No Result
View All Result
୧୬ ଜୁଲାଇ ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ପୁରୀ -> ସୋମବାର ମଧ୍ୟରାତ୍ରିରେ ସ୍ଵର୍ଗଦ୍ଵାର ଠାରେ ଶବଦାହ କରିବାକୁ ଆସି କିଛି ସେବାୟତ କାର୍ଯ୍ୟରତ କର୍ମଚାରୀ ମାନଙ୍କୁ ଅଶ୍ରାବ୍ୟ ଭାଷାରେ ଗାଳି ଗୁଲଜ କରିବା ସହିତ ମାରଧର କରିଥିଲେ ,ଏହାକୁ ନେଇ ସ୍ଵର୍ଗଦ୍ଵାର ଠାରେ କିଛି ସମୟ ପାଇଁ ଅଶାନ୍ତ ପରିବେଶ ସୃଷ୍ଟି ହୋଇଥିଲା । ଖବର ନେବାରେ ଜଣାପଡିଛି ଯେ କାଲି ଶ୍ରୀମନ୍ଦିର ସେବାୟତ ବାସୁଦେବ ପୂଜାପଣ୍ଡାଙ୍କ ଅନ୍ତିମ ସଂସ୍କାର ପାଇଁ ସ୍ଵର୍ଗଦ୍ଵାରକୁ ଅଣାଯାଇଥିଲା କିନ୍ତୁ କାଲି ଶବସଂଖ୍ୟା ଅଧିକ ଥିବାରୁ ଶବସଂସ୍କାର ପିଣ୍ଡି ଖାଲି ନଥିଲା। ତେଣୁ ତୁରନ୍ତ ଗୋଟିଏ ପିଣ୍ଡି ସଫା କରାଯାଇ ଯୋଗାଇ ଦିଆ ଯାଇଥିଲା । ସ୍ଵର୍ଗଦ୍ଵାର ମୁଖ୍ୟ ସେବକ ନିଜେ ଉପସ୍ଥିତ ରହି ଏହାର ତଦାରଖ କରିଥିଲେ। କିନ୍ତୁ କିଛି ସେବାୟତ ଏହି ଘଟଣାକୁ ନେଇ ଗଣ୍ଡଗୋଳ କରିବା ସହିତ ଅଫିସ ଭିତରେ ପଶି କର୍ତ୍ତବ୍ୟରତ କର୍ମଚାରୀଙ୍କୁ ଧମକ ଚମକ୍ ଦେବା ସହିତ ମାରଧର କରିଥିଲେ ଓ ସ୍ଵର୍ଗଦ୍ଵାର କେବଳ ସେବାୟତ ମାନଙ୍କର ଏଠି ବାହାର ଲୋକଙ୍କୁ କାହିଁକି ପୋଡ଼ିବାବକୁ ସୁଯୋଗ ଦିଆ ଯାଉଚି ବୋଲି କହିଥିଲେ ।
ଏହାକୁ ନେଇ ଦୀର୍ଘ୍ ସମୟ ଧରି ସ୍ୱର୍ଗଦ୍ୱାରେ ଉତ୍ତେଜନା ଲାଗିରହି ଥିଲା। ପରିସ୍ଥିତ ଅଣାୟତ୍ତ ହେବାରୁ ସ୍ଵର୍ଗଦ୍ଵାର ସେବା କେନ୍ଦ୍ର ତରଫରୁ ପୋଲିସ୍ ଡକା ଯାଇଥିଲା ସି ସି ଟିଭି ଫୁଟେଜ ଯାଞ୍ଚ ପରେ ସଂପୃକ୍ତ ସେବାୟତ ଅଫିସ ଭିତରେ ପସି କରମଚାରୀଙ୍କୁ ଧକାସଂଖିଆ ମାରିଥିବାର ଦେଖା ଯାଇଥିଲା।ଏହା ପରେ ପୋଲିସ ଉପସ୍ଥିତି ରେ ଏଭଳି କାଣ୍ଡ ଭିଆଇଥିବା ସେବାୟତ ଉପସ୍ଥିତ କର୍ମଚାରୀଙ୍କୁ ଭୁଲ ମାଗିଲା ପରେ ପରିସ୍ଥିତ ଶାନ୍ତ ହେଇଥିଲା।
କାଲି ବାହୁଡ଼ା ଯାତ୍ରା ଥିବାରୁ ଉପରିସ୍ଥ ଅଧିକାରୀଙ୍କୁ ବ୍ୟସ୍ତ ଥିବା ଯୋଗୁଁ ଆଜି ଏ ସମ୍ପର୍କରେ ସ୍ଵର୍ଗଦ୍ଵାର ସେବା ସମିତି ଅଧ୍ୟକ୍ଷ ତଥା ପୁରୀ ଜିଲାପାଳଙ୍କୁ ଏହି ଘଟଣା ସମ୍ପର୍କରେ ଅବଗତ କରାଯାଇଥିଲା ସମ୍ପୂର୍ଣ ଘଟଣା ସମ୍ପର୍କରେ ଜାଣିବା ପରେ ଆଗକୁ ଏଭଳି ଘଟଣା ଘଟିଲେ ଗଣ୍ଡଗୋଳ କରିଥିବା ବ୍ୟକ୍ତି ବିଶେଷଙ୍କୁ ବିରୁଦ୍ଧରେ ତୁରନ୍ତ ଆଇନ ଗତ କାର୍ଯ୍ୟାନୁଷ୍ଠାନ (ଏଫ୍ ଆଈ ଆର୍) କରିବା ପାଇଁ ଜିଲ୍ଲା ପାଳ ଶ୍ରୀ ସିଦ୍ଧାର୍ଥ ଶଙ୍କର ସ୍ୱାଇଁ ସ୍ଵର୍ଗଦ୍ଵାର ସେବା କେନ୍ଦ୍ରକୁ କଡା ଆଦେଶ ଦେଇଛନ୍ତି ।ସେହି ପରି ସ୍ଵର୍ଗଦ୍ଵାର ସୁରକ୍ଷା ବ୍ୟବସ୍ଥାକୁ ଅଧିକ ମଜଭୁତ କରିବା ପାଇଁ ଅଧିକ ସି ସି ଟିଭି କେମେରା ଲଗାଇବାର ବ୍ୟବସ୍ଥା ହେଉଛି ବୋଲି ସ୍ଵର୍ଗଦ୍ଵାର ସେବା ସମିତିର ପରିଚାଳନା କମିଟି ସଦସ୍ୟ ସିଦ୍ଧାର୍ଥ ରାୟ କହିଛନ୍ତି।ସ୍ଵର୍ଗଦ୍ଵାର ଏକ ପବିତ୍ର ସ୍ଥାନ ହୋଇ ଥିବାରୁ ଏହାର ଗାରିମା ଓ ପବିତ୍ରତା ପ୍ରତି ଦୃଷ୍ଟି ଦେବା ସମସ୍ତଙ୍କୁ କର୍ତ୍ତବ୍ୟ ବୋଲି ସ୍ଵର୍ଗଦ୍ଵାର ସେବା ସମିତି ଆବାହକ ସମ୍ପାଦକ ତଥା ଉପଜିଲ୍ଲାପାଳ ଗୋପୀନାଥ କୁଅଁର କହିବା ସହିତ କୌଣସି ପ୍ରକାର ଗଣ୍ଡଗୋଳ ବା ଗଣ୍ଡଗୋଳ କାରୀଙ୍କୁ ହାଲ୍କା ରେ ନିଆଯିବ ନାହିଁ ବୋଲି କହିଛନ୍ତି ।
No Result
View All Result
