ଖପ୍ରାଖୋଲ ରେ ବିଶ୍ୱ ଆଦିବାସି ଦିବସ ପାଳିତ

ଆଦିବାସୀଙ୍କ ସଂସ୍କୃତି, ପରମ୍ପରା କୁ ବଞ୍ଚାଇ ରଖିବାକୁ ସମସ୍ତ ଆଦିବାସୀ ଏକ ହେବାରୁ ଆହ୍ଵାନ, ଶୋଭାଯାତ୍ରା ରେ ଗାଁ ପରିକ୍ରମା ସହ ୧୮ ଦଫା ସମ୍ବଳିତ ଦାବିପତ୍ର ପ୍ରଦାନ

୦୯ ଅଗଷ୍ଟ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଖପ୍ରାଖୋଲ  :->  ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ଆଦିବାସି କଲ୍ୟାଣ ସଂଘ ତରଫରୁ ଶୃକ୍ରବାର ଦିନ ବିଶ୍ଵ ଆଦିବାସୀ ଦିବସ ପାଳିତ ହୋଇଯାଇଛି । ଏହି ଅବସରରେ ଶତାଧିକ ମହିଳା ପୁରସ ସ୍ଥାନୀ ଉପବଜାର ପ୍ରାଙ୍ଗଣ ରେ ଏକତ୍ରିତ ହୋଇଥିଲେ । ଏହି ଅବସରରେ ତନ୍ତ୍ର ଧରୁଆ ଙ୍କ ଅଧ୍ୟକ୍ଷତାରେ ଏକ ପଥପ୍ରାନ୍ତ ସଭା ଅନୁଷ୍ଠିତ ହୋଇଥିବା ବେଳେ ମୁଖ୍ୟଅତିଥି ରୂପେ ବରିଷ୍ଟ ଆଦିବାସୀ ନେତା ସତ୍ୟ ଭୋଇ , ସମ୍ମାନିତ ଅତିଥି ରୂପେ ପଦ୍ମକୁମାର ସିଂ ବରିହା ,

ଚନ୍ଦ୍ରଶେଖର ବରିହା , ନିଳାମ୍ବର ଭୁଏ , ଲକ୍ଷ୍ମୀ ଶବର , ଚୌବନ ମାଝୀ , ଟିକେଶ୍ୱର୍ ଧରୁଆ , ବିପ୍ର ବିଶି ପ୍ରମୁଖ ଯୋଗଦେଇ ଆଦିବାସୀ ମାନଙ୍କ ସଂସ୍କୃତି, ପରମ୍ପରା କୁ ବଞ୍ଚାଇ ରଖିବାକୁ ସମସ୍ତ ଆଦିବାସୀ ସଙ୍ଗଠିତ ହେବାରୁ ଆହ୍ଵାନ ଦେଇଥିଲେ । ଏହାପରେ ପାରମ୍ପାରିକ ଅସ୍ତ୍ର ଶସ୍ତ୍ର ରେ ସଜ୍ଜିତ ହୋଇ ନାଚ ଗୀତ ର ତାନେ ତାନେ ବିଭିନ୍ନ ସ୍ଲୋଗାନ ଦେଇ ଏକ ଶୋଭା ଯାତ୍ରା ଗାଁ ପରିକ୍ରମା କରି ବିଡ଼ିଓ କାର୍ଯ୍ୟାଳୟ ରେ ପହଞ୍ଚି ଥିଲେ ।

ଆଦିବାସୀ ମାନଙ୍କ ବିଭିନ୍ନ ସମାସ୍ୟା ସମ୍ବଳିତ ଏକ ୧୮ ଦଫା ଦାବୀ ପତ୍ର ବିଡ଼ିଓ ବିବେକାନନ୍ଦ ଷଡ଼ଙ୍ଗୀ ଙ୍କୁ ପ୍ରଦାନ କରିଥିଲେ । ଏହି ଅବସରରେ ନିହାର ରଂଜନ ଭୋଇ , ନାରାୟଣ କିଷାନ, ସତ୍ୟଭାମା ମାଝୀ , ଗୁପ୍ତେଶ୍ୱର କୁଅଁର ,, ଶଶିରେଖା ଧରୁଆ , ହେମବତି ମାଝୀ , ଯଦୁମଣି ବରିହା , ମହେଶ ବରିହା ଓ ଶତାଧିକ ଅଧିବାସୀ ମହିଳା ପୁରୁଷ ଯୋଗଦେଇଥିଲେ ।