ସୋଟ୍ ସର୍କିଟ ରୁ ନିଆଁ ଲାଗି ମହିଳା ଓ ଗାଈ ଅର୍ଦ୍ଧ ଦଗ୍ଧ

ଓଡିଶା ତାଜା ନ୍ୟୁଜ୍ ( ୨୪ ମାର୍ଚ୍ଚ ବୁଧବାର ) ବସ୍ତା :- ବସ୍ତା ଥାନା ପନିଶାପଡା ଗ୍ରାମରେ ସୋଟ ସର୍କିଟ ରୁ ନିଆଁ ଲାଗି ଘର ସହିତ ମହିଳା ଓ ଗାଈ ଅର୍ଦ୍ଧଦଗ୍ଧ ହୋଇଥିବା ଜଣାଯାଇଛି । ପଣିଶାପଡା ଗ୍ରାମର ଦିବାକର ସାହୁ ଶୋଇଥିବା ସମୟରେ ହଠାତ୍ ନିଆଁ ଲାଗିଯାଇଥିଲା । ଶ୍ରୀ ସାହୁ ଘର ନିଆଁଲାଗିଥିବା ଜାଣି ପରିବାର ଲୋକଙ୍କୁ ଡାକି ଉଠେଇ ଥିଲେ । ଗ୍ରାମ ଲୋକ ତୁରନ୍ତ ବସ୍ତା ଦମକଳ କୁ ଖବର ଦେଇଥିଲେ । ଦମକଳ ବାହିନୀ ଘଟଣାସ୍ଥଳରେ ପହଚୁ ପହଞ୍ଚୁ ଶ୍ରୀ ସାହୁଙ୍କ ଘର ସମେତ ସମସ୍ତ ଆସବାବ ପତ୍ର ,ଧାନ ଚାଉଳ,ଲୁଗାପଟା ସମେତ ସମସ୍ତ ଦରକାରୀ ଜିନିଷ ଜଳିପୋଡି ପାଉଁଶ ହୋଇଯାଇଥିଲା ।

କେବଳ ପିନ୍ଧା ଲୁଗା କୁ ଛାଡ଼ିଲେ ଆଉ କିଛି ବଞ୍ଚିନଥିଲା । ଗୁହାଳରୁ ଗାଈ କୁ ଫିଟାଇବାକୁ ଯାଇ ଶ୍ରୀ ସାହୁ ଙ୍କ ସ୍ତ୍ରୀ ଏହି ନିଆଁ ରେ ଆହତ ହୋଇଥିବା ବେଳେ ଗାଈ ମାନକ ମଧ୍ୟରୁ ଗୋଟେ ଗାଈ ଅର୍ଦ୍ଧଦଗ୍ଧ ଅବସ୍ଥାରେ ଉଦ୍ଧାର କରାଯାଇଛି । ଏନେଇ ପରିବାର ଲୋକ ବସ୍ତା ତହସିଲଦାର ଙ୍କୁ ସରକାରୀ ସାହାଯ୍ୟ ପାଇଁ ଗୁହାରି କରିଛନ୍ତି । ଶ୍ରୀ ସାହୁ ଜଣେ ଗରିବ ଚାଷୀ ହୋଇଥିବା ବେଳେ ତାଙ୍କୁ ତୁରନ୍ତ ସରକାରୀ ସାହାଯ୍ୟ ଯୋଗାଇବା ପାଇଁ ବିଭିନ୍ନ ମହଲରୁ ଦାବି କରାଯାଇଛି ।   (ଦୀପ୍ତିମାନ ପତି, ବାଲେଶ୍ୱର)