ବାଲ୍ମୀକି ଦାସକୁଳ ମହାସଂଘ ଦ୍ଵାରା ବିବାହ ଉତ୍ସବ ସମ୍ପନ୍ନ

ଓଡିଶା ତାଜା ନ୍ୟୁଜ୍ ( ୨୩ ମାର୍ଚ୍ଚ,ମଙ୍ଗଳବାର ) ହିଞ୍ଜିଳିକାଟୁ  :- ଆଞ୍ଚଳିକ ବାଲ୍ମୀକି ଦାସକୁଳ ମହାସଂଘ , ପୂର୍ବଖଣ୍ଡ ତାଲୁକା ପକ୍ଷରୁ ଦୀର୍ଘଦିନ ଧରି ଅଟକି ରହିଥିବା ବିବାହ କାର୍ଯ୍ୟକୁ ମଙ୍ଗଳବାର ମହା ଆଡମ୍ବରପୂର୍ଣ ଭାବେ ଯଥାରୀତି ସମ୍ପନ୍ନ କରାଯାଇଛି। ସ୍ଥାନୀୟ ହିଂଜିଳି ଥାନା ଅଞ୍ଚଳର ସୋମପୁର ଓ ପି ରାମଚନ୍ଦ୍ରପୁର ଗ୍ରାମର ଦୁଇ ପରିବାର ମଧ୍ୟରେ ଉପୁଜିଥିବା ତିକ୍ତତା,ମତାନ୍ତର ଯୋଗୁଁ କୁଳ ସମାଜରେ ଏହାର ଯଥାସମ୍ଭବ ସମାଧାନ କରାଯାଇଛି । ପୂର୍ବଖଣ୍ଡ ତଲୁକାର ନୂତନ ସଭାପତି ପ୍ରଭାକର ଦାସ ଓ ଯୁବ ସଭାପତି ମିଥୁନ ଦାଶଙ୍କ ମିଳିତ ଉଦ୍ୟମରେ ଉଭୟ ପକ୍ଷ ମଧ୍ୟରେ ଆପୋଷ ବୁଝାମଣା ଜରିଆରେ ବିବାହ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।

ଏହି ପରିପ୍ରେକ୍ଷୀରେ ଉଭୟ ପୁଅ ଝିଅଙ୍କ ପରିବାର ସମେତ ଅନ୍ୟାନ୍ୟ କୁଳ ସଦସ୍ୟ ମା ଉଲ୍ଲୀବାଙ୍କୀ ଠାକୁରାଣୀ ମନ୍ଦିର ପରିସରରେ ସମବେତ ହୋଇଥିଲେ । ଉଭୟ କନ୍ୟା ଓ ବର ପକ୍ଷଙ୍କ ଉପସ୍ଥିତିରେ ବିବାହ କାର୍ଯ୍ୟ ବୈଦିକ ରୀତିରେ ସମ୍ପନ୍ନ ହୋଇଥିଲା । ପରମ୍ପରା ଅନୁଯାୟୀ ଝିଅ ପରିବାର ପକ୍ଷରୁ ପୁଅ ପରିବାରକୁ କୁଳ ସମ୍ପ୍ରଦାୟ ଦ୍ୱାରା ଅସଭାବପତ୍ର ସହ ଆର୍ଥିକ ସହାୟତା ପ୍ରଦାନ କରାଯାଇଥିଲା । ଏହି ମାଙ୍ଗଳିକ କାର୍ଯ୍ୟକ୍ରମରେ ମହୁରୀ , ବଡ଼ଖଣ୍ଡି , ଆଠଗଡ଼ , ସାନଖେମୁଣ୍ଡି ଆଦି ତଲୁକା ସଭାପତିଙ୍କ ସମେତ ମଣ୍ଡଳ ସମ୍ପାଦକ ମାନେ ଯୋଗ ଦେଇଥିଲେ।ଦୀର୍ଘଦିନର ବାଦବିବାଦ ପରେ ସ୍ଥଗିତ ଥିବା ବିବାହ କାର୍ଯ୍ୟକ୍ରମକୁ ମାନବୀୟ ଦୃଷ୍ଟିକୋଣ ଅନୁଯାୟୀ ଦାସ କୂଳ ମହାସଂଘ ପକ୍ଷରୁ ସମ୍ପନ କରାଯାଇଛି । (ହିଞ୍ଜିଳିକାଟୁ ରିପୋର୍ଟ/ଶୁସାନ୍ତ ପ୍ରଧାନ)