।। ଦହିବରା ବିକାଳୀକୁ ଦାଦାବଟି ମାଗି ବିଫଳ ହେବାରୁ ଆକ୍ରମଣ କରି ଯୁବକ ଗିରଫ ।।

ଓଡ଼ିଶା ତାଜା ନ୍ୟୁଜ (୪ ଡିସେମ୍ବର,ଶୁକ୍ରବାର )କଟକ  :- କଟକ ମାଲଗୋଦାମ ଥାନା ଯୋବ୍ରା ଠାର ଦହିବରା ଘୁଗୁନି ବିକ୍ରୀ କରୁଥିବା କ୍ରିଷ୍ଣା ଗୁପ୍ତା ନାମକ ଜଣେ ଯୁବକକୁ ଦାଦାବଟି ମାଗି ବିଫଳ ହେବାରୁ ମାଡ଼ମାରିବା ସହିତ , ତାର ମୋପେଡ଼ ବାଇକ୍ ଏବଂ ହାଣ୍ଡି ଭାଙ୍ଗି ଦେବା ଘଟଣା ରେ ମାଲଗୋଦାମ ପୋଲିସ ଜଣେ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଯୁବକ ଜଣକ ହେଲେ ମାଲଗୋଦାମ ଥାନା ମୁରାଦଖାଁପାଟଣା ହରିଜନ ସାହିର ଗାନ୍ଧି ନାଏକ ।

ଗତ ମଙ୍ଗଳବାର ଦିନ ରାତି ସାଢେ ୯ଟା ସମୟରେ ଯୋବ୍ରା ନିକଟରେ ଦହିବରା ଘୁଗୁନି ବିକ୍ରି କରୁଥିବା କ୍ରିଷ୍ଣା ଗୁପ୍ତା ନିକଟରେ ପହଞ୍ଚି ଦାଦାବଟି ମାଗିଥିଲା । କ୍ରିଷ୍ଣା ବଟି ନଦେବାରୁ ଗାନ୍ଧି ମାରଧର କରିବା ସହିତ ତାର ଗାଡ଼ି ଏବଂ ଦହିବରା ହାଣ୍ଡିକୁ ବାଡେଇ ଭାଙ୍ଗି ଦେଇଥିଲା । ଏନେଇ କ୍ରିଷ୍ଣା ମାଲଗୋଦାମ ଥାନାରେ ଅଭିଯୋଗ କରିଥିଲା । ଅଭିଯୋଗ କ୍ରମେ ଥାନାରମହିଳା ସବ ଇନ୍ସିପେକ୍ଟର ଅଂଶୁପା ବେହେରା ଗାନ୍ଧିକୁ ଗିରଫ କରିଥିଲେ । ଗାନ୍ଧି ବିରୁଦ୍ଧରେ ମାଲଗୋଦାମ ଥାନାରେ ୨୩୯/୨୦ ମାମଲା ରୁଜୁ ହୋଇଛି । (କଟକ ରୁ ଅମୂଲ୍ୟ କୁମାର ବାରିକ ଙ୍କ ରିପୋର୍ଟ )