ନୂଆଗଡ ବ୍ଲକ ଅନ୍ତର୍ଗତ ବିମାନପୂର ଗ୍ରାମ ଜଙ୍ଗଲରେ ବେଆଇନ ଭାବେ କରାଯାଇଥିବା ଗଞ୍ଜେଇ ଚାଷ କୁ ପୋଡି ନଷ୍ଟ କରାଗଲା

ଓଡ଼ିଶା ତାଜା ନ୍ୟୁଜ୍ (୨୧ ନଭେମ୍ବର ଶନିବାର ) ପାରଳାଖେମୁଣ୍ଡି  :- ଗଜପତି ଜିଲ୍ଲା ପୋଲିସ ଓ ଅବକାରୀ ବିଭାଗ ମିଳିତ ଭାବେ ଚଢ଼ାଉ କରି ଗଜପତି ଜିଲ୍ଲା ନୂଆଗଡ ବ୍ଲକ ଅନ୍ତର୍ଗତ କିରମା ପଞ୍ଚାୟତ ର ବିମାନପୂର ଗ୍ରାମ ଜଙ୍ଗଲରେ ବେଆଇନ ଭାବେ କରାଯାଇ ଥିବା ଚାଷକୁ ପୋଡି ନଷ୍ଟ କରାଯାଇଥିଲା ବୋଲି ଆର. ୟୁଦୟଗିରି ଥାନାଧିକରୀ ମମତା ନାୟକ ସୁଚନା ଦେଇଛନ୍ତି l ନୂଆଗଡ ବ୍ଲକ କୀରମା ପଂଚାୟତର ବିମାନପୂର ଗ୍ରାମ ନିକଟରେ ଥିବା ଜଙ୍ଗଲରେ ପ୍ରାୟ ୫୧ ଏକର ଜମିରେ ବେଆଇନ ଭାବେ ଚାଷ କରାଯାଇଥିବା ୧ଲକ୍ଷ୨ ହଜାର ୭୬୦ଟି ଗଞ୍ଜେଇ ଗଛକୁ ପଡ଼ି ନଷ୍ଟ କରାଯାଇଥିଲା l ଯାହାର ଆନୁମାନିକ ମୂଲ୍ୟ ବଜାର ମୂଲ୍ୟ ୧୦ କୋଟି ୨୬ ଲକ୍ଷ ହେବ ବୋଲି ଜଣା ପଡ଼ିଛି l ଏ ନେଇ ଆର ଉଦୟଗିରି ଥାନାରେ କେସ ନମ୍ୱର୧୦୦/୨୦୨୦ ଏନ୍ ଡି ପି ଏସ ଆକ୍ଟ ରେ ଧାରା ୨୦(କ)(l) ରେ ମାମଲା ରୁଜ୍ଜୁ ହୋଇଛି l ଏହି ଚଢ଼ାଉରେ ଅନ୍ୟ ମାନଙ୍କ ମଧ୍ୟରେ ରାଜସ୍ଵ ଓ ବନ ବିଭାଗର କର୍ମଚାରୀ ମାନେ ଭାଗ ନେଇଥିଲେ l ନୂଆଗଡ ତହସିଲ ର ଅତିରିକ୍ତ ତହସିଲଦାର ଆଶିଷ କୁମାର ପ୍ରଧାନ ମାଜିଷ୍ଟ୍ରେଟ ଦାୟିତ୍ୱରେ ଥିଲେ l      (ରିପୋର୍ଟ – ଗରୁଡ଼ ଧ୍ଵଜ ଚୌଧୁରୀ )