ଖୋର୍ଦ୍ଧା- ଜଟଣୀ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ପୂର୍ବତଟ ରେଳବାଇର ଖୋର୍ଦ୍ଧାରୋଡ୍ ରେଳ ମଣ୍ଡଳ ଜାନୁଆରୀ ୨୦୨୬ ମାସରେ ଅବସର ଗ୍ରହଣ କରିଥିବା ୨୮ ଜଣ ରେଳ କର୍ମଚାରୀଙ୍କୁ ସମ୍ମାନ ଜନକ ଭାବେ ବିଦାୟ ଜଣାଇଛି । ଏହା ସହିତ ଭାରତୀୟ ରେଳବାଇରେ ସେମାନଙ୍କର ଦୀର୍ଘ ଓ ଉତ୍ସର୍ଗୀକୃତ ସେବା ଜୀବନର ଏକ ସ୍ମରଣୀୟ ଅଧ୍ୟାୟ ସମାପ୍ତ ହୋଇଛି ।
ଅବସରପ୍ରାପ୍ତ କର୍ମଚାରୀ ମାନେ ହେଲେ, ପର୍ଶନାଲ୍ ଡିପାର୍ଟମେଣ୍ଟର ଏନ୍. ଶ୍ରୀନିବାସ ରାଓ,ପ୍ରଭାକର ପଣ୍ଡା,ସିଗ୍ନାଲ୍ ଏବଂ ଟେଲିକମ୍ୟୁନିକେସନ୍ ବିଭାଗର ସଲିମ୍ ଖାନ୍,ଅନ୍ନୁଆର୍ ଖାନ୍, ଇଞ୍ଜିନିୟରିଂ ବିଭାଗର ଦମ୍ପନା ବୋୟିନା ସତ୍ୟନାରାୟଣ,କମଳ କାନ୍ତ ତ୍ରିପାଠୀ,ସୀତାରାଣୀ ମୁର୍ମୁ. ସକିଲା ମୁର୍ମୁ,ଜ୍ୟୋତିନ୍ଦ୍ର କୁ. ମହIରଥି, ଯାନ୍ତ୍ରିକ ବିଭାଗର ମୋହନ ବାଙ୍ଗାରୀ, ପ୍ରତାପ କୁମାର ବେହେରା, ସୁନାରାମ ସୋରେନ୍,
ରାଇବାରୀ ଦେଇ, ସୁନିଲ୍ କୁମାର ଦେୟ, ଶ୍ରୀମତୀ ଉନ୍ନତି ନାୟକ, ବିଜୟ କୁମାର ମହାପାତ୍ର, ବିଦ୍ୟୁତ ବିଭାଗର ସରତ କୁମାର ଜେନା, ନିର୍ମଳ କୁମାର ପୃଷ୍ଟି,ଅଶୋକ କୁମାର ରାଉତ, ପ୍ରବୋଧ କୁମାର ମହାପାତ୍ର, ସକିଲା ମୁର୍ମୁ,ଲକ୍ଷ୍ମୀଧର ସୁତାର, ସିବ ସାହୁ, ଅପରେଟିଙ୍ଗ ବିଭାଗର, ମଟ୍ଟା ରାମକୃଷ୍ଣ, ପଞ୍ଚାନନ ବାରିକ, ଶଶୀ ଭୂଷଣ ପାଲ,କୃଷ୍ଣଚନ୍ଦ୍ର ଭୋଇ, ଆକାଉଣ୍ଟସ ବିଭାଗର ନରେନ୍ଦ୍ର ପ୍ରସାଦ ଜେନା,ସୁରକ୍ଷା ବିଭାଗର, ରବିନ୍ଦ୍ର କୁମାର ବେହେରା ।
ଏହି ଅବସରରେ ଖୋର୍ଦ୍ଧା ରୋଡ୍ରେ ଆୟୋଜିତ ଏକ ସମାରୋହରେ ଅତିରିକ୍ତ ଡିଭିଜନାଲ ରେଳ ପରିଚାଳକ (ଭିତ୍ତିଭୂମି)ଶ୍ରୀ ଶୁଭ୍ରା ଜ୍ୟୋତି ମଣ୍ଡଳ ଏବଂ ଭାରପ୍ରାପ୍ତ ବିଭାଗୀୟ କାର୍ମିକ ଅଧିକାରୀ ଶ୍ରୀ ପ୍ରମୋଦ କୁମାର ବେହେରା ଆନୁଷ୍ଠାନିକ ଭାବେ ଅବସରପ୍ରାପ୍ତ କର୍ମଚାରୀ ମାନଙ୍କୁ ପେନସନ୍ ପେମେଣ୍ଟ ଅର୍ଡର (ପିପିଓ) ଏବଂ ଅବସର ପତ୍ର ପ୍ରଦାନ କରିଥିଲେ ।
ଏହି ସମାରୋହରେ ଶ୍ରୀ ମଣ୍ଡଳ ଅବସରପ୍ରାପ୍ତ କର୍ମଚାରୀ ମାନଙ୍କ ଦ୍ୱାରା ସୁରକ୍ଷିତ, ସୁଚାରୁ ଓ କାର୍ଯ୍ୟ କୁଶଳ ରେଳ ପରିଚାଳନା ସୁନିଶ୍ଚିତ କରିବାରେ ଦିଆଯାଇଥିବା ଅମୂଲ୍ୟ ଅବଦାନକୁ ସ୍ୱୀକାର କରିଥିଲେ । ସେମାନଙ୍କୁ ଅବସର ପରବର୍ତ୍ତୀ ଜୀବନକୁ ସକାରାତ୍ମକ ଭାବେ ଗ୍ରହଣ କରିବା, ସମୟକୁ ଫଳପ୍ରଦ ଭାବେ ବ୍ୟବହାର କରିବା ଏବଂ ଏକ ସୁଖୀ, ସ୍ୱସ୍ଥ ଓ ପରିପୂର୍ଣ୍ଣ ଜୀବନ ବିତାଇବାକୁ ଶୁଭେଚ୍ଛା ଜଣାଇଥିଲେ । ଭାରତୀୟ ରେଳବାଇ ପାଇଁ ସେମାନଙ୍କର ପ୍ରଶଂସନୀୟ ସେବା ପ୍ରତି କୃତଜ୍ଞତା ଜଣାଇ ସମସ୍ତ ଅବସରପ୍ରାପ୍ତ କର୍ମଚାରୀଙ୍କୁ ହାର୍ଦ୍ଦିକ ଶୁଭେଚ୍ଛା ସହ ସମାରୋହର ସମାପନ କରାଯାଇଥିଲା ।
ଭାରତୀୟ ରେଳବାଇରେ ଦୀର୍ଘକାଳ ଧରି ପ୍ରଶଂସନୀୟ ସେବା ନିର୍ବାହ କରି ଅବସର ଗ୍ରହଣ କରିଥିବା କର୍ମଚାରୀ ମାନଙ୍କ ପ୍ରତି ହାର୍ଦ୍ଦିକ ଶୁଭେଚ୍ଛା ଓ କୃତଜ୍ଞତା ଜଣାଇ ସମାରୋହଟି ସଫଳତାର ସହ ସମାପିତ ହୋଇଥିଲା । ଏହି କାର୍ଯ୍ୟକ୍ରମର ସଂଯୋଜନା ଭାରପ୍ରାପ୍ତ ବିଭାଗୀୟ କାର୍ମିକ ଅଧିକାରୀ ଶ୍ରୀ ପ୍ରମୋଦ କୁମାର ବେହେରା କରିଥିବା ବେଳେ କାର୍ଯ୍ୟକ୍ରମର ସୁଗମ ଓ ସୁସଂଗଠିତ ପରିଚାଳନା ସୁନିଶ୍ଚିତ କରିଥିଲେ ।
