ପୁରୀ ବଡ଼ଦାଣ୍ଡ ସେବାରେ ଯୋଗଦାନ କଲେ ଜଳେଶ୍ଵର ର ହେଲ୍ପ ଫର ୟୁ ଫାଉଣ୍ଡେସନ

ଓଡ଼ିଶା ତାଜା ନ୍ୟୁଜ ( ୨୧ ମାର୍ଚ୍ଚ ରବିବାର ) ବାଲେଶ୍ୱର :- ପୁରୀ ବଡ଼ ଦାଣ୍ଡ ସେବାରେ ଯୋଗଦାନ କଲେ ବାଲେଶ୍ଵର ଜିଲ୍ଲାର ଜଳେଶ୍ଵର ର ହେଲ୍ପ ଫର ୟୁ ଫାଉଣ୍ଡେସନ । ସୂଚନା ଅନୁସାରେ ପୁରୀ ଜଗନ୍ନାଥଙ୍କ ମନ୍ଦିର ପାଖରୁ ଗୁଣ୍ଡିଚା ମନ୍ଦିର ପର୍ଯ୍ୟନ୍ତ ବଡ଼ ଦାଣ୍ଡ ସେବା କାର୍ଯ୍ୟକ୍ରମ ଆରମ୍ଭ ହୋଇ ଯାଇଛି , ଆଜି ସକାଳ 6.30 ରୁ 8.30 ପର୍ଯ୍ୟନ୍ତ ବଡ଼ ଦାଣ୍ଡ ସେବା କରାଯାଇଛି । ଏଥିରେ ଜଳେଶ୍ଵର ର ହେଲ୍ପ ଫର ୟୁ ଫାଉଣ୍ଡେସନ ପୁରୀ ବଡ଼ ଦାଣ୍ଡ ସେବା ରେ ଯାଗଦାନ କରି ବେଶ ପ୍ରଶଂସା ସାଉଁଟିଛନ୍ତି ।

ପୁରୀ ବଡ ଦାଣ୍ଡକୁ ପରିଷ୍କାର ପରିଚ୍ଛନ୍ନ ରଖିବା ସହ ସ୍ୱଛତା ସମ୍ପର୍କରେ ସଚେତନତା କରିବା ନେଇ ଜିଲ୍ଲା ପ୍ରଶାସନ ଗତ ସପ୍ତାହରୁ ଆରମ୍ଭ କରିଛି ବଡ଼ ଦାଣ୍ଡ ସେବା, ପ୍ରତ୍ୟେକ ଶନିବାର ସକାଳେ ଅନୁଷ୍ଠିତ ହେଉଥିବା ଏହି କାର୍ଯ୍ୟ କୁ ପାଳନ କରିବାରେ ଆଜି ଦ୍ୱିତୀୟ ସପ୍ତାହ ଥିଲାବେଳେ ଜିଲ୍ଲାପାଳ ସମର୍ଥ ବର୍ମା ଓ ପ୍ରଶାସନ ଅଧିକାରୀ, ପୁରୀ ର ସ୍ଵେଚ୍ଛାସେବୀ ଓ ପୁରୀ ବାସି ଓ ବହୁତ ସମାଜ ସେବା ସଙ୍ଗଠନ ସାମିଲ ହୋଇ ଥିଲେ ।

ବାଲେଶ୍ବର ଜିଲ୍ଲା ଜଳେଶ୍ଵର ର ହେଲ୍ପ ଫର ୟୁ ଫାଉଣ୍ଡେସନ ର ସଭାପତି ମାନସ ରଞ୍ଜନ ଧଳ, ଉପଦେଷ୍ଟା ହେମନ୍ତ ଜେନାଙ୍କ ସହ ସଦସ୍ୟ ମାନେ ବଡ଼ ଦାଣ୍ଡ ସେବାରେ ଯୋଗ ଦେଇ ବେଶ ଖୁସି ପ୍ରକାଶ ଓ ନିଜକୁ ଏହି ମହାନ କାର୍ଯ୍ୟ ରେ ସାମିଲ କରିପାରିଥିବାରୁ ନିଜକୁ ଧନ୍ୟ ମନେ କରିଛନ୍ତି । ତତସହିତ ବଡ଼ ଦାଣ୍ଡ କୁ ସ୍ଵଛ ରଖିବା ପାଇଁ ସ୍ବେଚ୍ଛାସେବୀ, ପୁରୀ ବାସି ଙ୍କୁ ପ୍ରଶାସନ ପକ୍ଷରୁ ଆହ୍ୱାନ କରାଯାଇଛି । (ଦୀପ୍ତିମାନ ପତି, ବାଲେଶ୍ୱର )