ଗାଁ ମହୋତ୍ସବ ହରିକେଶର : 2024 ଉଦଘାଟିତ 

୨୬ ଫେବୃଆରୀ ୨୦୨୪ (ଓଡିଶା ତାଜ଼ା ନ୍ୟୁଜ) ବୋଲଗଡ଼  :-> ଖୋର୍ଦ୍ଧାଜିଲ୍ଲା ବୋଲଗଡ଼ ବ୍ଲକ ବଡ଼କୁମାରୀ ପଞ୍ଚାୟତ ଅନ୍ତର୍ଗତ ହରିକେଶର ଗାଁ ର ,କଳା,ସାହିତ୍ୟ,ସଂସ୍କୃତି, ଐତିହ୍ୟ ଓ଼ ଶସ୍ୟଶ୍ୟାମଳା ଭରା କୃଷିକ୍ଷେତ୍ର ହରିକେଶର ଗାଁ ମହୋତ୍ସବ ସୋମବାର ଦିନ ଉଦଘାଟିତ ହୋଇଯାଇଅଛି ! ଏହି ଗାଁ ମହୋତ୍ସଚ କମିଟି ସଭାପତି ପ୍ରକାଶ ଚନ୍ଦ୍ର ରାଉତରାୟ ପୌରୋହିତ୍ୟ କରିଥିବାବେଳେ କମିଟି ସଂଯୋଜକ ଅଖିଳେଶ ମହାପାତ୍ର ଓ଼ ମନୋଜ ପଣ୍ଡା ଅତିଥି ପରିଚୟ ପ୍ରଦାନ କରିଥିଲେ !

ଏହି ମହୋତ୍ସବରେ ମୁଖ୍ୟ ଅତିଥିଭାବେ ବଡ଼କୁମାରୀ ଗ୍ରାମ ପଞ୍ଚାୟତ ସରପଞ୍ଚ ତଥା ଖୋର୍ଦ୍ଧା ଜିଲ୍ଲା ବିଜେଡି ଉପସଭାପତି ପ୍ରଫୁଲ କୁମାର ପ୍ରଧାନ ମୁଖ୍ୟ ବକ୍ତାଭାବେ ବଡ଼କୁମାରୀ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ସ୍ୱପନେଶ୍ୱର ବେହେରା, ଓ଼ ସମ୍ମାନୀତ ଅତିଥିଭାବେ ଶିକ୍ଷକ ବସନ୍ତ କୁମାର ଉତ୍ତର କବାଟ, ବ୍ଲକ ବିଜେଡି ମହିଳା ସଭାନେତ୍ରୀ ପ୍ରଭାତୀ ରାଉତରାୟ,

ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ମଳୟ ପଣ୍ଡା ଓ଼ ହାସ୍ୟ ଅଭିନେତା ବୋଲଗଡ଼ଏକ୍ସ ପ୍ରେସ ବ୍ରଜବିହାରୀ ସୁବୁଦ୍ଧି ପ୍ରମୁଖ ଯୋଗଦେଇ ଜଗତରନାଥ ଜଗନ୍ନାଥଙ୍କ ପ୍ରତିମୃତ୍ତିରେ ଫୁଲ ଓ଼ ଚନ୍ଦନ ଦେଇ ପ୍ରଦୀପ ପ୍ରଜ୍ବଳନ କରି ଏହାକୁ ଶୁଭ ଉଦଘାଟନ କରିଥିଲେ ! ମହୋତ୍ସବ ପ୍ରାରମ୍ଭରେ ଛାତ୍ରୀମାନେ ସ୍ୱାଗତ ସଂଗୀତ ପରିବେଷଣ କରିଥିଲେ ଓ଼ ସଭାପତି ପ୍ରକାଶ ଚନ୍ଦ୍ର ରାଉତରାୟ ସ୍ୱାଗତ ଭାଷଣ ଦେଇ ଗାଁ ମହୋତ୍ସବ ହରିକେଶର ସମ୍ପର୍କରେ ସୂଚନା ଦେଇଥିଲେ !

ବିଭିନ୍ନ କଳାକାରମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମମାନ ଅନୁଷ୍ଠିତ ହୋଇଥିଲା ! ଶିକ୍ଷକ ତଥା ନାଟ୍ୟନିର୍ଦ୍ଧେଶକ ବସନ୍ତ ଉତ୍ତର କବାଟକୁ ମାନପତ୍ର, ଉତ୍ତରୀୟ, ଓ଼ ଫୁଲତୋଡ଼ା ଦେଇ ସମ୍ବର୍ଦ୍ଧିତ କରାଯାଇଥିଲା ! ପରିଶେଷରେ କମିଟି ସଂଯୋଜକ ଅଖିଳେଶ ମହାପାତ୍ର ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ! ଏହି ମହୋତ୍ସବକୁ ବହୁ ଦର୍ଶକ ମନଭରି ଉପଭୋଗ କରିଥିଲେ !