ୱାଇ କପ – ୨୦୨୫ ସମ୍ଭାବନାମୟ ସମ୍ମିଳନୀ ଉଦଯାପିତ

ପୁରୀ (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ନିଜ ଘରୁ ପରିବର୍ତନ ର ଧାରା ଆରମ୍ଭ ହେଲେ ଭବିଷ୍ୟତରେ ଅନେକ ପାରିବେଶିକ ସଙ୍କଟରୁ ରକ୍ଷା ମିଳିପାରିବ ବୋଲି ରବିବାର ୱାଇ କପ -୨୦୨୫ ସମ୍ଭାବନାମୟ ସମ୍ମିଳନୀ ସଂସ୍କୃତି ଭବନ ଠାରେ ଦୁଇଦିନିଆ କର୍ମଶାଳା ଉଦଯାପିତ ହୋଇଯାଇଛି । ଏହି କାର୍ଯ୍ୟକ୍ରମରେ ସଂଖ୍ୟାଧିକ ପ୍ରତିନିଧି ଯୋଗ ଦେଇଥିଲେ । ପୂର୍ବାହ୍ନ ରେ ଓଡିଶାରେ ପରିଚିତ ଜଳପୁରୁଷ ରଞ୍ଜନ ପଣ୍ଡାଙ୍କ ସଭାପତିତ୍ୱରେ ଅନୁଷ୍ଠିତ ବିତର୍କରେ ଆଇନା ସଂସ୍ଥାର ବରିଷ୍ଠ କାର୍ଯ୍ୟନିର୍ବାହୀ ସଦସ୍ୟ ଡ ଅଦିତି ପଣ୍ଡା ପ୍ରତିନିଧିମାନଙ୍କୁ ବିଭିନ୍ନ କଳାକୌଶଳ ଅବଲମ୍ବନ ରେ ପରିବେଶ ସଙ୍କଟକୁ କିପରି ଜାଣିବା ଓ ତାହାର ପ୍ରତିକାର ଦିଗରେ ପଦକ୍ଷେପ ନିଆଯିବା ସମ୍ପର୍କ ରେ କହିଥିଲେ ।

ଶିଶୁ ପ୍ରତିନିଧି ମାନେ ବିଜ୍ଞାନଭିତ୍ତିକ ପ୍ରଦର୍ଶନୀ ଉପରେ ସୁନ୍ଦର ଅଭିଭାଷଣ ପ୍ରଦାନ କରିଥିଲେ । ବୃତ୍ତଚିତ୍ର ନିର୍ମାତା ସ୍ନେହାଶିଷ ଦାସ କ୍ଷୟ ହେଉଥିବା ପ୍ରକୃତି ର ନିରାକରଣ ସକାଶେ ତୃଣମୂଳ ସ୍ତରରୁ ବିହିତ ପଦକ୍ଷେପ ନେବା ଏବଂ ବିଦ୍ୟାଳୟ ଓ ମହାବିଦ୍ୟାଳୟ ସ୍ତରରୁ ସଚେତନତା କାର୍ଯ୍ୟକ୍ରମକୁ ବ୍ୟାପକ କରିବାକୁ ପରାମର୍ଶ ଦେଇଥିଲେ ।

ବରିଷ୍ଠ ସାମ୍ବାଦିକ ଅନୁଜ ଦାସ ପରିବେଶ ସମ୍ପର୍କକୁ ବୁଝିବା ଏବଂ ସୁରକ୍ଷା ଲାଗି ଛାତ୍ର ଓ ଯୁବ ସମାଜର କର୍ତ୍ତବ୍ୟ ପ୍ରାଥମିକତା ହେବା ଜରୁରୀ ବୋଲି ଦୃଢ଼ ମତ ପଶୋଣ କରିଥିଲେ । ଏକ ତର୍କ ମାଧ୍ୟମ ରେ ପରିବେଶ ସଚେତନତା କୂ ଗୁରୁତ୍ୱ ଦେବା ଏବଂ ଜଣେ ଦଶ ଜଣଙ୍କୁ ପ୍ଲାଷ୍ଟିକମୁକ୍ତ।ପରିବେଶ ସୃଷ୍ଟି କରିବା ଉପରେ ଜୋର ଦିଆଯାଇଥିଲା । ପାରାଦ୍ୱୀପ ଅଞ୍ଚଳ ର ଯୁବ ପରିବେଶ କର୍ମୀ ବାପି ଗୋଛାୟତଙ୍କୁ ଦ୍ଵିତୀୟ ୟୁଥ ଫର ୱାଟର ଇନିସଏଟିଭି ସମ୍ମାନ ସହ ଅର୍ଥରାଶି ପ୍ରଦାନ କରାଯାଇଥିଲା । ସାମାଜିକ କର୍ମୀ ରୁଚି ଜଗଦେବ ଧନ୍ୟବାଦ ଅର୍ପଣ କରିଥିଲେ ।