ନୟାଗଡ଼ରେ ପଠାଣି ସାମନ୍ତଙ୍କ ଜନ୍ମ ସ୍ମାରକୀ ସମାରୋହ ପାଳିତ

ଓଡ଼ିଶା ତାଜା ନ୍ୟୁଜ (୨୪ ଡିସେମ୍ବର ଗୁରୁବାର )ନୟାଗଡ :- ନୟାଗଡ଼ ଆଜି ଦିବା ୧୦ ଘଟିକା ସମୟରେ ନୟାଗଡ଼ ଜିଲ୍ଲା ସଦର ମହକୁମା ସ୍ଥିତ ପଠାଣି ସାମନ୍ତ ସଂସ୍କୃତି ଭବନ ପରିସରରେ ବିଶିଷ୍ଟ ନଭ ବିଜ୍ଞାନୀ ତଥା ଜ୍ୟୋର୍ତିବିଦ୍‌ ମହାମହୋପାଧ୍ୟାୟ ପଠାଣି ସାମନ୍ତଙ୍କ ୧୮୬ ତମ ଜନ୍ମ ସ୍ମାରକୀ କୋଭିଡ୍ – ୧୯ କଟକଣା ମଧ୍ୟରେ ପାଳନ କରାଯାଇଅଛି ।

ଏହି ଅବସରରେ ଜିଲ୍ଲାପାଳ ଡା. ପୋମା ଟୁଡୁ ମୁଖ୍ୟ ଅତିଥି ଭାବରେ ଯୋଗ ଦାନ କରି ସଂସ୍କୃତି ଭବନ ପରିସରରେ ଥିବା ପ୍ରତିମୂର୍ତିରେ ପୁଷ୍ପମାଲ୍ୟ ପ୍ରଦାନ କରିଛନ୍ତି । ଅନ୍ୟମାନଙ୍କ ମଧ୍ୟରେ ନୟାଗଡ଼ ବନଖଣ୍ଡ ଅଧିକାରୀ ଶ୍ରୀ ଧନରାଜ ଏଚ.ଡି., ସୂଚନା ଓ ଲୋକ ସଂପର୍କ ଅଧିକାରୀ ଡ. ପ୍ରମୋଦ କୁମାର ନାୟକ , ଜିଲ୍ଲା ସଂସ୍କୃତି ଅଧିକାରୀ ଶ୍ରୀ ଟଙ୍କଧର ଭୋଇ ,

ବିଶିଷ୍ଟ ସମାଜ ସେବୀ ଶ୍ରୀ ପ୍ରମୋଦ ପଟ୍ଟନାୟକ , ଲେଖକ ଶ୍ରୀ ବିଶ୍ୱନାଥ ମହାପାତ୍ର ,ଶିକ୍ଷକ ଶ୍ରୀ ଶରତ ଚନ୍ଦ୍ର ଆଚାର୍ଯ୍ୟ , ସମାଜ ସେବୀ ରଂଜନ ରଶ୍ମି ଜେନା,ବରିଷ୍ଠ ନାଗରିକ ଶ୍ରୀ ସୁରେନ୍ଦ୍ର ନାଥ ମହାପାତ୍ର ପ୍ରମୁଖ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ରହି ପଠାଣି ସାମନ୍ତଙ୍କ ପ୍ରତିମୂର୍ତିରେ ଶ୍ରଦ୍ଧାସୁମନ ଅର୍ପଣ କରିଛନ୍ତି । (ରିପୋର୍ଟ -ରାମକୃଷ୍ଣ ରଥ )