ଓଡ଼ିଶା ତାଜା ନ୍ୟୁଜ (୨୨ ଅକ୍ଟୋବର ଗୁରୁବାର ) ଦିଗପହଣ୍ଡି :- ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେଙ୍କ ନିର୍ଦ୍ଦେଶକ୍ରମେ ବୁଧବାର ସକାଳ ୭ ଘଣ୍ଟ ସମୟରେ ଦିଗପହଣ୍ଡି ର ୩ ମୁଖ୍ୟ ପ୍ରଶାସନିକ ଅଧିକାରୀ ତଥା କରୋନା ଙ୍କ ତତ୍ତ୍ୱାବଧାନରେ ଏକ କରୋନା ସଚେତନତା ସାଇକେଲ ରାଲି ର ଆୟୋଜନ କରାଯାଇଥିଲା । ଉକ୍ତ ରାଲି ଦିଗପହଣ୍ଡି ବଜାର ଠାରୁ ବାହାରି ପୁଞ୍ଜିକଇଁଆ ଛକ ବସ୍ଷ୍ଟାଣ୍ଡ ଦେଇ ପୁରା ସହରରେ କରୋନା ସଚେତନତା ବାର୍ତ୍ତା ପହଞ୍ଚାଇ ଥିଲେ । କରୋନା କଟକଣା ମାନି ଚଳିବା ,ସ୍ୱଚ୍ଛତା ଓ ପରିମଳ ବିଷୟରେ ଡ଼ାକବଜା ଯନ୍ତ୍ର ମାଧ୍ୟମରେ ପ୍ରଚାର କରିଥିଲେ । ଉକ୍ତ ରାଲି ରେ ଦିଗପହଣ୍ଡି ବିଜ୍ଞାପିତ ଅଞ୍ଚଳ ପରିଷଦ କାର୍ୟ୍ୟ ନିର୍ବାହୀ ଅଧିକାରୀ ପ୍ରଫୁଲ୍ଲ ଚନ୍ଦ୍ର ଡାକୁଆ, ଦିଗପହଣ୍ଡି ତହସିଲଦାର ଅଦ୍ଵୈତ କୁମାର ସ୍ବାଇଁ , ବିଡିଓ ହଳଧର ଶବର , ଅତିରିକ୍ତ ତହସିଲଦାର କଳାକୃଷ୍ଣ ପ୍ରଧାନ ଙ୍କ ସମେତ ଘଇଉ କର୍ମଚାରୀ,ଅଙ୍ଗନୱାଡ଼ି କର୍ମଚାରୀ , କୋଭିଡ ସଖି , କୋଭିଡ ମନିଟର , ସ୍ଵେଚ୍ଛାସେବୀ , ଛାତ୍ରଛାତ୍ରୀ , ଶିକ୍ଷକ/ ଶିକ୍ଷୟିତ୍ରୀ ଓ ସଫେଇ କର୍ମଚାରୀମାନେ ଉକ୍ତ ସାଇକେଲ ଶୋଭାଯାତ୍ରାରେ ଯୋଗଦେଇଥିଲେ । (ରିପୋର୍ଟ:ଶେଷଦେବ ସାହୁ ,ଗଞ୍ଜାମ ଜିଲ୍ଲା ବ୍ୟୁରୋ )
