ଶ୍ରୀରାମ ମନ୍ଦିର,ବାନ୍ଧନଘୋରରେ ମହାବିଷୁବ ସଂକ୍ରାନ୍ତି ଓ ଶ୍ରୀହନୁମାନ ଜୟନ୍ତୀ ଉତ୍ସବ ପାଳିତ

ବଲାଙ୍ଗୀର (ଓଡ଼ିଶା ତାଜା ନ୍ୟୁଜ୍) :- ପବିତ୍ର ମହା ବିଷୁବ ସଂକ୍ରାନ୍ତି,ଶ୍ରୀହନୁମାନ ଜୟନ୍ତୀ ତଥା ଓଡ଼ିଆ ନବ ବର୍ଷ  ଅବସରରେ ସଦର ବ୍ଲକ ଅନ୍ତର୍ଗତ ବାନ୍ଧନଘୋର ଶ୍ରୀରାମ ମନ୍ଦିରରେ ପରିସରରେ  ଶ୍ରୀହନୁମାନ ଜୟନ୍ତୀ  ଉତ୍ସବ ତଥା ପଣା ବଣ୍ଟନ ମହା ସମାରୋହରେ ଅନୁଷ୍ଠିତ ହୋଇ ଯାଇଛି । ଶ୍ରୀରାମ ନବମୀ ଠାରୁ ନଅ ଦିନ ବ୍ୟାପି ଅନୁଷ୍ଠିତ ହୋଇଥବା ଉତ୍ସବ ଆଜି ସମାପ୍ତ ହୋଇଛି । ଏହି ଉପଲକ୍ଷେ ସୁନ୍ଦରା କାଣ୍ଡ  ଗାୟନ କରିଥିଲେ ଇତିଶ୍ରୀ ମିଶ୍ର ।

ସହଯୋଗ କରିଥିଲେ ଦୀପ୍ତିମୟୀ ମିଶ୍ର । ଶ୍ରୀରାମ ମନ୍ଦିର ପରିଚାଳନା କମିଟି ଟ୍ରଷ୍ଟ , ଶ୍ରୀରାମ ସେବା ସମିତି ତଥା ହରି ଓମ ବୋର ୱେଲ ତରଫରୁ ପଣା ବଣ୍ଟନ କରାଯାଇଥିଲା ।ଏହି ଉତ୍ସବରେ ଆଖପାଖ ଗ୍ରାମର ଶତାଧିକ ଲୋକ ଅଂଶ ଗ୍ରହଣ କରିଥିଲେ । କର୍ତ୍ତା ହୋଇଥିଲେ ପ୍ରତାପ ସାହୁ ।  ଉତ୍ସବ ଉପଲକ୍ଷେ ପୂଜା,ହୋମ କଲାପରେ ପ୍ରସାଦ ସେବନ କରାଯାଇଥିଲା । ସନ୍ଧ୍ୟାରେ ଶ୍ରୀରାମ ମନ୍ଦିର ମହିଳା କୀର୍ତ୍ତନ ଦଳ ବୈଠକୀ କୀର୍ତ୍ତନ କରିଥିଲେ।

ଏହା ପରେ  ଓଡିଶା ସରକାରଙ୍କର ଓଡ଼ିଆ ଭାଷା,ସାହିତ୍ୟ ଓ ସଂସ୍କୃତି ବିଭାଗ ତରଫରୁ ଶ୍ରୀରାମ କଲଚରାଲ ଗ୍ରୁପ ଦଳ ଖଞ୍ଜଣି ଭଜନ ପରିବେଷଣ କରିଥିଲେ । କାର୍ଯ୍ୟକ୍ରମ ପରିଚାଳନା କରିଥିଲେ ଟ୍ରଷ୍ଟର ଚେୟାରମ୍ୟାନ ମଳୟ ଆନନ୍ଦ କୁମାର ତ୍ରିପାଠୀ । ସହଯୋଗ କରିଥିଲେ ମୁଖ୍ୟ ପରିଚାଳନା ଟ୍ରଷ୍ଟି ମନ୍ମୟ ଆନନ୍ଦ କୁମାର ତ୍ରିପାଠୀ ।

ଏହା ସହିତ ସତ୍ୟ ଗହୀର,ଚିଙ୍କୁ ପ୍ରଧାନ, ଶ୍ରୀମୟ ତ୍ରିପାଠୀ,ପ୍ରସନ୍ନ ଗହୀର  ମଧ୍ୟ ସକ୍ରିୟ ଅଂଶ ଗ୍ରହଣ କରିଥିଲେ । ପ୍ରକାଶ ଥାଉକି ଗତ ଛଅ ବର୍ଷ ହେଲା ମନ୍ଦିର ପ୍ରତିଷ୍ଠା ହେବା ଦିନ ଠାରୁ ଏହି ଉତ୍ସବ ପାଳନ ହୋଇ ଆସୁଛି ।