ପ୍ରିୟଦର୍ଶୀ ସ୍ମାରକୀ କ୍ରିକେଟ ଟୁର୍ଣ୍ଣାମେଂଟ ପ୍ରଥମ କ୍ୱାଟର ଫାଇନାଲ ମ୍ୟାଚରେ ଚେରମାରିଆ ୮ ୱିକେଟରେ ବିଜୟୀ

ଓଡିଶା ତାଜା ନ୍ୟୁଜ୍ ( ୨୩ ମାର୍ଚ୍ଚ ମଙ୍ଗଳବାର ) ହିଞ୍ଜିଳିକାଟୁ :-   ହିଞ୍ଜିଳିକାଟୁ ପୌରାଂଚଳ ମିନି ଷ୍ଟାଡ଼ିୟମ ପରିସରରେ ଆୟୋଜିତ ପ୍ରିୟଦର୍ଶୀ ସ୍ମାରକୀ କ୍ରିକେଟ ଟୁର୍ଣ୍ଣାମେଂଟର ପ୍ରଥମ କ୍ୱାଟର ଫାଇନାଲ ମ୍ୟାଚ ସୋମବାର ଡ଼ିଲିସିଅସ କ୍ରିକେଟ କ୍ଳକ, ଚେରମାରିଆ ଓ ରାଜବଂଶ କ୍ରିକେଟ କ୍ଳବ, ଶେରଗଡ଼ ମଧ୍ୟରେ ଅନୁଷ୍ଠିତ ହୋଇଥିଲା । ଟସ୍ ଜିତି ଶେରଗଡ଼ ଦଳ ପ୍ରଥମେ ବ୍ୟାଟିଂ କରିବା ପାଇଁ ନିଷ୍ପତି ନେଇ ନିର୍ଦ୍ଦାରିତ ୨୦ ଓଭରରେ ୯ଗୋଟି ୱିକେଟ ହରାଇ ୧୨୬ ରନ୍ ସଂଗ୍ରହ କରିଥିଲେ । ଦଳ ପକ୍ଷରୁ ଲବଣ ବ୍ୟକ୍ତିଗତ ୪୬ ବଲରୁ ୫ଟି ଚୌକା ଓ ଗୋଟିଏ ବିଶାଳ ଛକା ସହାୟତାରେ ୪୭ରନ୍ ସଂଗ୍ରହ କରିଥିଲେ । ଜବାବରେ ଚେରମାରିଆ ଦଳ ୧୫ ଓଭରରେ୨ଟି ୱିକେଟ ହରାଇ ୧୩୧ ରନ୍ ସଂଗ୍ରହ କରିଥିଲେ । ଫଳରେ ଡ଼ିଲିସିଅସ କ୍ରିକେଟ କ୍ଳବ, ଚେରମାରିଆ ୮ ୱିକେଟରେ ବିଜୟ ଲାଭ କରିଥିଲା ।

ଚେରମାରିଆ ଦଳ ପକ୍ଷରୁ ପୁର୍ଣ୍ଣ ୫୪ବଲରୁ ଧୁଆଁଧାର ୮୭ ରନ୍ (ନଟଆଉଟ) ସଂଗ୍ରହ କରିଥିବାରୁ ତାଙ୍କୁ ମ୍ୟାନ୍ ଅଫ୍ ଦି ମ୍ୟାଚ୍ ଘୋଷଣା କରାଯାଇଥିଲା । ଅତିଥି ଭାବେ ପ୍ରିୟଦର୍ଶୀ ସ୍ମାରକୀ କ୍ରିକେଟ ଟୁର୍ଣ୍ଣାମେଂଟର ଉପସଭାପତି ସୁନିଲ କୁମାର ପଣ୍ଡା ଯୋଗଦେଇ ପୁର୍ଣ୍ଣଙ୍କୁ ମ୍ୟାନ୍ ଅଫ୍ ଦି ମ୍ୟାଚ୍ ଭାବେ ପୁରସ୍କୃତ କରିଥିଲେ । ସିମାଂଚଳ ଦାଶ ଓ ପ୍ରଶାନ୍ତ ପାଢି ଆମ୍ପାୟର ଦାୟିତ୍ୱ କରିଥିବା ବେଳେ ସ୍କୋରର ଥିଲେ ସତିଶ ପାଢି । ସଚିନ ସେଠି ଧାରା ବିବରଣୀ ପ୍ରଦାନ କରିଥିଲେ । ପ୍ରଶାନ୍ତ ପ୍ରଧାନ, ଉମା ମହାରଣା, ଜଗନ ଡ଼ାକୁଆ, ଅମୁଲ୍ୟ ପଣ୍ଡା, ପ୍ରଫୁଲ ଜେନା ପରିଚାଳନା କରିଥିବା ବେଳେ ଆୟୋଜକ ଇଗଲ କ୍ରିକେଟ ଟିମର ସଦସ୍ୟ ସହଯୋଗ କରିଥିଲେ । ମଙ୍ଗଳବାର ଦ୍ୱିତୀୟ କ୍ୱାଟର ଫାଇନାଲ ମ୍ୟାଚ ଚିଲିକାରାଣୀ କ୍ରିକେଟ କ୍ଳବ, ରମ୍ଭା ସହ ପାୱାର କ୍ରିକେଟ କ୍ଳବ, ଆସିକା ମଧ୍ୟରେ ଅନୁଷ୍ଠିତ ହେବ । ( ରିପୋର୍ଟ – ଶୁସାନ୍ତ ପ୍ରଧାନ )