କଟକ-ଭୁବନେଶ୍ୱର ଜାତୀୟ ରାଜପଥ ଫୁଲନଖରା ନିକଟରେ ଖରିବଣରେ ନିଆଁ ଲାଗି ଜାତୀୟ ରାଜପଥ କୁ ମାଡ଼ି ଗଲା ଲୋକେ ଭୟବିତ

ଓଡ଼ିଶା ତାଜା ନ୍ୟୁଜ୍ ( ୨୫ ଫେବୃଆରୀ ଗୁରୁବାର ) କଟକ :- କଟକ -ଭୁବନେଶ୍ୱର ଜାତୀୟ ରାଜପଥ ଫୁଲନଖରା ନିକଟସ୍ଥ ମହେନ୍ଦ୍ର। ଶୋରୁମ ରିଲିଆନ୍ସ ପେଟ୍ରୋଲ ପମ୍ପ ନିକଟରେ ଥିବା, ତାରା ପଟ୍ଟନାୟକ ଫାର୍ମ ହାଉସ ର ଫାଙ୍କା ଯାଗାରେ ଥିବା ଖରିବୁଦାରେ କୌଣସି ବ୍ୟକ୍ତି ଗୁରୁବାର ଦିନ ୧୧ ଟାରେ ନିଆଁ ଲଗାଇ ଦେଇଥିଲା । ଯାହା ଫଳରେ ନିଆଁ ଏତେ ପ୍ରଖର ଭାବେ ଜଳି ,ଧିରେ ଧିରେ ଆଖପାଖରେ ଥିବା ଖରିବଣକୁ ବ୍ୟାପି ଯାଇଥିଲା । ନିଆଁ ଜଳୁଥିବା ପାଖରେ ମହେନ୍ଦ୍ର। ଗାଡ଼ି ଶୋରୁମ ଏବଂ ରିଲିଆନ୍ସ ପେଟ୍ରୋଲ ପମ୍ପ ଥିବାରୁ , ସେଠାରେ କାର୍ଯ୍ୟରତ କର୍ମଚାରୀ ମାନେ ଭୟବିତ ହୋଇ ଯାଇଥିଲେ ।

ପଶ୍ଚିମ-ଉତ୍ତର କୋଣରୁ ପବନ ବହୁଥିବାରୁ ନିଆଁର ବେଗ ଦକ୍ଷିଣ-ପୂର୍ବ କୋଣ ଅଞ୍ଚଳକୁ ମାଡ଼ି ଚାଲି ଥିଲା । ଏହା ଦେଖି ପେଟ୍ରୋଲ ଟାଙ୍କି କର୍ମଚାରୀ ମାନେ ତେଲଦେବା ବନ୍ଦକରି ନିଜକୁ ବଞ୍ଚାଇବା ପାଇଁ ସେ ସ୍ଥାନ ଛାଡି ଦୌଡ଼ିବା ଆରମ୍ଭ କରିଥିଲେ । ନିଆଁ ଲାଗି ବାର ଦୁଇ ଘଣ୍ଟା ବିଳମ୍ବରେ କଟକ ରୁ ଗୋଟିଏ ଦମକଳ ଆସି ଘଟଣା ସ୍ଥଳରେ ପହଞ୍ଚି ନିଆଁକୁ ଲିଭାଇବା ପାଇଁ ପାଣିପକା କାର୍ଯ୍ୟ ଆରମ୍ଭ କରିଥିଲା । ଖରିବଣ ବ୍ୟାପକ ଆକାରେ ଥିବାରୁ ନିଆଁ ଏଣେ ତେଣେ ଜଳୁଥିଲା । ପରେପରେ ଆଉ ଦୁଇଟି ଦମକଳ ଆସି ପହଂଚିଥିଲା । ସେଥି ମଧ୍ୟରୁ ଗୋଟିଏ ଗାଡ଼ିରେ ପାଣି ନଥିବାରୁ କିଛି କାମରେ ଆସି ପାରିନଥିଲା ।

ନିଆଁ ର ଧାସ ଯୋର ଥିଲା ବେଳେ ପବନରେ ଉଡ଼ି ଜାତୀୟ ରାଜପଥ କଡ଼ରେ ଗଦାହୋଇଥିବା ଅଳିଆ ଗଦାରେ ପଡ଼ି ନିଆଁ ଜଳିବା ଆରମ୍ଭ ହୋଇ ଯାଇଥିଲା । ଏହି ରାସ୍ତାରେ ଯାଉଥିବା ଗାଡ଼ି ଚାଳକମାନେ ଭୟଭୀତ ହୋଇ ରାସ୍ତାରେ ଅଟକି ଯାଇ ଥିଲେ । ଖବର ପାଇ କଟକ ସଦର ପୋଲି, ଫୁଲନଖରା ଟ୍ରାଫିକ ପୋଲିସ ,ଡିସିପି ପ୍ରତିକ ସିଂହ, ଯୋନ୍ -୪ -ଏସିପି ସତ୍ୟରଞ୍ଜନ ମଲ୍କିକ,

ଟ୍ରାଫିକ ଏସିପି ଦେବଜ୍ୟୋତି ଦାଶ ଘଟଣା ସ୍ଥଳରେ ପହଞ୍ଚି ନିଆଁ ଲାଗୁଥିବା ସ୍ଥାନ ବୁଲି ଦେଖି ଥିଲେ । ଦିନ ଦୁଇଟା ସୁଦ୍ଧା ନିଆଁ ଆପେଆପେ ଲିଭିଯିବାରୁ ଲୋକେ ଆସ୍ୱସ୍ଥି ହୋଇ ଥିଲେ । ଏହି ଅଗ୍ନି କାଣ୍ଡରେ କୌଣସି ଲୋକଙ୍କର ମୃତାହତ ହୋଇ ନାହାନ୍ତି । କେବଳ ପାଖରେ ଥିବା ବିଦ୍ୟୁତ ଟ୍ରାନ୍ସଫର୍ମରର ତାର ପୋଡ଼ି ଯିବାରୁ ବିଦ୍ୟୁତ ସରବରାହ ବ୍ୟାହତ ହୋଇଛି । (କଟକ ରୁ ଅମୂଲ୍ୟ କୁମାର ବାରିକଙ୍କ ରିପୋର୍ଟ)