋଲିସ ଅଧୀନରେ ଥିବା ବହୁ ଥାନା ମାନଙ୍କରେ ଦିନକୁ ଦିନ ଅପରାଧ ବଢିଚାଲିଥିବା ବେଳେ ଅପରାଧ ଦମନ ପାଇଁ ସତେ ଯେମିତି କମିସନରେଟ ପୋଲିସ ବିଭାଗ ମୁକ ହୋଇ ନିରବ ଦଷ୍ଟ୍ରା ହୋଇଯାଇଛି, ସାଧାରଣ ମଣିଷ ଆଉ ନିଜକୁ ସୁରକ୍ଷିତ ମଣୁନାହାନ୍ତି, କୋଉଠି ଦିନ ଦ୍ୱିପ୍ରହରରେ ତ କୋଉଠି ରାତି ଅଧ ଘଟୁଛି ଗୁରୁତର ଅପରାଧ, ରେ କେତେକ ପୋଲିସ ବାବୁଙ୍କ ଅପରାଧୀ ପ୍ରେମ ନୀତି ଯୋଗୁ ଅପରାଧୀ ମାନେ ଅପରାଧ ଘଟାଇବାକୁ ପଛଘୁଞ୍ଚା ଦେଉନାହାନ୍ତି,
ଅପରାଧୀ ମାନେ ଅପରାଧ ଘଟାଇ ଖୁଲମଖୁଲା ବୁଲୁଥିବା ବେଳେ ପୋଲିସ ସେଥିପ୍ରତି ଧ୍ୟାନ ବି ଦଉନି, କଟକ ଜିଲ୍ଲା ବାଙ୍କୀ ଥାନା ପରେ ଏବେ ସଙ୍ଗିନ ହତ୍ୟା ଘଟଣା ଘଟିଛି କଟକ ଜଗତପୁର କମିସନରେଟ ପୋଲିସ ଥାନାର ପାଗା ଫାଣ୍ଡି ଅଧୀନରେ ଥିବା ପାଗା ଛକ ରେ, ଜଣେ ସାଧାରଣ ଲୋକ ନିଜର ଗୁଜୁରାଣ ମେଣ୍ଟାଇବାକୁ ସେଠାରେ ଦୋକାନ କରି ନିଜ ଗୁଜୁରାଣ ମେଣ୍ଟାଉ ଥିଲା, ହେଲେ ଗତ ସୋମବାର ରାତିରେ ସେଇ ଦୋକାନ ଭିତରେ କେଇ ଦୁର୍ବୁତ୍ତ ମାନେ ଦୋକାନ ମଲିକ କୁ ଅତି ନୃଶଂସ ଭାବେ ବେକ କାଟି ହତ୍ୟା କରିଚି, ଯାହାକୁ ନେଇ ସମଗ୍ର କଟକ ଜିଲ୍ଲାରେ ପୋଲିସ ବିଭାଗର କାର୍ଯ୍ୟଦକ୍ଷତାକୁ ନେଇ ସାଧାରଣରେ ପ୍ରଶ୍ନ ଉଠିଛି, କଟକ ଚାନ୍ଦବାଲି ରାସ୍ତାର ପାଗା ଫାଣ୍ଡି ଠାରୁ ମାତ୍ର ୧00 ମିଟର ଦୂରରେ ରାସ୍ତା କଡର ମଦ ଦୋକାନ ନିକଟରେ ଥିବା ଏହି ପାନ ଦୋକାନୀକୁ କେମିତି ହତ୍ୟା କରାଗଲା ତାହା କୁ ନେଇ ସମସ୍ତେ ଚକିତ ହୋଇଛନ୍ତି, ହତ୍ୟା ର ଶିକାର ହୋଇଥିବା ଲଷ୍ମୀନାରାୟଣ ପୁର ଗାଁ ର କ୍ଷୀରୋଦ ଭୋଇ (55) ପାଗା ଛକରେ ଦୋକାନ କରିଥିଲେ, ଗତକାଲି ସେ ଘରକୁ ରାତିରେ ନଫେରିବାରୁ ଆଜି ସକାଳୁ ତାଙ୍କ ପୁଅ ଶଙ୍କର୍ଷଣ ଦୋକାନକୁ ଯାଇଥିଲେ ବାପାକୁ ଖୋଜିବାକୁ, ଗଲାବେଳକୁ ଟଙ୍କା ବାପା ମୁହଁ ଓ ବେକରେ ହଣା ହୋଇଥିବା ସହ ସେ ମାରିପଡିଥିବା ନେଇ ପୋଲିସ କୁ ଖବର ଦେଇଥିଲେ, ଘଟଣା ସ୍ଥଳରେ ପୋଲିସ ପହଂଚି ପ୍ରାଥମିକ ତଦନ୍ତ ଚଳାଇଥିବା ବେଳେ କିଏ କାହିଁକି ତାକୁ ହତ୍ୟାକଲା ତାଜଣାପଡ଼ିନି, ମୃତ କ୍ଷୀରୋଦ ର ସମସ୍ତଙ୍କ ସହ ଭଲ ସମ୍ପର୍କ ଥିବାବେଳେ କାହାରି ସହ ପୁରା ଶତ୍ରୁତା ବି ନଥିବା ଜଣାଯାଇଛି,
କ୍ଷୀରୋଦ ନିଜ ଦୋକାନ ଖାତା ଉପରେ ଶୋଇରହିଥିବା ବେଳେ ସୀତା ବସ୍ତ୍ର ବି ପରିଧାନ କରିଚନ୍ତି, ତାଙ୍କୁ ହତ୍ୟା କରାଯିବାପରେ ତାଙ୍କ ଦୋକାନରେ ହତ୍ୟାକାରୀମାନେ ଆଣି ଶୁଆଇ ଦେଇଥିବା ଚର୍ଚ୍ଚା ହେଉଛି, ମେରୀ ରାୟ ନୀତିରେ ଚାଲିଛି କଟକ ଜିଲ୍ଲା ରେ ଆଇନ ସୁରକ୍ଷା ବ୍ୟବସ୍ତା, କଟକ ଜିଲ୍ଲା ବାଙ୍କୀ ଅଂଚଳରେ ଦିନ ଦିପ୍ରହରର ଡବଲ ମର୍ଡର ଘଟଣାର 6 ଦିନ ପରେ ପୁଣି ଜଗତ ପୁର ଥାନା ରେ ଘଟିଛି ଏଭଳି ହତ୍ୟା କାଣ୍ଡ,ପୋଲିସ ଏଯାଏଁ ଅପରାଧୀ ମାନଙ୍କର ଟେର ପାଉନଥିବା ଅଭିନୟ କରି ସେମାନଙ୍କୁ ଖସି ଯିବାରେ ସାହାଯ୍ୟ କରୁଛି ବୋଲି ସବୁ ଆଡେ ଆଲୋଚନା ହେଉଛି, ଏଠି ହତ୍ୟାକାରୀଙ୍କ ରକ୍ଷା କବଚ ସାଜିଛି କଟକ ପୋଲିସ ବୋଲି ଚର୍ଚ୍ଚା ଜୋର ହେଉଛି, ତୁରନ୍ତ ଉଭୟ ହତ୍ୟା କାଣ୍ଡ ଘଟଣାରେ ହତ୍ୟାକାରୀ ମାନଙ୍କୁ ଗିରଫ କରାନଗଲେ ଆଗମୀଦିନରେ କଟକ ପୋଲିସ ମୁଖ୍ୟାଳୟରେ ଆନ୍ଦୋଳନ ହେବବୋଲି ସାଧାରଣ ଜନତା ମାନେ ଚେତାବନୀ ଦେଇଛନ୍ତି,
