ଡକାୟତି ଉଦ୍ୟମ ବେଳେ ମାଡ଼ି ବସିଲା ଖପ୍ରାଖୋଲ ପୋଲିସ : ସାନ ଉଡ଼େନ ଗାଁ ନିକଟ ରୁ ଛଅ ଜଣ ଗିରଫ

୨୫ ଅଗଷ୍ଟ,୨୦୨୪(ଓଡ଼ିଶା ତାଜା ନ୍ୟୁଜ୍ ) ଖପ୍ରାଖୋଲ :-> ବଲାଙ୍ଗୀର ଜିଲ୍ଲା ଖପ୍ରାଖୋଲ ଥାନା ପଡିଆବାହାଲ ପଞ୍ଚାୟତ ସାନ ଭଡେନ ଗାଁ ନିକଟ ଗୋଚର ପାଖରୁ ଛଅ ଜଣକୁ ଖପ୍ରାଖୋଲ ପୋଲିସ ଗିରଫ କରି ରବିବାର କୋର୍ଟ ଚାଲାଣ କରିଥିବା ପୋଲି ସୂଚନା ଦେଇଛି। ଗିରଫ ଅଭିଯୁକ୍ତ ମାନେ ହେଲେ ପାଟଣାଗଡ ଥାନା ପଣ୍ଡାମୁଣ୍ଡା ଗାଁ ର ଉମାକାନ୍ତ ଡିଲା (୨୪), ରଖି ମିର୍ଦ୍ଧା (୨୪), ଅଜୟ ମିର୍ଦ୍ଧା (୨୦), ସୁଜିତ ବରିହା(୨୩), ସୋମନାଥ ମଲ୍ଲିକ (୨୨) ଓ ଗୋପୀନାଥ ମିର୍ଦ୍ଧା (୨୨) ବୋଲି ପୋଲିସ ସୂଚନା ଦେଇଛି।ସୂଚନା ଅନୁସାରେ ଖପ୍ରାଖୋଲ ପୋଲିସ ଶନିବାର ରାତି ରେ ପେଟ୍ରୋ ଲିଙ୍ଗ କଳା ବେଳେ ସାନ ଉଡେନ ଗାଁ ଖେଳପଡିଆ ନିକଟରେ କିଛି ମୋଟର ସାଇକେଲ ସହ ଯୁବକ ମାନେ ଥିବା ଦେଖି ଚଢାଉ କରିଥିଲେ।

ଚଡାଉ ବେଳେ ସେମାନେ ଶାନ୍ତିପୁର ଗାଁ ରେ ଡକାୟତି କରିବାକୁ ଉଦ୍ୟମ କରୁଥିବା ଜାଣି ସମସ୍ତ ଙ୍କୁ ଗିରଫ କରିଥିଲେ। ତାଙ୍କ ଠାରୁ ଏକ ତାବିଲି,ଏକ ଭୁଜାଲି,୪ ଟି ଲୁହା ରଡ଼, ୪ଟି ଠେଙ୍ଗା,୧୦ ଦେଶୀ ମଦପାଉଚ୍, ଗଞ୍ଜେଇ ଚିଲମ ,୪ ଟି ମୋବାଇଲ ସହ ୨ ଟି ମୋଟର ସାଇକେଲ ଜବତ କରିଥିବା ସୂଚନା ମିଳିଛି। ଏନେଇ ଖପ୍ରାଖୋଲ ଥାନା କେସ ନମ୍ବର ୨୦୨/୨୪ ରେ ଏକ ମାମଲା ଭାରତୀୟ ନ୍ୟାୟ ସଂହିତା ର ବିଭିନ୍ନ ଦଫାରେ ଏକ ମାମଲା ରୁଜୁ କରି ସମସ୍ତ ୬ ଜଣକୁ କୋର୍ଟ ଚାଲାଣ କରା ଯାଇ ଘଟଣା ର ତଦନ୍ତ ଚାଲିଥିବା ଥାନା ଅଧିକାରୀ ନରେନ୍ଦ୍ର ଛତର ସୂଚନା ଦେଇଛନ୍ତି ।