ରୋଗୀ କଲ୍ୟାଣ ସମିତି ବୈଠକ

ନୂଆଗାଁ (ଓଡ଼ିଶା ତାଜା ନ୍ୟୁଜ୍) :- ନୟାଗଡ ଜିଲ୍ଲା ନୂଆଗାଁ ବ୍ଲକ୍ ଅନ୍ତର୍ଗତ ମହିପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଆଜି ରୋଗୀ କଲ୍ୟାଣ ସମିତି ବୈଠକ ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟ ଅତିଥି ଭାବେ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ଯୋଗଦେଇ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଥିବା ବିଭିନ୍ନ ସମସ୍ୟା ସମ୍ପର୍କରେ ବିସ୍ତୃତ୍ୱ ଭାବେ ଆଲୋଚନା କରିବା ସହ ପଚାରି ବୁଝିଥିଲେ । ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଆବଶ୍ୟକତା ଠାରୁ କମ ସଂଖ୍ୟକ ଡ଼ାକ୍ତର ଥିବା ଯୋଗୁଁ ନୂତନ ଡାକ୍ତରଙ୍କ ଆବଶ୍ୟକତା ଜଣାଇଥିଲେ। କିଭଳି ଭାବରେ ଜଣେ ରୋଗୀ ଉତ୍ତମ ସ୍ୱାସ୍ଥ୍ୟ ସେବା ପାଇବ ସେଥିପ୍ରତି ଗୁରୁତ୍ୱାରୋପ କରାଯାଇଥିଲା ।ବର୍ତମାନ ୪୮ ଜଣ ଟିବି ରୋଗୀ ଚିକିତ୍ସିତ ହେଉଛନ୍ତି ସେମାନଙ୍କୁ କିପରି ଭାବରେ ଉତ୍ତମ ସ୍ବାସ୍ଥ୍ୟ ସେବା ଦ୍ଵାରା ଆରୋଗ୍ୟ ଲାଭ କରିବେ ସେଥିପ୍ରତି ଧ୍ୟାନ ଦିଆଯାଇଥିଲା । ବିଧାୟକ କହିଛନ୍ତି ମେଡିକାଲ ର ଯାହାବି ଅସୁବିଧା ଅଛି ମୋତେ ଜଣାନ୍ତୁ ଯଥା ସମ୍ଭବ ମୁଁ ସମାଧାନ କରିବି । ଏହିସଭାରେ ମେଡ଼ିକାଲ ଷ୍ଟାଫ, କଲ୍ୟାଣ ସମିତି ମେମ୍ବରଙ୍କ ସମେତ ନୂଆଗାଁ ବିଡ଼ିଓ ଡ଼.ଅମୃତ କୁମାର ରାଉଳ,ମେଡିକାଲ୍ ସୁପରିଟେଣ୍ଡଣ୍ଟ ଡ.ବନମାଳୀ ପ୍ରଧାନ, ମେଡିକାଲ ଇନଚାର୍ଜ ଡ଼.ଦେଵୀ ପ୍ରସାଦ ପ୍ରଧାନ, ବି ଇ ଓ କାର୍ଯ୍ୟାଳୟ ଆକାଉଣ୍ଟା୍ଟ ସନ୍ଦୀପ ମହାରଣା, ବିପିଏମ ଡାଇନା ଦାସ ପ୍ରମୁଖ ଉପସ୍ଥିତଥିଲେ ।