ପବିତ୍ର ପ୍ରାଚୀନଦୀର ପୁନଃଉଦ୍ଧାର ପାଇଁ ବାବା ଅଭିରାମ ସରସ୍ଵତୀଙ୍କ ୧ଲକ୍ଷ ୧ ହଜାର ୧୦୮ ଶିବ ଲିଙ୍ଗ ସ୍ଥାପନ

କଟକ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ପୁର୍ଣ୍ଣତୋୟା ପବିତ୍ର ପ୍ରାଚୀନଦୀ ର ପୁନଃ ଉଦ୍ଧାର ପାଇଁ ଆଗେଇ ଆସିଲେ ବାବା ଶ୍ରୀଶ୍ରୀ ଅଭିରାମ ସରସତୀ । ପ୍ରାଚୀ ନଦୀର ପୁନଃ ଉଦ୍ଧାର ଅବସରରେ ଶ୍ରୀ ଶ୍ରୀ ଅନନ୍ତେଶ୍ୱର ମହାଦେଙ୍କ ୧ଲକ୍ଷ ୧ହଜାର ୧୦୮ ଶିବ ଲିଙ୍ଗ ସ୍ଥାପନ ସହ ବିଶ୍ୱର କଲ୍ୟାଣ ଲାଗି ବିଶ୍ୱଶାନ୍ତି ମହାଯଜ୍ଞ ଆରମ୍ଭ କରିଛନ୍ତି ବାବା ଅଭିରାମ ପରମହଂସ । ଶ୍ରୀଶ୍ରୀ ଅନନ୍ତେଶ୍ବର ମହାଦେବଙ୍କ ୧ଲକ୍ଷ ୧ହଜାର ୧୦୮ ଶିବ ଲିଙ୍ଗ ସ୍ଥାପନ ସମେତ ସରସ୍ବତୀ ପ୍ରାଚୀ ଘାଟରେ ଆଡି ବନ୍ଧ ନିର୍ମାଣ ସହ ଘାଟ ଉଦଘାଟନ କରିବା ସମେତ ପ୍ରାଚୀ ନଦୀ ତଟରେ ଏକ ବିରାଟ ଆଶ୍ରମ ନିର୍ମାଣ କରାଯାଇଛି ।

ଏହି ବିଶ୍ୱଶାନ୍ତି ମହାଯଜ୍ଞ ୫ଦିନ ଧରି ଚାଲିବ । କଟକ ଜିଲ୍ଲା ନିଆଳି ବ୍ଲକ ଅଲଣା ପଂଚାୟତ ଅଥଙ୍ଗା ଗ୍ରାମର ପ୍ରାଚୀତଟ ଠାରେ ଶ୍ରୀ ଅନନ୍ତ ସେବା ପରିଷଦ ପକ୍ଷରୁ ଶ୍ରୀଶ୍ରୀ ଅଭିରାମ ସରସତୀଙ୍କ ଦ୍ବାରା ପୁର୍ଣ୍ଣତୋୟା ପ୍ରାଚୀନଦୀର ପୂନଃଉଦ୍ଧାର ପାଇଁ ଏକ କଲ୍ୟାକାରୀ ବିଶ୍ବ ଶାନ୍ତି ମହାଯଞ ଅନୁଷ୍ଠିତ ହୋଇଛି । ଦୀର୍ଘ ବର୍ଷ ଧରି ପ୍ରାଚୀ ନଦୀ ଶୁଷ୍କ ହେବା ସହ ପୋତି ହୋଇ ପଡ଼ିଲାଣି, ଆଉ ମଧ୍ୟ ଏହି ନଦୀକୁ ଜବରଦଖଲ କରି ଚାଷଜମି ଏବଂ ଘର ନିର୍ମାଣରେ ପରିଣତ କରାଯାଇଥିବାରୁ ଚାଷୀଙ୍କ ଠାରୁ ଆରମ୍ଭ କରି ସାଧାରଣ ଲୋକେ ଗାଈ ଗୋରୁ , ମେଣ୍ଢା,ଛେଳୀ ପଶୁ ପକ୍ଷୀମାନେ ପିଇବା ପାଣି ପାଇଁ ଅନେକ ସମସ୍ୟା ଭୋଗୁଛନ୍ତି ।

ସେଥି ନେଇ ବାବା ଅଭିରାମ ସରସ୍ଵତୀ ଦୁଃଖରେ ଭାଙ୍ଗି ପଡିଛନ୍ତି ।ଏହି ସମସ୍ୟା ସମାଧାନ କରିବା ଉଦ୍ଦେଶ୍ୟରେ ବାବା ଅଭିରାମ ସରସତୀ ନିଜେ ଅଣ୍ଟା ଭିତି ପ୍ରାଚୀ ନଦୀର ଅଥଙ୍ଗାଠାରେ ଏକ ଚେକ ଡ୍ୟାମ ନିର୍ମାଣ କରିବା ସହ ୭୦ ହଜାରରୁ ଉର୍ଦ୍ଧ୍ଵ ବେଲ ଗଛ ବଣ୍ଟନ କରିଛନ୍ତି , ଏଥି ସହ, ପରିବେଶ ସୁରକ୍ଷା ପାଇଁ ଅନେକ ଆମ୍ବ, ପଣସ, ଲିମ୍ୱ ଗଛ ଲଗାଇଛନ୍ତି, ଆଗାମୀ ଦିନରେ ପରିବେଶ ସୁରକ୍ଷା ପାଇଁ ବହୁ ଶ୍ମଶାନ ଏଵଂ ରାସ୍ତାଘାଟ ସମେତ ଗ୍ରାମାଞ୍ଚଳରେ ବ୍ୟାପକ ବୃକ୍ଷରୋପଣ କରିବେ ବୋଲି ନିଷ୍ପତି ନେଇଛନ୍ତି । ଆହୁରି ଅନେକ ବିଭିନ୍ନ ଜନକଲ୍ୟାଣ କାର୍ଯ୍ୟକ୍ରମ ହାତକୁ ନେଇଛନ୍ତି ।

ଏହି କାର୍ଯ୍ୟକ୍ରମରେ ମହିଳାମାନଙ୍କ ଦ୍ବାରା ୧୦୮ କଳସ ଯାତ୍ରା ସହିତ ସାଧୁ ସମ୍ମିଳନୀ, ଭକ୍ତମାନଙ୍କୁ ବସ୍ତ୍ର ଦାନ ଆଦି କାର୍ଯ୍ୟ କରୁଛନ୍ତି । ଏହି ପବିତ୍ର ପୀଠରେ ମହାସ୍ନାନ, ଅସ୍ଥି ବିସର୍ଜନ,ପିଣ୍ଡଦାନ ,ପିତୃଶ୍ରାଦ୍ଧ ସହ
ଶ୍ରାଦ୍ଧାଳୁମାନେ ସ୍ନାନ କରି ଅନନ୍ତେଶ୍ବର ମହାଦେବଙ୍କ ଆଶ୍ରିବାଦ ଲାଭ କରୁଛନ୍ତି । ଏହି ବିଶ୍ଵଶାନ୍ତି ମହାଯଜ୍ଞରେ ଓଡ଼ିଶାର ବହୁ ସାଧୁସନ୍ଥ ଓ ଭକ୍ତମାନେ ଯୋଗ ଦେଇଛନ୍ତି । ବାବାଙ୍କର ଏହି ବିଶ୍ୱଶାନ୍ତି ମହାଯଜ୍ଞ ଲାଗି ଅହୋରାତ୍ର ନାମ ସଂକ୍ରିତନ୍, ଭଜନସମାରୋହ, ବିଶିଷ୍ଟ ପଣ୍ଡିତ ଏବଂ ବହୁ ସାଧୁସନ୍ଥଙ୍କ ଦ୍ଵାରା ପ୍ରବଚନ କାର୍ଯ୍ୟକ୍ରମ, ପ୍ରସାଦ ସେବନ, କରାଯାଉଛି । ଏହି କାର୍ଯ୍ୟକ୍ରମରେ ରାଜ୍ୟର ବିଭିନ୍ନ ସ୍ଥାନରୁ ବହୁ ବିଶିଷ୍ଟ ସାଧୁ ସନ୍ଥଙ୍କ ସମେତ ଶ୍ରଦ୍ଧାଳୁ ଭକ୍ତମାନେ ଯୋଗ ଦେଉଛନ୍ତି । ବାବାଙ୍କର ଏହି ମହାନତା କାର୍ଯ୍ୟ ନେଇ ସବୁଠି ସ୍ବାଗତ କରାଯାଇଛି ।