ଲୋକଙ୍କ ବିକାଶ ପାଇଁ ସାଥିରେ ଅଛି, ସାଥିରେ ରହିବି : ବିକାଶ ଓ ଶିକ୍ଷା କ୍ଷେତ୍ରରେ ହିଞ୍ଜିଳିକୁ ଅଗ୍ରାଧିକାର ଦିଆଯିବ , ହିଞ୍ଜିଳିକାଟୁ ବ୍ଳକର ସମସ୍ତ ବିଦ୍ୟାଳୟକୁ ଆଦର୍ଶ ବିଦ୍ୟାଳୟରେ ପରିଣତ କରାଯିବ – ମୁଖ୍ୟମନ୍ତ୍ରୀ

ଓଡ଼ିଶା ତାଜା ନ୍ୟୁଜ୍ (୧୧ ଫେବୃଆରୀ ଗୁରୁବାର ) ହିଞ୍ଜିଳିକାଟୁ :- ହିଞ୍ଜିଳି ବିଧାୟକ ତଥା ରାଜ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୁରୁବାର ଅପରାହ୍ନ ପ୍ରାୟ ୫ ଘଂଟିକା ସମୟରେ ସ୍ଥାନୀୟ ପୌରାଂଚଳ ନୂତନ ବସ ଟର୍ମିନାଲ ପରିସରରେ ଭିଡ଼ିଓ କନଫେରନ୍ସ ମାଧ୍ୟମରେ ୨୮କୋଟିରୁ ଉର୍ଦ୍ଧ୍ୱ ଟଙ୍କା ବ୍ୟୟରେ ନିର୍ମିତ ୧୪ଟି ପ୍ରକଳ୍ପର ଲୋକାର୍ପଣ କରିଛନ୍ତି । ନିର୍ବାଚନରେ ବିଜୟ ଲାଭ କରିବା ପର ଠାରୁ ନିଜ ନିର୍ବାଚନ ମଣ୍ଡଳୀ ଗ୍ରସ୍ତରେ ଆସିନଥିବାରୁ ହିଞ୍ଜିଳିବାସୀଙ୍କୁ କ୍ଷମା ପ୍ରାର୍ଥନା କରିଥିଲେ । ମହାମାରୀ କରୋନା ଭୁତାଣୁ ସଂକ୍ରମଣକୁ ପ୍ରତିହିତ କରିବା କ୍ଷେତ୍ରରେ ଗଞ୍ଜାମବାସୀ ଓ ଜିଲ୍ଲାର ସମସ୍ତ ପ୍ରଶାସନିକ ଅଧିକାରୀଙ୍କ ଭୂମିକା ଅତୁଳନୀୟ ମତବ୍ୟକ୍ତ କରିବା ସହ ସମସ୍ତଙ୍କୁ ସାଧୁବାଦ ଜ୍ଞାପନ କରିଥିଲେ । ଲୋକଙ୍କ ବିକାଶ ପାଇଁ ହିଞ୍ଜିଳିକାଟୁ ବ୍ଳକର ସମସ୍ତ ବିଦ୍ୟାଳୟକୁ ଆଦର୍ଶ ବିଦ୍ୟାଳୟରେ ପରିଣତ କରାଯିବ, ଏଥି ସକାଶେ ଆସନ୍ତା ଅଗଷ୍ଟ ୧୫ ସୁଦ୍ଧା ସମସ୍ତ ବିଦ୍ୟାଳୟର ଆବଶ୍ୟକ ଭିତିଭୂମି ସମ୍ପୁର୍ଣ୍ଣ କରିବାକୁ ଅନୁରୋଧ କରିଥିଲେ । ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେଙ୍କ ସ୍ୱାଗତ ଭାଷଣ ପରେ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ହିଞ୍ଜିଳିକାଟୁ ପୌରାଂଚଳ ଆରଏମସି ପରିସରରେ ୧୬କୋଟି ୭୭ଲକ୍ଷ ୪୧ ହଜାର ଟଙ୍କା ବ୍ୟୟରେ ନିର୍ମିତ ଉପଖଣ୍ଡ ଚିକିତ୍ସାଳୟ(ଅନ୍ତଃ ବିଭାଗ), ୩କୋଟି ୨୧ଲକ୍ଷ ୭୬ ହଜାର ଟଙ୍କା ବ୍ୟୟରେ ନିର୍ମିତ ବସ୍ ଟର୍ମିନାଲ, ୮୫ଲକ୍ଷ ୫୬ ହଜାର ଚ ଟଙ୍କା ବ୍ୟୟରେ ନିର୍ମିତ ଆରଏମସି ମାର୍କେଟ କମ୍ପେ୍ଳକ୍ସ, ୧କୋଟି ୬୨ଲକ୍ଷ ୬୯ ହଜାର ୯୯୫ ଟଙ୍କା ବ୍ୟୟରେ ନିର୍ମିତ ନେତାଜୀ ପାର୍କ, ୧କୋଟି ୧୩ଲକ୍ଷ ୧୧ ହଜାର ୭୪୯ ଟଙ୍କା ବ୍ୟୟରେ ନିର୍ମିତ ଆଧୁନିକ ସ୍ୱାସ୍ଥ୍ୟରକ୍ଷା ସମ୍ବନ୍ଧୀୟ ଆମିଷ ବଜାର, ୪୦ଲ୪କ୍ଷ ଟଙ୍କା ବ୍ୟୟରେ ନିର୍ମିତ ବରିଷ୍ଠ ନାଗରିକ ସକାଶେ ଚିତୋ ବିନୋଦନ କେନ୍ଦ୍ର, ୯୫ଲକ୍ଷ ୯୩ ହଜାର ୪୪୩ ଟଙ୍କା ବ୍ୟୟରେ ନିର୍ମିତ ଭେଂଣ୍ଡି ଜୋନ, ପୌରଂଚଳ କବିରାଜ ମାର୍ଗ ନିକଟସ୍ଥ ମାର୍କେଟ କମ୍ପେ୍ଳକ୍ସ, ୧କୋଟି ୨ଲକ୍ଷ ୯୫ ହଜାର ୫୩୫ ଟଙ୍କା ବ୍ୟୟରେ ନିର୍ମିତ ପୌର ପରିଷଦ ସମ୍ପ୍ରସାରଣ କାର୍ଯ୍ୟାଳୟ, ୩୧ଲକ୍ଷ୭୦ହଜାର୨୫ ଟଙ୍କା ବ୍ୟୟରେ ନିର୍ମିତ ପୌର କାର୍ଯ୍ୟାଳୟ ନିକଟସ୍ଥ ଅତିଥି ଭବନ, ୫୪ଲକ୍ଷ ୯୭ ହଜାର ଟଙ୍କା ବ୍ୟୟରେ ନିର୍ମିତ ଇ- ନାମ ପ୍ରକୋଷ୍ଠ ଓ ଲ୍ୟାବ୍‌,

୩୩ଲକ୍ଷ ୨୭ ହଜାର ଟଙ୍କା ବ୍ୟୟରେ ନିର୍ମିତ ଆରଏମସି ପରିସରରେ ଶୀତଳ ଭଣ୍ଡାର, ୨୦ଲକ୍ଷ ଟଙ୍କା ଲେଖାଏଁ ବ୍ୟୟରେ ନିର୍ମିତ ରାମଚନ୍ଦ୍ରପୁର ଗ୍ରାମରେ ମିନି କଲ୍ୟାଣ ମଣ୍ଡପ ଓ କରୁଣାକର ମାର୍ଗ ସ୍ଥିତ ମିନି କଲ୍ୟାଣ ମଣ୍ଡପର ଭିଡ଼ିଓ କନଫେରନ୍ସ ମାଧ୍ୟମରେ ଶୁଭ ଉଦଘାଟନ କରିଥିଲେ । ସମୁଦାୟ ୨୮କୋଟି ୫୭ ହଜାର ୬୮୦ଟଙ୍କା ବ୍ୟୟରେ ୧୪ଟି ଉନ୍ନୟନ ପ୍ରକଳ୍ପର ଭିଡ଼ିଓ କନଫେରନ୍ସ ମାଧ୍ୟମରେ ହିଞ୍ଜିଳିସ ବିଧାୟକ ତଥା ରାଜ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭ ଉଦଘାଟନ କରିଥିଲେ । ଉଦଘାଟନି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ତଥା ୫ଟି ସଚିବ ଭି. କାର୍ତିକେୟାନ ପାଣ୍ଡିୟାନ ରାଜ୍ୟ ଯୋଜନା ବୋର୍ଡ଼ ଅଧ୍ୟକ୍ଷ ତଥା ପୋଲସରା ବିଧାୟକ ଶ୍ରୀକାନ୍ତ ସାହୁ, ଆସିକା ସାଂସଦ ପ୍ରମିଳା ବିଷୋୟୀ, ଜିଲ୍ଲା ପରିଷଦ ଅଧ୍ୟକ୍ଷ ସୋନମ ପୋଲାଇଙ୍କୁ ଆୟୋଜିତ ଉତ୍ସବରେ ଯୋଗଦାନ କରିଥିବାରୁ ଧନ୍ୟବାଦ ଅର୍ପଣ କରିଥିଲେ । ଆଗାମୀ ଦିନରେ ମୁଖ୍ୟମନ୍ତ୍ରୀ ତଥା ହିଞ୍ଜିଳି ବିଧାୟକ ନବୀନ ପଟ୍ଟନାୟକ ନିଜ ନିର୍ବାଚନ ମଣ୍ଡଳୀ ଗ୍ରସ୍ତରେ ଆସିବା ପାଇଁ ଜଣାଇଥିଲେ । ଆୟୋଜିତ ଉଦଘାଟନି ଉତ୍ସବରେ ଗଞ୍ଜାମ ଆରକ୍ଷୀ ଅଧିକ୍ଷକ ବିଜ୍ରେଶ କୁମାର ରାୟ, ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥା ପ୍ରକଳ୍ପ ନିର୍ଦ୍ଦେଶକ ସିନ୍ଧେ ଦତାର୍ତୟ ଭାଉ ସାହେବ, ଉପଜିଲ୍ଲାପାଳ ପ୍ରିୟ ରଂଜନ ପୃଷ୍ଟି, କବିନ୍ଦ୍ର କୁମାର ସାହୁ, ସହରାଂଚଳ ଉନ୍ନୟନ ପ୍ରକଳ୍ପ ନିର୍ଦ୍ଦଶକ ସୁଦାମ ଚରଣ ମଣ୍ଡଳ, ଜିଲ୍ଲା ସୂଚନା ଓ ଲୋକ ସର୍ମ୍ପକ ଅଧିକାରୀ ରବି ନାରାୟଣ ବେହେରା, ଆସିଷ୍ଟାଂଟ କମାଣ୍ଡେଂଟ ମାନସ ମହାନ୍ତି, ଆସିକ ଏସଡ଼ିପିଓ ସୂର୍ଯ୍ୟମଣି ପ୍ରଧାନ, ତହସିଲଦାର ପ୍ରଭାତ କୁମାର ପରିଡ଼ା, ବିଡ଼ିଓ ପ୍ରସନ କୁମାର ପାତ୍ର, ପୌର କାର୍ଯ୍ୟ ନିର୍ବାହୀ ଅଧିକାରୀ ଡ଼ଃ. ମନୋରଂଜନ ସାହୁ, ଶେରଗଡ଼ ବିଡ଼ିଓ ସୁରଂଜନ ସାହୁ, ପୁରୁଷୋତମପୁର ତହସିଲଦାର ଜନ୍ମେଜୟ ସାହୁ, ଥାନା ଆଇଆଇସି ଅଭିମନ୍ୟୁ ଦାସ, ଅରଏମସି ସମ୍ପାଦକ ବିନାୟକ ବିଶ୍ୱାଳ, ବିଇଓ ବସନ୍ତ କୁମାର ପଣ୍ଡା,

ଉପଖଣ୍ଡ ଚିକିତ୍ସାଳୟ ଭାରପ୍ରାପ୍ତ ଅଧିକ୍ଷକ ଡ଼ାକ୍ତର ପ୍ରତିଭା ପାତ୍ର, ଡ଼ାକ୍ତର ଦୁର୍ଗା ପ୍ରସାଦ ପଣ୍ଡା, ଡ଼ାକ୍ତର ମାଧବ କୁମାର ସାହୁ, ପୂର୍ତ ବିଭାଗୀୟ ନିର୍ବାହୀ ଯନ୍ତ୍ରୀ ଅରୁଣ କୁମାର ଣତପଥୀ, ଏସଡ଼ିଓ ଦିଲ୍ଲିପ କୁମାର ମିଶ୍ର, ସହକାରୀ ଯନ୍ତ୍ରୀ ଉମାଚରଣ ପାଢି, ଲଡ଼ୁ କିଶୋର ପଣ୍ଡା, ପୌର ସହକାରୀ ଯନ୍ତ୍ରୀ ପ୍ରମୋଦ ନାୟକ, ବିଦ୍ୟୁତ ବିଭାଗୀୟ ନିର୍ବାହୀ ଯନ୍ତ୍ରୀ ନରୋତମ ପଟ୍ଟନାୟକ, ପୂର୍ବତନ ବିଧାୟକ ହରିହର ସାହୁ, ମୁଖ୍ୟମନ୍ତ୍ରୀ ଙ୍କ ଡ଼ିଆରଡ଼ିଏ ପ୍ରତିନିଧି ଶରତ ମହାପାତ୍ର, ହିଞ୍ଜିଳି ବ୍ଳକ ଅଧ୍ୟକ୍ଷ ଏନ. ରଘୁନାଥ, ଶେରଗଡ଼ ବ୍ଳକ ଅଧ୍ୟକ୍ଷା ସାରସ ସ୍ୱାଇଁ, ନଗର ବିଜେଡ଼ି ସଭାପତି ଭୀମସେନ ବେହେରା, ଯୁବ ବିଜେଡ଼ି ସଭାପତି ସଂଜୟ କୁମାର ପଣ୍ଡା, ,ଶେରଗଡ଼ ବ୍ଳକ ଯୁବ ବିଜେଡ଼ି ସଭାପତି ସନ୍ତୋଷ ପଟ୍ଟନାୟକ, ପୂର୍ବତପ ପୌର ଅଧ୍ୟକ୍ଷା ଗୌରୀ ପାଣିଗ୍ରାହୀ, ପୂର୍ବତନ ଉପାଧ୍ୟକ୍ଷ ସୁବାଷ ଚନ୍ଦ୍ର ପୋଲଇ , ପୂର୍ବତନ ନଗରପାଳ ଶିବରାମ ଗଉଡ଼ , ପୂର୍ବତନ ଉପନଗରପାଳ ପବିତ୍ର ମୋହନ ପାଣିଗ୍ରାହୀ, ପୂର୍ବତନ ବିଧାୟକ ପ୍ରାର୍ଥୀ ଦେବାନନ୍ଦ ମହାପାତ୍ରଙ୍କ ସମେତ ଉଭୟ ବ୍ଳକର ବହୁ ଜନ ପ୍ରତିନିଧି, ବିଭିନ୍ନ ବିଭାଗୀୟ ଅଧିକାରୀ, ସହରର ଜନସାଧାରଣ ଓ ବୁଦ୍ଧିଜୀବି ପ୍ରମୁଖ ଉପସ୍ଥିତ ଥିଲେ । ତେବେ ୧୧ଲକ୍ଷ ୫୦ ଟଙ୍କା ବ୍ୟୟରେ ନିର୍ମିତ ବିଜୁବାବୁଙ୍କ ବ୍ରୋଞ୍ଜ ପ୍ରର୍ତିମୂର୍ତିକୁ ଭିଡ଼ିଓ କନଫେରନ୍ସ ମାଧ୍ୟମରେ ଉଦଘାଟନ କରାନଯାଇ ମୁଖ୍ୟମନ୍ତ୍ରୀଙ୍କ ଆଗାମୀ ହିଞ୍ଜିଳି ଗ୍ରସ୍ତ ସମୟରେ ଉଦଘାଟନ କରାଯିବ ବୋଲି ପ୍ରଶାସନ ପକ୍ଷରୁ ସୂଚନା ମିଳିଛି । ( ରିପୋର୍ଟ ସୁଶାନ୍ତ ପ୍ରଧାନ )