କୋଭିଡ-୧୯  ଟୀକାକରଣ ଓ ପଲସ ପୋଲିଓ କାର୍ଯ୍ୟକ୍ରମ ଉପରେ ଜିଲ୍ଲା ସ୍ତରୀୟ ଟାସ୍କ – ଫୋର୍ସ ବୈଠକ ଅନୁଷ୍ଠିତ

ଓଡ଼ିଶା ତାଜା ନ୍ୟୁଜ (୨୨ ଡିସେମ୍ବର ମଙ୍ଗଳବାର ) ପାରଳାଖେମୁଣ୍ଡି :- ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ଜିଲ୍ଲାପାଳ’ଙ୍କ କାର୍ଯ୍ୟାଳୟ’ର ସମ୍ମିଳନୀ କକ୍ଷଠାରେ ଜିଲ୍ଲା’ର ସମସ୍ତ ବିଭାଗୀୟ ଅଧିକାରୀ ମାନ’ଙ୍କୁ ନେଇ ଜିଲ୍ଲା ସ୍ୱାସ୍ଥ୍ୟ ବିଭାଗ ପକ୍ଷରୁ କୋଭିଡ-୧୯ ଟୀକାକରଣ ଓ ସ୍ପନ୍ଦିତ ପଲସ ପୋଲିଓ କାର୍ଯ୍ୟକ୍ରମ ସମ୍ପର୍କିତ ଏକ ଜିଲ୍ଲାସ୍ତରୀୟ ଟାସ୍କ-ଫୋର୍ସ ବୈଠକ ଅନୁଷ୍ଠିତ ହୋଇଯାଇଛି  ଡିଆରଡିଏ ର ପ୍ରକଳ୍ପ ନିର୍ଦ୍ଦେଶକ ଶ୍ରୀ ମହେଶ କୁମାର ଚୋଧୁରୀ କାର୍ଯ୍ୟକ୍ରମ’ରେ ଅଧ୍ୟକ୍ଷତା କରି ଆସନ୍ତା ଦିନ’ରେ କୋଭିଡ-୧୯ ଟୀକାକରଣ ଓ ଜାନୁଆରୀ ୧୭’ରୁ ହେବାକୁଥିବା ଜାତୀୟ ପଲସ ପୋଲିଓ କାର୍ଯ୍ୟକ୍ରମ ସମସ୍ତ’ଙ୍କ ମଧ୍ୟରେ ଉତ୍ତମ ସମନ୍ୱୟ ରକ୍ଷାକରି ଯେଭଳି ସମ୍ପୂର୍ଣ୍ଣ ଭାବେ ସଫଳ ହୋଇପାରିବ , ସେଥିପାଇଁ ସମସ୍ତେ ଆଗୁଆ ଯତ୍ନବାନ ହେବାକୁ ପରାମର୍ଶ ଦେଇଥିଲେ । ଜିଲ୍ଲା ମୁଖ୍ୟ ଚିକିତ୍ସ୍ୟଅଧିକାରୀ ତଥା ଜନସ୍ୱାସ୍ଥ୍ୟ ଅଧିକାରୀ ଡାଃ ପ୍ରଦୀପ କୁମାର ପାତ୍ର ଯୋଗଦେଇ କାର୍ଯ୍ୟକ୍ରମ’ର ଆଭିମୁଖ୍ୟ ସମ୍ପର୍କରେ ଆଲୋଚନା କରିଥିଲେ ।

ଏଡିପିଏଚଓ:(ପରିବାର କଲ୍ୟାଣ) ଡାଃ ଏମଏମ: ମୁନିର ଯୋଗଦେଇ ଆସନ୍ତା ଜାନୁଆରୀ ୧୭ ତାରିଖ ଦିନ’ରେ ହେବାକୁ ଥିବା ଜାତୀୟ ପଲସ ପୋଲିଓ କାର୍ଯ୍ୟକ୍ରମ’ର ସମ୍ପୂର୍ଣ୍ଣ ତଥ୍ୟ ଏବଂ କାର୍ଯ୍ୟକ୍ରମ ପାଇଁ ପ୍ରସ୍ତୁତ ଖସଡ଼ା ସମ୍ପର୍କରେ ବିସ୍ତୃତ ଭାବେ ପାୱାର ପଏଣ୍ଟ ମାଧ୍ୟମରେ ସୂଚନା ପ୍ରଦାନ କରିଥିଲେ । ମୁଖ୍ୟତଃ ଜାନୁଆରୀ ୧୭’ରେ ହେବାକୁ ଥିବା ଏହି ଜାତୀୟ ପଲସ ପୋଲିଓ କାର୍ଯ୍ୟକ୍ରମ’ରେ ଜନ୍ମ’ରୁ ୫ ବର୍ଷ ବୟସ’ର ସମସ୍ତ ଶିଶୁ ଯେଭଳି ଟିକାଦାନ କେନ୍ଦ୍ର’କୁ ଆସିବେ , ସେଥିପ୍ରତି ଅଧିକ ଗୁରୁତ୍ୱ ଦେଇ ଆଗୁଆ ସଚେତନତା କାର୍ଯ୍ୟକ୍ରମ’କୁ ଜୋରଦାର କରିବାକୁ ଉପସ୍ଥିତ ସମସ୍ତ ଅଧିକାରୀ ମାନଙ୍କୁ କହିଥିଲେ।। । ଜିଲ୍ଲାବ୍ୟାପୀ କୋଭିଡ ଟୀକା ଆଗାମୀ ଦିନ’ରେ କିଭଳି ଦିଆଯିବ ଏବଂ ସେଥିପ୍ରତି କଣ ସବୁ ଆଗୁଆ ପଦକ୍ଷେପ ମାନ ନିଆଯାଇଛି ଏବଂ କେଉଁମାନେ ପ୍ରଥମ ପର୍ଯ୍ୟାୟ’ରେ ଏହି ଟୀକା ଗ୍ରହଣ କରିବେ , ତାହା ପାୱାର ପଏଣ୍ଟ ମାଧ୍ୟମରେ ଦେଖାଇ କହିଥିଲେ । ଏହି କୋଭିଡ ଟୀକା’ର ପାର୍ଶ୍ଵ-ପ୍ରତିକ୍ରିୟା’ର ସମ୍ଭାବନା ଅଛି ନା ନାହିଁ , ସେ ଉପରେ ଅଧିକ ଗୁରୁତ୍ୱ ଦେଇ କହିଥିଲେ ଏବଂ ଏହି ଟୀକାଦାନ କେନ୍ଦ୍ର ପାଇଁ ଅତି କମ’ରେ ତିନୋଟି ବଖରା ଥିବା ସ୍ଥାନ , ବିଶେଷ କରି ସ୍ୱାସ୍ଥ୍ୟ ଅନୁଷ୍ଠାନ ମାନଙ୍କ’ରେ କୋଭିଡ ଟୀକା ଦିଆଯିବ ବୋଲି କହିଥିଲେ ।

ଏହି କୋଭିଡ ଟିକାଦାନ କାର୍ଯ୍ୟକ୍ରମ ପ୍ରାୟ ନିର୍ବାଚନ ପଦ୍ଧତି ପ୍ରକା’ରେ ଅନୁଷ୍ଠିତ ହେବ । ଯାହାକି , ପ୍ରଥମେ ସେଠାରେ ନିୟୋଜିତ ଥିବା ସୁରକ୍ଷା କର୍ମୀ ପରିଚୟ ପତ୍ର ଦେଖି ଅନୁମତି ଦେବେ । ପରେ ସେହି ବ୍ୟକ୍ତି’ଙ୍କ ସ୍ୱାସ୍ଥ୍ୟ ପରୀକ୍ଷା କରି ଟୀକା ଦିଆଯିବ।। ଟୀକା ନେଇସାରିବା ଅନ୍ୟୁନ ୩୦ ମିନିଟ ବିଶ୍ରାମ ନେବା ପରେ ହିଁ ସେ ସେଠାରୁ ଘରକୁ ଯିବେ। । ଏତଦବ୍ୟତୀତ , ବୈଠକ’ରେ ଗତ ତୃତୀୟ ପର୍ଯ୍ୟାୟ ତଥା ନଭେମ୍ବର ୧ ତାରିଖ ଠାରୁ ଆରମ୍ଭ ହୋଇଥିବା ସମନ୍ବିତ ସ୍ୱାସ୍ଥ୍ୟ କାର୍ଯ୍ୟକ୍ରମ ଯଥା:- ଜାତୀୟ ଟୀକାକରଣ କାର୍ଯ୍ୟକ୍ରମ’ରେ ବଞ୍ଚିତ ହୋଇଥିବା ମା ଓ ଶିଶୁ’ଙ୍କୁ ଚିହ୍ନଟ କରି ସମସ୍ତ’ଙ୍କୁ ଟୀକା ଦେବା , ଜାତୀୟ ଯକ୍ଷ୍ମା ନିରାକରଣ କାର୍ଯ୍ୟକ୍ରମ ଅଧିନସ୍ତ’ରେ ଯକ୍ଷ୍ମା ରୋଗୀ’ଙ୍କୁ ଚିହ୍ନଟ କରି ସେମାନଙ୍କୁ ପରୀକ୍ଷା ଓ ଔଷଧ ପ୍ରଦାନ କରିବା ଏବଂ ସ୍ୱାସ୍ଥ୍ୟ ବିଭାଗ’ର ସମସ୍ତ କର୍ମଚାରୀ’ଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଇ ସେମାନଙ୍କ ସ୍ୱାସ୍ଥ୍ୟ’ର ସୁସ୍ଥତା ଜାଣିବା ।

ଏତଦବ୍ୟତୀତ , ଅନ୍ୟଏକ କାର୍ଯ୍ୟକ୍ରମ ହେଲା ଯେ , ନିମୋନିଆ ବା ଥଣ୍ଡା-ସର୍ଦ୍ଦି’ରେ ଆକ୍ରାନ୍ତ ଶିଶୁ ମାନଙ୍କୁ ପ୍ରଥମ ଅବସ୍ଥା’ରୁ ଚିକିସ୍ୟା କରାଯାଇ ସେମାନଙ୍କୁ ରୋଗମୁକ୍ତ କରି ସୁସ୍ଥ କରିବା ଏବଂ ଶିଶୁ ମୃତ୍ୟୁ ହାର’କୁ କମାଇବା ସମ୍ପର୍କରେ ଆଲୋଚନା କରାଯାଇ “”ନିମୋନିଆ’କୁ କଲେ ଦମନ ସୁରକ୍ଷା ହେବ ଶିଶୁ ଜୀବନ”” ସମ୍ପର୍କିତ ବାର୍ତ୍ତା ଉପରେ ବୈଠକ’ରେ ସୂଚନା ଦିଆ ଯାଇଥିଲା । ଅନ୍ୟମାନଙ୍କ ମଧ୍ୟ’ରେ ଏହି ବୈଠକ ଆଲୋଚନା କାର୍ଯ୍ୟକ୍ରମ’ରେ ଡିପିଏଚଓ: ଡାଃ ମହମ୍ମଦ ମୁବାରକ ଅଲ୍ଲୀ , ଡିପିଏମ: ସୌମ୍ୟା ରାଣୀ ଗୌଡ଼ , ଜିଲ୍ଲା ଶିକ୍ଷା ଅଧିକାରୀ ଶ୍ରୀ ପ୍ରଦୀପ କୁମାର ନାଗ , ଜିଲ୍ଲା ମଙ୍ଗଳ ଅଧିକାରୀ ଶ୍ରୀ ସନ୍ତୋଷ କୁମାର ରଥ , ଜିଲ୍ଲା ସମାଜ କଲ୍ୟାଣ ଅଧିକାରୀ ଶ୍ରୀମତୀ ମିନତୀ ଦେବୀ , ପୌର-ପରିଷଦ ନିର୍ବାହୀ ଅଧିକାରୀ ଶ୍ରୀ ଅଶୋକ କୁମାର ରାଉତ , ଡିଏମଆରସିଏଚ:- ଶ୍ରୀ ଶୁସାନ୍ତ କୁମାର ନାୟକ ଏବଂ ନେତ୍ରଣନ୍ଦ ଶତପଥୀ ପ୍ରମୁଖ ଯୋଗଦେଇ ବୈଠକ ଆଲୋଚନା’ରେ ଅଂଶଗ୍ରହଣ କରିଥିଲେ ।(ପାରଳାଖେମୁଣ୍ଡି/ଗରୁଡ଼ ଧ୍ଵଜ ଚୌଧୁରୀ)