ସତ୍ୟବାଦୀ ନିର୍ବାଚନ ମଣ୍ଡଳୀର ଠିକାଦାର ମାନଙ୍କ ବୈଠକ ଅନୁଷ୍ଠିତ

ସାକ୍ଷୀଗୋପାଳ (ଓଡ଼ିଶା ତାଜା ନ୍ୟୁଜ୍) (ନି.ପ୍ର ) :- ରାଜକିଶୋର ସେନାପତି – ପୁରୀ ଜିଲ୍ଲା ସତ୍ୟବାଦୀ ନିର୍ବାଚନ ମଣ୍ଡଳୀ ର ଠିକାଦାର ମହାସଙ୍ଘର ସତ୍ୟବାଦୀ ଓ କଣାସ ଅଞ୍ଚଳର ଠିକାଦାର ମାନଙ୍କୁ ନେଇ ଏକ ଗୁରୁତ୍ବପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି । ଉକ୍ତ ବୈଠକରେ ଅନେକ ଠିକାଦାର ଉପସ୍ଥିତ ହୋଇ ସେମାନଙ୍କ ସମସ୍ୟା ଜଣାଇଥିଲେ ଏବଂ ଉପସ୍ଥିତ ଥିବା ଜିଲ୍ଲା ଓ ରାଜ୍ୟ ସ୍ତରୀୟ ଠିକାଦାର ମାନେ ଉପୁଜୁଥ‌ିବା ସମସ୍ୟା ଓ ତାହାର ସମାଧାନ ସମ୍ପର୍କରେ ଆଲୋଚନା କରିଥିଲେ । ଠିକାଦାର ମାନେ ୧୪.୯୯% ଲେଶେ ରେ କାର୍ଯ୍ୟ କରିବା ଦ୍ବାରା କାର୍ଯ୍ୟର ମାନ ଅତି ନ୍ୟୁନ ହେଉଛି ଏବଂ ଠିକାଦାର ମାନେ ଆର୍ଥିକ ଦୃଷ୍ଟିରୁ ବଡ ହଇରାଣ ମଧ୍ଯ ହେଉଛନ୍ତି ।ସମୃକ୍ତ ବିଭାଗ ମଧ୍ଯ ଠିକାଦାର ମାନଙ୍କୁ ବିଭିନ୍ନ ସମୟରେ ଅଯଥାରେ ହଇରାଣ ହରକତ କରୁଛନ୍ତି । ତତ ସହିତ ସରକାରୀ ଓ ନେତା ମାନଙ୍କ ସ୍ତରରେ ଠିକାଦାର ମାନଙ୍କ ପାଇଁ ଆଇନରେ ଯେଉଁ ସୁବିଧା ରହିଛି ତାହାକୁ କାର୍ଯ୍ୟକାରୀ କରୁନାହାଁନ୍ତି । ସେଥ‌ିପାଇଁ ଠିକାଦାର ମାନେ ଅନେକ ଅସୁବିଧାର ସମୁଖୀନ ହୋଇ ସର୍ବସ୍ବାନ୍ତ ହେଉଛନ୍ତି । ଏଣୁ ତାହାର ସମାଧାନ ପାଇଁ ସତ୍ୟବାଦୀ ନିର୍ବାଚନ ମଣ୍ଡଳୀର ଠିକାଦାର ମାନେ ଏକ କମିଟି ଗଠନ କରିଛନ୍ତି ।

ସେମାନେ ଡିସେମ୍ବର ୩ତାରିଖ ଠାରୁ ସମସ୍ତ ଟେଣ୍ଡର ସରକାରଙ୍କ ନିର୍ଦ୍ଧାରିତ ମୂଲ୍ୟରେ ପକାଇବା ସହିତ ଉନ୍ନ‌ତ ମାନର କାର୍ଯ୍ୟ କରିବା ପାଇଁ ଶପଥ ମଧ୍ୟ ନେଇଛନ୍ତି । ତେବେ ଅନ୍ୟ ନିର୍ବାଚନ ମଣ୍ଡଳୀର କେହି ଠିକାଦାର ସତ୍ୟବାଦୀ ନିର୍ବାଚନ ମଣ୍ଡଳୀରେ ଟେଣ୍ଡର କାମ ପାଇଁ ପକାଇବେ ନାହିଁ । ଯେଉଁମାନେ ଲେଶେ ରେ ଟେଣ୍ଡର ପକାଇବେ ସେମାନଙ୍କ ବିପକ୍ଷରେ ସମସ୍ତେ ମିଳିତ ଭାବେ ପ୍ରତିବାଦ କରିବା ପାଇଁ ମଧ୍ଯ ନିଷ୍ପତି ଗ୍ରହଣ କରାଯାଇଛି ।ଏହି ସୂଚନା ସମସ୍ତ ଠିକାଦାର ମାନଙ୍କ ଅବଗତ ନିମନ୍ତେ ଏକ ପ୍ରେସ ବିଜ୍ଞପ୍ତି ମାଧ୍ୟମରେ ପୁରୀ ଜିଲ୍ଲା ଠିକାଦାର ମହାସଂଘର ଆବାହକ ପ୍ରଫୁଲ୍ଲ ଚନ୍ଦ୍ର ପଣ୍ଡା ଜଣାଇଛନ୍ତି । ସତ୍ୟବାଦୀ ନିର୍ବାଚନ ମଣ୍ଡଳୀର ଠିକାଦାରଙ୍କୁ ନୂତନ କାର୍ଯ୍ୟକାରୀ କମିଟିର ସଭାପତି ଭାବେ ପ୍ରତାପ କୁମାର ମହାପାତ୍ର, ଉପସଭାପତି ଶ୍ରୀବତ୍ସଚ ମହାପାତ୍ର ଓ ବିଜୟ କୁମାର ବିଶ୍ୱାଳ, ସଂପାଦକ ନିରଞ୍ଜନ ରାଉତ, ସହସଂପାଦକ ଦେବରାଜ ବେହେରା, କୋଷାଧକ୍ଷ ସୁନୀଲ କୁମାର ମହାପାତ୍ର, ପୁରୀ ଜିଲ୍ଲା କମିଟି ସଂଯୋଜକ ଉମାକାନ୍ତ ସାମନ୍ତରାୟ,ଉପଦେଷ୍ଟା ସଞ୍ଜୟ କୁମାର ଭୋଳ ଓ ଦୁର୍ଗାପ୍ରସାଦ ରଥ ଙ୍କ ସମେତ ସତ୍ୟବାଦୀ ନିର୍ବାଚନ ମଣ୍ଡଳୀର ସମସ୍ତ ଠିକାଦାର ମାନେ ମଧ୍ୟ ଉପସ୍ଥିତ ଥିଲେ ।