ଶିକ୍ଷାନୁଷ୍ଠାନ ବିନା ଶିକ୍ଷାର ବିକାଶ ଓ ପ୍ରଗତି ଅସମ୍ଭବ
ବୋଲଗଡ଼ (ଓଡ଼ିଶା ତାଜା ନ୍ୟୁଜ୍) ନି. ପ୍ର :- ବୋଲଗଡ଼ ଶିକ୍ଷା ବ୍ଲକ ଅନ୍ତର୍ଗତ ଅlରିକମା ପଞ୍ଚାୟତ ସରକାରୀ ଉଚ୍ଚ ବିଦ୍ୟାଳୟର ପଚାଶ ବର୍ଷ ପୂର୍ତ୍ତି ଅବସରରେ ପୁରାତନ ଛାତ୍ର ସଂଘଦ୍ୱାରା ରବିବାର ଦିନ ତିନିଦିନିଆ ସୁବର୍ଣ୍ଣ ଜୟନ୍ତୀ ମହୋତ୍ସବ ଉଦଯାପିତ ହୋଇଯାଇଅଛି ! ଏହି ସୁବର୍ଣ୍ଣ ଜୟନ୍ତୀ ଉତ୍ସବରେ ବୋଲଗଡ଼ ଗୋଷ୍ଠୀଶିକ୍ଷା ଅଧିକାରୀ ପ୍ରମୋଦ କୁମାର ସ୍ୱଇଁଙ୍କ ପୌରୋହିତ କରି ସ୍ୱାଗତ ଭାଷଣ ଦେଇଥିବାବେଳେ ମୁଖ୍ୟଅତିଥି ଭାବେ ଡ଼ ପ୍ରଫେସର ପ୍ରଫୁଲ କୁମାର ଯତି,
ମୁଖ୍ୟବକ୍ତା ଭାବେ ଇଂ ବସନ୍ତ କୁମାର ପରିଡା ଓ ସଂମ୍ମାନିତ ଅତିଥିଭାବେ ଡ଼ ବାସୁଦେବ ବେହେରା, ବିଜେପି ସଂଗଠକ ତଥା ସମାଜ ସେବୀ ବାସୁଦେବ ସାହୁ, ସିନେ କଳାକାର କୁନାଲ ପଟ୍ଟନାୟକ, ଜୀବନ ପଣ୍ଡା, ସାଇଟ୍ରଷ୍ଟ ଅଧ୍ୟକ୍ଷା ସୁପ୍ରଭା ମହାପାତ୍ର ପ୍ରମୁଖ ଯୋଗଦେଇ ଜଗତରନାଥ ଜଗନ୍ନାଥଙ୍କ ପ୍ରତିମୂର୍ତ୍ତିରେ ଫୁଲ,ଚନ୍ଦନ ଓ ପ୍ରଦୀପ ପ୍ରଜ୍ବଳନ କରି ଏହାକୁ ଶୁଭ ଉଦଘାଟନ କରିଥିଲେ !
ପୁରାତନ ଛାତ୍ର ସଙ୍ଘର ସଭାପତି ତଥା ଆବାହକଡ଼ ଡା ସୁଦର୍ଶନ ବେହେରା ମହୋତ୍ସବକୁ ପରିଚାଳନା କରି ଅତିଥିମାନଙ୍କର ପରିଚୟ ପ୍ରଦାନ କରିଥିଲେ ! ପଞ୍ଚାୟତ ସରକାରୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ବନମାଳୀ ସାହୁ ବାର୍ଷିକ ବିବରଣୀ ପଠନ କରିଥିଲେ ! ଶିକ୍ଷା ବିକାଶର ଚାବିକାଠି ଓ ଜୀବନର ମାନଦଣ୍ଡ ହୋଇଥିବାରୁ ପ୍ରତ୍ୟେକ ଛାତ୍ରଛାତ୍ରୀମାନେ ଗୁଣାତ୍ମକ ଶିକ୍ଷା ଗ୍ରହଣ କରି ସଫଳ ମଣିଷ ହେବାକୁ ମୁଖ୍ୟ ଅତିଥି ପ୍ରଫେସର ଡ଼ ପ୍ରଫୁଲ କୁମାର ଯତି ଅଭି ଭାଷଣରେ କହିଥିଲେ !
ଶିକ୍ଷାନୁଷ୍ଠାନ ବିନା ଶିକ୍ଷାର ବିକାଶ ଓ ପ୍ରଗତି ଅସମ୍ଭବ ବୋଲି ମୁଖ୍ୟବକ୍ତା ଇଂ ବସନ୍ତ କୁମାର ପରିଡା ଛାତ୍ରଛାତ୍ରୀମାନଙ୍କୁ ପରାମର୍ଶ ଦେଇଥିଲେ ! ସୁବର୍ଣ୍ଣ ଜୟନ୍ତୀ କମିଟି ତରଫରୁ ଡ଼ ପ୍ରଫୁଲ କୁମାର ଯତି, ଡ଼ ବାସୁଦେବ ବେହେରା, ଇଂ ବସନ୍ତ କୁମାର ପରିଡା, ସୁପ୍ରଭା ମହାପାତ୍ର ଏବଂ ସାଇଟ୍ରଷ୍ଟ ତରଫରୁ ଡ଼ ସୁଦର୍ଶନ ବେହେରା, ପ୍ରଭାତ କୁମାର ବାରିକ, କୁନାଲ ପଟ୍ଟନାୟକ ପ୍ରମୁଖଙ୍କୁ ଉତ୍ତରୀୟ, ଫୁଲତୋଡ଼ା, ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା !
ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ୱାରା ଚମତ୍କାର ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯାଇଥିଲା.! ସମସ୍ତ ଅତିଥିମାନେ ବିଦ୍ୟାଳୟର ସ୍ମରଣୀକl” ସ୍ମୃତି ଓ ଅନୁଭୂତି” ପୁସ୍ତକଙ୍କୁ ଉନ୍ମୋଚନ କରିଥିଲେ ! ସମସ୍ତ କାର୍ଯ୍ୟକ୍ରମକୁ ଦିଲୀପ କୁମାର ଯତି, ବିଦ୍ୟୁତ ଲତା ଯତି, ବିଶ୍ୱରଂଜନ ସେଠୀ, ରଶ୍ମିରୀତା ଚୌଧୁରୀ , ସୌଦାମିନୀ ଜୟସିଂ, ପ୍ରହଲ୍ଲାଦ ସୁବୁଦ୍ଧି ପ୍ରମୁଖ ସହଯୋଗ କରି ପରିଚାଳନା କରିଥିଲେ ! ପରିଶେଷରେ ପୁରାତନ ଛାତ୍ର ସଙ୍ଘର ସଦସ୍ୟ ନବକିଶୋର ଯତି ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ !
