ଅପମିଶ୍ରଣ ବ୍ୟବସାୟର ପେଣ୍ଠ ସ୍ଥଳୀ ପାଲଟିଛି କଟକ

 ଓଡ଼ିଶା ତାଜା ନ୍ୟୁଜ୍ (୨୯ ନଭେମ୍ବର /ରବିବାର) କଟକ :- ଅପମିଶ୍ରଣ ବ୍ୟବସାୟର ପେଣ୍ଠ ସ୍ଥଳୀ ପାଲଟିଛି କଟକ । ଏଠାରେ ଖାଇବା ତେଲ, ଘିଅ , ହଳଦୀ ଗୁଣ୍ଡ , ଲଙ୍କା ଗୁଣ୍ଡ , ଗୁଟୁକା , ସିମେଣ୍ଟ , ଆଦି ବିଭିନ୍ନ ପ୍ରକାର ଅପମିଶ୍ରଣ ସାମଗ୍ରୀର କାରବାର ଚାଲିଛି । ମାଲଗୋଦାମରୁ ଏହି ଘଟଣା ଧରପଗଡ଼ ସମୟରେ ପୋଲିସ ଜାଣିବାକୁ ପାଇବା ପରେ ବିଭିନ୍ନ ସ୍ଥାନରେ ଚଢ଼ାଉ କରିବା ଆରମ୍ଭ କରିଛି । ମାଲଗୋଦାମ ପରେ ଜଗତପୁର , କଟକ ସଦର ଅଞ୍ଚଳର ଗବବସ୍ତ ନିକଟସ୍ଥ ଉଲାର ଘିଅ କମ୍ପାନୀ ଉପରେ ଚଢ଼ାଉ କରାଯାଇ ଲକ୍ଷାଧିକ ଟଙ୍କାର ଅପମିଶ୍ରଣ ଘିଅ ,ତେଲ ଜବତ କରାଯାଇଥିଲା । ସେହିପରି ଶୁକ୍ରବାର ଦିପ ଚାଉଳିଆଗଞ୍ଜ ଥାନା ଭଦିମୂଳ ଗ୍ରାମରେ ଚାଲିଥିବା ବେଆଇନ ଅପମିଶ୍ରଣ ହଳଦୀ ଗୁଣ୍ଡ , ମସଲା କାରଖାନା ଉପରେ ଚଢ଼ାଉ କରାଯାଇଛି ।

ବିଶେଷ ସୂତ୍ରରୁ ଖବର ପାଇ ଚାଉଳିଆଗଞ ଥାନା ପୋଲିସ୍ ଏବଂ ସ୍ୱାସ୍ଥ୍ୟ ଅଧିକାରୀ କାରଖାନାରେ ପହଞ୍ଚି କାଗଜପତ୍ର ଯାଞ୍ଚ କରିଥିଲେ। ହେଲେ କାରଖାନା ମାଲିକ ଆବଶ୍ୟକ ଅନୁଯାୟୀ କାଗଜପତ୍ର ଦେଖାଇବାରେ ସକ୍ଷମ ହୋଇ ନ ଥିଲେ। ସବୁଠୁ ବଡ଼ କଥା ହେଲା ଏହି ଅଞ୍ଚଳ କୌଣସି ଶିଳ୍ପାଞ୍ଚଳ ନ ଥାଇ ଘରୋଇ ଅଞ୍ଚଳ ରେ ଏତ ବଡ଼ ମ୍ୟାନୁଫ୍ୟାକ୍ଚରିଂ ୟୁନିଟ୍ କିପରି ହେଲା ସେ ନେଇ ପ୍ରଶ୍ନ ଉଠିଛି। ଯାହା କି କାରଖାନା ବେଆଇନ୍ ଓ ଅପମିଶ୍ରିତ ହେଉଥିବା ଜାଣିବାକୁ ପାଇଥିଲେ ପୋଲିସ୍ ଅଧିକାରୀ । ତେବେ ନୋଭା ନାଁ ରେ ଏକ କମ୍ପାନୀ କରି ନିଜ ଘରେ ମାଲିକ ଚଲାଉଥିଲେ। ପ୍ୟାକେଟିଂ କରିବା ପାଇଁ ମଧ୍ୟ କର୍ମଚାରୀ ମାନେ କାମ କରୁଥିଲେ।

ତେବେ ହଳଦୀଗୁଣ୍ଡ, ଲଙ୍କାଗୁଣ୍ଡ ରେ ଅପମିଶ୍ରିତ ହେଉଥିବାବେଳେ ଏହାକୁ ଖାଇଲେ କ୍ୟାନସର୍ ଭଳି ରୋଗ ଦେଖାଦେବ ବୋଲି ସ୍ୱାସ୍ଥ୍ୟ ଅଧିକାରୀ ସୂଚନା ଦେଇଛନ୍ତି। ଆଉ କେତେ କ୍ୱାଣ୍ଟିଟି ମିଶାଉଛନ୍ତି ତାହା ବି ପ୍ୟାକେଟ୍ ରେ ଲେଖାହୋଇନାହିଂ। ଏସବୁ ଦିଗକୁ ଦେଖି ଏହା ଅପମିଶ୍ରିତ ଆଉ ଜାଲ୍ ଭେଜାଲ୍ କମ୍ପାନୀ ବୋଲି ସିଏମସି ର ସ୍ୱାସ୍ଥ୍ୟ ଅଧିକାରୀ ଜାଣିବାକୁ ପାଇଥିଲେ। ତେବେ ଏ ସବୁ ଘଟଣାକୁ ଖଣ୍ଡନ କରି କମ୍ପାନୀ ମାଲିକ ସଫେଇ ଦେଇ କହିଛନ୍ତି କମ୍ପାନୀର କାଗଜପତ୍ର ଠିକ୍ ଅଛି ଆଉ କୌଣସି ଭେଜାଲ୍ କରାଯାଉ ନାହିଁ। ଜିରା,ଫୁଟଣ ପ୍ୟାକେଟ୍ କରାଯାଉଥିବା ବେଳେ ଏହି କାରଖାନାର ମ୍ୟାନୁଫ୍ୟାକ୍ଚରିଂ ୟୁନିଟ୍ କୁ ସିଲ୍ କରି ୫ ରୁ ୬ ଲକ୍ଷ ଟଙ୍କା ମୂଲ୍ୟର ସାମଗ୍ରୀ,ବ୍ୟବହୃତ ମେସିନ ଆଦି କୁ ଜବତ କରିଛି ପୋଲିସ । ମାସେ ଧରି ଚାଲିଥିବା ଭେଜାଲ୍ ଅପମିଶ୍ରିତ କମ୍ପାନୀ ଉପରେ କଟକ ପୋଲିସ୍ ଓ ସିଏମସି ପକ୍ଷରୁ ଚଢାଉ ଜାରି ରହିଛି । ଆଉ କେତେ ନକଲି କାରଖାନା ଅଛି ତାହା ଆଗକୁ ଜଣାପଡିବ । (କଟକରୁ ଅମୂଲ୍ୟ କୁମାର ବାରିକଙ୍କ ରିପୋର୍ଟ)