ଗଜପତି ଜିଲ୍ଲା କାଶୀନଗର ବିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଗତ କାଶୀନଗର ଗ୍ରାମରୁ ଏକ ୭ ବର୍ଷର ଶିଶପୁତ୍ର ନିଖୋଜ

ଓଡ଼ିଶା ତାଜା ନ୍ୟୁଜ (୧୭ ଡିସେମ୍ବର , ଗୁରୁବାର ) ପାରଳାଖେମୁଣ୍ଡି :– ଗଜପତି ଜିଲ୍ଲା କାଶୀନଗର ବିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଗତ କାଶୀନଗର ଗ୍ରାମରୁ ଏକ ଶିଶୁ ନିଖୋଜ ଘଟଣା ଏ ଅଞ୍ଚଳର ଜନସାଧାରଣ ମଧ୍ୟରେ କୋକୁଆ ଭୟ ଖେଳାଇ ଦେଇଛି l ରାଜ୍ୟରେ କୁନି କୁନି ପିଲାଙ୍କ ପ୍ରତି ବଢୁଛି ବିପଦ । ନୟାଗଡ଼ ଢ଼େଙ୍କାନାଳ ପରେ ଏବେ ଗଜପତି କାଶୀନଗରରୁ ଶିଶୁପୁତ୍ର ନିଖୋଜ । କାଶୀନଗରରୁ ୭ ବର୍ଷର ଶିଶୁପୁତ୍ର ନିଖୋଜ । ନିଖୋଜ ଶିଶୁ ହେଉଛନ୍ତି କାଶୀନଗର ଗ୍ରାମର ଝାମି ଗୋପିଙ୍କ ପୁଅ ହାର୍ଦ୍ଦିକ ।

ସୂଚନା ମୁତାବକ ନିଜ ଘରଠାରୁ ୫୦ ମିଟର ଦୂର ଏକ କେକ୍ ଦୋକାନ ନିକଟରେ ସନ୍ଧ୍ୟା ସମୟରେ ଖେଳୁଥିଲେ ହାର୍ଦିକ । ହଠାତ୍ ଖେଳୁଥିବା ବେଳେ ଦୁଇଜଣ ଅଜଣା ବ୍ୟକ୍ତି ବାଇକ ଯୋଗେ ଆସି ଉଠାଇ ନେଇଥିବା ଅଭିଯୋଗ ହୋଇଛି । ତେବେ ଏନେଇ କାଶୀନଗର ଥାନାରେ ପରିବାର ପକ୍ଷରୁ ଏତଲା ଦିଆଯାଇଛି । ଆଉ ଏତଲା ପରେ ଅପହରଣ ମାମଲା ରୁଜୁକରି ତଦନ୍ତ ଜାରି ରଖିଛି କାଶୀନଗର ପୋଲିସ ।(ପାରଳାଖେମୁଣ୍ଡି/ଗରୁଡ଼ ଧ୍ଵଜ ଚୌଧୁରୀ)