ହ୍ୱିଲଚେୟାର କ୍ରିକେଟ ଟୁର୍ଣ୍ଣାମେଂଟରେ ଭାଗନେବେ ନିକୁ – ହିଞ୍ଜିଳିକାଟୁ

ଓଡ଼ିଶା ତାଜା ନ୍ୟୁଜ (୫ ଡିସେମ୍ବର ଶନିବାର ) ହିଞ୍ଜିଳିକାଟୁ  :- ହିଞ୍ଜିଳିକାଟୁ ପୌର ପରିଷଦ କାର୍ଯ୍ୟାଳୟରେ କାର୍ଯ୍ୟରତ ଦିବ୍ୟାଙ୍ଗ କର୍ମଚାରୀ ନିକୁ ପ୍ରଧାନ ଜାତୀୟ ସ୍ତରରେ ହ୍ୱିଲଚେୟାର କ୍ରିକେଟ ଚାମ୍ପିୟାନଶିପ୍‌ରେ ଭାଗ ନେବେ । ନିକୁ ଗତ ୧ପ୍ରାୟ ମାସ ପୂର୍ବରୁ ସ୍ଥାନୀୟ ପୌର ପରିଷଦ କାର୍ଯ୍ୟାଳୟରେ ସପୋର୍ଟ ଷ୍ଟାପ୍ (ଓଏସଏସ)ଭାବେ ନିଯୁକ୍ତି ପାଇଛନ୍ତି । ବିଶ୍ୱ ଦିବ୍ୟାଙ୍ଗ ସପ୍ତାହ ପାଳନ ଅବସରରେ ଭାରତୀୟ ଦିବ୍ୟାଙ୍ଗ କ୍ରିକେଟ କଟ୍ରୋଂଲ ବୋର୍ଡ଼ ଆନୁକୂଲ୍ୟରେ ଏହି ଟୁର୍ଣ୍ଣାମେଂଟ ଆସନ୍ତା ୧୦ ଓ ୧୧ ତାରିଖରେ ଦୁଇ ଦିନ ଧରି ନୁଆଦିଲ୍ଲୀର ଲୋହିଆ ର୍ଫାମ ହାଉସ ଗ୍ରାଉଣ୍ଡରେ ଅନୁଷ୍ଠିତ ହେବ ।

୧୫ ଜଣିଆ ହ୍ୱିଲଚେୟାର କ୍ରିକେଟ ଟୁର୍ଣ୍ଣାମେଂଟ ଟିମ୍‌ରେ ସ୍ଥାନ ପାଇଥିବାରୁ ସେ ବହୁତ ଖୁସି ପ୍ରକଟ କରିଛନ୍ତି । ଏଥି ସକାଶେ ହିଞ୍ଜିଳିକାଟୁ ପୌର ପରିଷଦର କାର୍ଯ୍ୟ ନିର୍ବାହୀ ଅଧିକାରୀ ଡ଼ଃ. ମନୋରଞ୍ଜନ ସାହୁ, କର୍ମଚାରୀ ଓ ଅଭିନନ୍ଦନ ଜଣାଇବା ସହ ନିକୁଙ୍କୁ ଶୁଭେଚ୍ଛା ଜଣାଇବା ସହ ଓଡ଼ିଶା ଟିମ୍ର ସଫଳତା କାମନା କରିଛନ୍ତି । ପ୍ରକାଶ ଥାଉକି, ନିକୁଙ୍କ ଜନ୍ମସ୍ଥାନ ହିଞ୍ଜିଳିକାଟୁ ବ୍ଳକ ନନ୍ଦିକ ଗ୍ରାମ । ସେ କ୍ରିକେଟ ଟୁର୍ଣ୍ଣାମେଂଟରେ ଅଂଶ ଗ୍ରହଣ କରିବା ପାଇଁ ଶନିବାର ଯାତ୍ରାରମ୍ଭ କରିବା ପରେ ନନ୍ଦିକ ଗ୍ରାମର ଉତ୍ସାହୀ ଯୁବକ ମାନେ ତାଙ୍କୁ ସ୍ୱାଗତ ସ୍ୱମର୍ଦ୍ଧନା ଜଣାଇଥିଲେ ।(ଫଟୋ- ଋିପୋର୍ଟ- ଶୁସାନ୍ତ ପ୍ରଧାନ, ହିଞ୍ଜିଳିକାଟୁ)