ଭଗତ ସିଂ’ ଙ୍କ ଶହୀଦ ଦିବସ ଅବସରରେ ଅଲ ଇଣ୍ଡିଆ ଡ଼ିଏସଓ ପକ୍ଷରୁ ସାଇକେଲ ଶୋଭାଯାତ୍ରା

ଓଡିଶା ତାଜା ନ୍ୟୁଜ୍ ( ୨୩ ମାର୍ଚ୍ଚ ମଙ୍ଗଳବାର ) ହିଞ୍ଜିଳିକାଟୁ :-  ଭଗତ ସିଂଙ୍କ ଶହୀଦ ଦିବସ ଅବସରରେ ମଙ୍ଗଳବାର ଅଲ ଇଣ୍ଡିଆ ଡ଼ିଏସଓ ଆଂଚଳିକ କମିଟି ପକ୍ଷରୁ ଏକ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ଏଆଇଡ଼ିଏସଓର ରାଜ୍ୟ ଉପସଭାପତି ସୋମନାଥ ବେହେରାଙ୍କ ନେତୃତ୍ୱରେ ଆଂଚଳିକ ମିଟିର କର୍ମକର୍ତା ଓ ସଦସ୍ୟ ମାନେ ସ୍ଥାନୀୟ ପୌରାଂଚଳ ବଇଁଚବଣିଆ ଛକରୁ ଏକ ସାଇକେଲ ଶୋଭାଯାତ୍ରାରେ ବାହାରି ନଗର ପରିକ୍ରମା କରିବା ସହ ବିଭିନ୍ନ ୱାର୍ଡ଼ରେ ପଥପ୍ରାନ୍ତ ସଭାର ଆୟୋଜନ କରିଥିଲେ । ଶହୀଦ ଭଗତ ସିଂଙ୍କ

ସଂଗ୍ରାମ ଓ ତାଙ୍କରି ଚିନ୍ତାଧାରାର ପ୍ରାସଙ୍ଗିକତା ସର୍ମ୍ପକରେ ଆଲୋକପାତ କରିଥିଲେ । ଦେଶରେ ଜନସାଧାରଣଙ୍କୁ ସମସ୍ତ ପ୍ରକାର ଶୋଷଣ , ଅତ୍ୟାଚାର ରୁ ମୁକ୍ତଦ କରିବାର ସ୍ୱପ୍‌ନ ଆଜି ବି ସାକାର ହୋଇପାରିବ । ଭଗତ ସିଂଙ୍କ ଅଧୁରା ସ୍ୱପ୍ନକୁ ସାକାର କରିବା ପାଇଁ ନୂତନ ଚିନ୍ତାଚେତନା , ଆଦର୍ଶ ମୂଲ୍ୟବୋଧ ଭିତିରେ ସମସ୍ତଙ୍କୁ ସଚେତନ ଓ ସଙ୍ଗଠିତ ହେବାକୁ ପଡ଼ିବ ବୋଲି ମତ ପ୍ରକାଶ ପାଇଥିଲା । ଉକ୍ତ କାର୍ଯ୍ୟକ୍ରମ ରେ ଆଂଚଳିକ କମିଟିର ସଭ୍ୟ ପପୁନ ସାହୁ, ବିଭୂତି ସାହୁ, ଅନିଲ ସାହୁ, ସନ୍ତୋଷ ପଣ୍ଡା, ଶୁଭସ୍ମିତା ପାଣିଗ୍ରାହୀ, କାମରାଜୁ ସାହୁ, ଅଲିଭା ଦାସ, କାମିନି ମଲ୍ଲିକ, ତୋପାନ ସାହୁଙ୍କ ସମେତ ବହୁ ଶିକ୍ଷାର୍ଥୀ ଅଂଶ ଗ୍ରହଣ କରିଥିଲେ । ( ରିପୋର୍ଟ – ଶୁସାନ୍ତ ପ୍ରଧାନ )