ଟ୍ରକ ଚାପାରେ ମହିଳା ମୃତ,୬ ଘଣ୍ଟା ଧାରି ରାସ୍ତା ଅବରୋଧ

ଓଡ଼ିଶା ତାଜା ନ୍ୟୁଜ୍ (୨୯ ନଭେମ୍ବର ରବିବାର) ପାରଳାଖେମୁଣ୍ଡି :- ଗଜପତି ଜିଲ୍ଲା ଆର୍‌.ଉଦୟଗିରି ଥାନା ଅରର୍ଗତ ପି.ସଇଲଙ୍ଗ ଗ୍ରାମ ଛକ ଠାରେ ଏକ ୧୪ ଚଳିଆ ସିମେଣ୍ଟ ବୋଝୋଇ ଟ୍ରକ କୌଣସି କାରଣରୁ ଜଣେ ମହିଳାଙ୍କ ଉପରେ ମାଡି ଯାଇଥିବାରୁ ତାଙ୍କର ଘଟଣା ସ୍ଥଳରେ ମୃତ୍ୟୁ ଘଟିଥିଲା । ମୃତକ ମହିଳା ଜଣକ ହେଲେ ପି.ସଇଲଙ୍ଗ ଗ୍ରାମର ସୁଧମତୀ ପାଣୀ । ସିମେଣ୍ଟ ବୋଝୋଇ ୧୪ ଟକିଆ ଟ୍ରଳଟି ଛେଳିଗଡ଼ ଦିଗରୁ ରାମଗିରି ଅଭିମୁଖେ ଯାଉଥିବା ବେଳେ ପି.ସଇଲଙ୍ଗ ଛଳରେ କୌଣସି କାରଣରୁ ଏହିପରି ଦୁର୍ଘଟଣା ଘଟିଥିଲା ।

ସ୍ଥାନୀୟ ଗ୍ରାମ ବାସିନ୍ଦା ତଥା ମହିଳା ମାନେ ସେଛି ଟ୍ରଳ ସହ ଡ୍ରାଇଭର ନାଗସତ୍ୟମଙ୍କୁ ଅଟଳ ରଖି ରାସ୍ତା ଅବରୋଧ କରିଥଲେ । ମୃତଜଙ୍କ ପରିଚାରଙ୍କୁ କ୍ଷତି ପୂରଣ ଦାବୀ କରି ଏହିପରି ରାସ୍ତା ଅବରୋଧ କରାଯାଇଥିବା ବେଳେ ଛେଳିଗଡ-ରାମଗିରି-ପାରଳାଖେମୁଣ୍ଡି ରାସ୍ତା ଗମନା ଗମନ ବାଧାପ୍ରାପ୍ତ ହୋଇଥିଲା ।

ଘଟଣା ସମ୍ପର୍କରେ ଖବର ପାଇ ଆର୍‌.ଉଦୟଗିରି ତହସିଲଦାର ସ୍ମୃତି ରଂଜନ ଶତପଥି ପ୍ରମୁଖ କ୍ଷତିପୁରଣ ବାବଦରେ କଥା ବାର୍ତ୍ତା ହେବ ସହ ରେଡକ୍ରସ ପାଣ୍ଠିରୁ ୨୦ ହଜାର ଟଙ୍କା ଦିଆଯିବ ବୋଲି ପ୍ରତିଶ୍ରୁତି ଦେବାପରେ ରାସ୍ତା ଅବୋରଧ ହଟିଥିଲା । ଏନେଇ ଆର୍‌-ଉଦୟଗିରି ଥାନାରେ ୧୦୩/୨୦ରେ ଏଜ ମାମଲା ରୁଜୁ ହୋଇ ତଦନ୍ତ ଚାଲୁଥିବାର ଥାନା ଅଧିକାରୀ ମମତା ନାୟଜ ଜଣାଇଛନ୍ତି ।(ପାରଳାଖେମୁଣ୍ଡି, ଗରୁଡ଼ ଧ୍ୱଜ ଚୌଧୁରୀ )