ଏପ୍ରିଲ ୨୬ ରେ ୧୭ତମ ଅଲଇଣ୍ଡିଆ ନୀଳାଚଳ ଟ୍ରଫି କ୍ରିକେଟ ଟୁର୍ଣ୍ଣାମେଣ୍ଟ

ପୁରୀ  (ଓଡ଼ିଶା ତାଜା ନ୍ୟୂଜ୍) (ନିପ୍ର ) :- ଏପ୍ରିଲ ୨୬ରେ ୧୭ ତମ ଅଲଇଣ୍ଡିଆ ନୀଳାଚଳ ଟ୍ରଫି କ୍ରିକେଟ ଟୁର୍ଣ୍ଣାମେଣ୍ଟ ତାଳବଣିଆ ସ୍ଥିତ ଜଗନ୍ନାଥ ଷ୍ଟାଡିୟମରେ ଆରମ୍ଭ ହୋଇ ମେ ୩ ତାରିଖ ଉଦଯାପିତ ହେବ । ଏ ସମ୍ପର୍କରେ ବୁଧବାର ପୂର୍ବାହ୍ନରେ ସ୍ବର୍ଗଦ୍ବାର ନିକଟ ବଙ୍ଗଲକ୍ଷ୍ମୀ ହୋଟେଲ ସଭାଗୃହରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଏହି ଟୁର୍ଣ୍ଣାମେଣ୍ଟର ସଂସ୍କରଣ ପାୟୋନିୟର କ୍ଲବର ସଦସ୍ଯ ତଥା ପୁରୀ ଆଥେଲେଟିକ ଆସୋସିଏସନର ପୂର୍ବତନ କ୍ରିକେଟ ସଚିବ ସ୍ବର୍ଗତ ଜଗଦୀଶ ଚନ୍ଦ୍ର ରାଉତରାୟଙ୍କ ସ୍ମୃତିରେ ଉତ୍ସର୍ଗୀକୃତ କରାଯିବ ।

ଏହି ଖେଳ ୪୦ ଓଭର ଖେଳାଯିବ । ଏଥିରେ ୮ ଟି ଦଳ ଅଂଶଗ୍ରହଣ କରିବେ । ଦିଲ୍ଲୀ, କୋଲକାତା, କଟକ, ରାଉରକେଲା, ବାଲେଶ୍ବର ଓ ପୁରୀରୁ ପ୍ରତେକ ଗୋଟିଏ ଲେଖାଁଏ ଟିମ ଏଥିରେ ଅଂଶଗ୍ରହଣ କରିବେ । ଭୁବନେଶ୍ୱରରୁ ୨ଟି ଟିମ ଏହିପରି ସମୁଦାୟ ୮ ଟି ଅଂଶଗ୍ରହଣ କରିବେ । ଚାମ୍ପିଅନ ଦଳକୁ ଏକଲକ୍ଷ ଟଙ୍କା ସହ ଟ୍ରଫି ପ୍ରଦାନ କରାଯିବ ।ଧାବନକାରୀ ଦଳକୁ ୭୦ ହଜାର ଟଙ୍କା ଓ ଟ୍ରଫି,ମ୍ଯାନ ଅଫ ଦି ସିରିଜ କୁ ୭ ହଜାର ଟଙ୍କା ସହ ଟ୍ରଫି ପ୍ରଦାନ କରାଯିବ । ଏହା ସହ ଫାଇନାଲ ଖେଳରେ ମ୍ଯାନ ଅଫ ମ୍ଯାଚ ପାଇଥିବା ଖେଳାଳିଙ୍କୁ ୩ ହଜାର ଟଙ୍କା ସହ ଟ୍ରଫି ପ୍ରଦାନ କରାଯିବ ।

ଲିଗ ମ୍ଯାଚରେ ମ୍ଯାନ ଅଫ ମ୍ଯାଚ କୁ ୨ ହଜାର ଟଙ୍କା ଓ ଟ୍ରଫି, ଶ୍ରେଷ୍ଠ ବୋଲର, ଶ୍ରେଷ୍ଠ ବ୍ୟାଟସମ୍ୟାନ ଓ ଶ୍ରେଷ୍ଠ କ୍ଷେତ୍ର ରକ୍ଷକ ପ୍ରତେକଙ୍କୁ ୫ ହଜାର ଟଙ୍କା ଓ ଟ୍ରଫି ପ୍ରଦାନ କରାଯିବ ବୋଲି ଆୟୋଜକ କହିଛନ୍ତି । ନୀଳାଚଳ ଟ୍ରଫିର ସଭାପତି ମାଧବଚନ୍ଦ୍ର ଖୁଣ୍ଟିଆ, ଉପସଭାପତି ସୁନିଲ ମହାପାତ୍ର, ସମ୍ପାଦକ ହରେଶ କୁମାର ମିଶ୍ର, ଅଭ୍ୟର୍ଥନା କମିଟି ଚେୟାରମ୍ୟାନ ଇଂ ରାଜେଶ କୁମାର ମିଶ୍ର, ଯୁଗ୍ମ ସମ୍ପାଦକ ଅଗ୍ନେଶ ରାୟ,

କୈଳାସ ଜେନା,ନରେନ୍ଦ୍ର ମହାପାତ୍ର, ରାକେଶ ରାଉତରାୟ ଓ ସୁମନ ମିଶ୍ର, କୋଷାଧ୍ୟକ୍ଷ ପ୍ରବୀଣ କୁମାର ବେଉରା, କମିଟି ସଭ୍ଯ ରଜନୀକାନ୍ତ ପୃଷ୍ଟି, ଦୀପକ ମହାନ୍ତି, ଦେବକାନ୍ତ ରାୟ, ପୁଲକ ମହାନ୍ତି, ସିଦ୍ଧାର୍ଥ ଜେନା, ସୁମନ ମିଶ୍ର, ରବିନାରାୟଣ ମହାନ୍ତି ଓ କାଳୀପ୍ରସନ୍ନ ଷଡଙ୍ଗୀ ପାୟୋନିୟର କ୍ଲବ ସଭାପତି ଶକ୍ତି ମିଶ୍ର, ସମ୍ପାଦକ ସଞ୍ଜୀବ ଦଇତାପତି, ଉପସଭାପତି ମୋହରି ପ୍ରତିହାରୀ ଓ ପାୟୋନିୟର କ୍ଲବ ଓ ନୀଳାଚଳ ଟ୍ରଫିର ସମସ୍ତ ସଦସ୍ଯ ପ୍ରମୁଖ ଉପସ୍ଥିତ ଥିଲେ ।