ଭଗବତପାଦ ଆଦି ଶଙ୍କରାଚାର୍ୟ ଜୟନ୍ତୀ ଉତ୍ସବ ପାଳନ ନିମନ୍ତେ ଜିଲ୍ଲା ପ୍ରଶାସନ ଓ ଗୋବର୍ଦ୍ଧନ ପୀଠରେ ସମନ୍ଵୟ ବୈଠକ

୦୯ ଏପ୍ରିଲ , ୨୦୨୪ (ଓଡ଼ିଶା ତାଜା ନ୍ୟୁଜ୍ ) ପୁରୀ :->୯/୫ରିଖ ଶ୍ରୀମଦ୍ ଭଗବତପାଦ ଆଦି ଶଙ୍କରାଚାର୍ୟ ମହାଭାଗଙ୍କ ୨୫୩୧ତମ ଜନ୍ମଜୟନ୍ତୀ ଉତ୍ସବର ଅବ୍ୟବହିତ ପୂର୍ବରୁ ଏକ ସମନ୍ଵୟ ବୈଠକ ଉପ ଜିଲ୍ଲାପାଳ ଶ୍ରୀ ଗୋପିନାଥ କୁଅଁର ଙ୍କ ଅଧ୍ୟକ୍ଷତାରେ ତାଙ୍କ କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି l ଏହି ଉତ୍ସବ କିଭଳି ଶାନ୍ତି ଶୃଙ୍ଖଳାର ସହିତ ପାଳିତ ହେବା ସହ ନଗର ପରିକ୍ରମା ଶୋଭାଯାତ୍ରାରେ ଯେପରି କୌଣସି ବାଧାବିଘ୍ନ ନରହେ ସେଥିପାଇଁ ବିଶେଷ ଧ୍ୟାନ ଦେବାକୁ ନିର୍ଦ୍ଦେଶ ଦିଆଯାଇଛି l ଏହି ବୈଠକରେ ଜିଲ୍ଲା ପୌର ଅଧିକାରୀ, ସୂଚନା ଓ ଲୋକସମ୍ପର୍କ ଅଧିକାରୀ, ଜିଲ୍ଲା ସଂସ୍କୃତି ଅଧିକାରୀ, ଟାଟା ପାୱାର, ୱାଟକୋ , ଅଗ୍ନିଶ୍ରମ ବାହିନୀ ଓ ସ୍ୱାସ୍ଥ୍ୟ ବିଭାଗର ଅଧିକାରୀଙ୍କ ସମେତ ଗୋବର୍ଦ୍ଧନ ପୀଠ ତରଫରୁ ଶ୍ରୀ ପୂର୍ଣ୍ଣଚନ୍ଦ୍ର ଖୁଣ୍ଟିଆ, ଶ୍ରୀ ଦେବାଶିଷ ମିଶ୍ର, ଶ୍ରୀ ସୂୟଶ କୁମାର, ଶ୍ରୀ ତନ୍ମୟ ଚାଟାର୍ଜୀ, ଶ୍ରୀ କୁମାର ଭୀମସେନ ଓ ରାଜ୍ୟ ଶଙ୍କର ଜୟନ୍ତୀ ସମାରୋହ ସମିତି ର ସମ୍ପାଦକ ଶ୍ରୀ ବିଶ୍ଵଶାନ୍ତି ତ୍ରିପାଠୀ ଉପସ୍ଥିତ ଥିଲେ l