<h4><strong><span style="color: #ff0000;">୧୫ ଫେବୃଆରୀ ୨୦୨୪ (ଓଡିଶା ତାଜ଼ା ନ୍ୟୁଜ) ହିଞ୍ଜିଳିକାଟୁ :-</span> ଗତ କିଛି ଦିନ ତଳେ ଶେରଗଡ଼ ତହସିଲ ତଥା ଆସିକା ଥାନା ଅଧୀନରେ ଥିବା ପାକିଡି ବାଲି ଶଯ୍ୟାରୁ ବେଆଇନ ଭାବେ ବାଲି ଉତ୍ତୋଳନ ଓ ପରିବହନ ହେଉଥିବା ନେଇ ଗୁଡ଼ିସର ଗ୍ରାମର କିଛି ମୁଷ୍ଟିମେୟ ବ୍ୟକ୍ତି ପ୍ରଶାସନ ନିକଟରେ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତିକରି ଜିଲ୍ଲା ଲଘୁ ଖଣିଜ ବିଭାଗ, ଆସିକା ପୋଲିସ ଥାନା ଅଧିକାରୀ ଏବଂ ଶେରଗଡ଼ ତହସିଲ କାର୍ଯ୍ୟାଳୟ ପକ୍ଷରୁ ଏହାର ତଦନ୍ତ କରାଯାଇଛି। ଗୁରୁବାର ଜିଲ୍ଲା ଖଣିଜ ଅଧିକାରୀ ଅକ୍ଷୟ କୁମାର ସାମଲ, ଆସିକା ଥାନା ଭାରପ୍ରାପ୍ତ ଅଧିକାରୀ ଆର୍.ଏନ୍ ପଟ୍ଟନାୟକ, ରାଜସ୍ୱ ପରିଦର୍ଶକ ପ୍ରଭାକର ଗୌଡ଼,ପିତଳ ରାଜସ୍ୱ ନିରୀକ୍ଷକ ମଧୁସୂଦନ ବିଷୋୟୀ ପ୍ରମୁଖ ପାକିଡି ବାଲି ଶଯ୍ୟା ନିକଟରେ ପହଞ୍ଚି ଅଭିଯୋଗର ସତ୍ୟତା ଅଛି କି ନାହିଁ ନିରପେକ୍ଷ ତଥା ମିଳିତ ତଦନ୍ତ ଆରମ୍ଭ କରିଥିଲେ।</strong><img class="alignnone wp-image-135371" src="https://odishatazanews.com/wp-content/uploads/2024/02/ganjam-2-1-300x169.jpg" alt="" width="815" height="459" /><strong>ଅଧିକାରୀ ମାନେ ଲିଜଧାରୀଙ୍କୁ ପ୍ରଦାନ କରାଯାଇ ଥିବା ସମସ୍ତ ଦଲିଲ ପତ୍ର,ମଞ୍ଜୁରୀ ଓ ଅନୁମତି ପାଇଥିବା ପରିମିତ ଅଞ୍ଚଳର ଭୁ-ନକ୍ସା,ସିମେଣ୍ଟ ଖୁଣ୍ଟ ଓ ଉତ୍ତୋଳନ ସ୍ଥଳ ସହ ବାଲି ପ ରିବହନ ହେଉଥିବା ରାସ୍ତା ବୁଲି ଦେଖିବା ସହ ଅଭିଯୋଗର ପୁଙ୍ଖାନୁପୁଙ୍ଖ ଅନୁଧ୍ୟାନ ଓ ତଦନ୍ତ କରିଥିଲେ। ସରକାରୀ ନିର୍ଦ୍ଦେଶନାମା,ସର୍ତ୍ତାବଳୀ ସହ ସମସ୍ତ ନୀତିନିୟମ ଅନୁସାରେ ଲିଜଧାରୀ ପାକିଡି ବାଲି ଶଯ୍ୟାରୁ ବାଲି ଉତ୍ତୋଳନ ହେଉଥିବା ନେଇ ସନ୍ତୋଷ ପ୍ରକାଶ କରିଥିଲେ। ନିର୍ଦ୍ଧାରିତ ଅଞ୍ଚଳ ବାହାରେ ହେଉଥିବା ବାଲି ଉତ୍ତୋଳନ ଏଵଂ ପରିବହନ ନେଇ ଉଠିଥିବା ଅଭିଯୋଗର କୌଣସି ବାସ୍ତବତା ଓ ସତ୍ୟତା ନାହିଁ ବୋଲି ତଦନ୍ତ କରୁଥିବା ଅଧିକାରୀ ମାନେ ସୂଚନା ଦେଇଥିଲେ। ଅନ୍ୟ ଏକ ପ୍ରସଙ୍ଗ ହେଲା, </strong><img class="alignnone wp-image-135370" src="https://odishatazanews.com/wp-content/uploads/2024/02/ganjam-1-300x169.jpg" alt="" width="863" height="486" /><strong>ଯେଉଁ କିଛି ମୁଷ୍ଟିମେୟ ବ୍ୟକ୍ତି ଏଭଳି ବିବାଦୀୟ ପ୍ରସଙ୍ଗ ଉପରେ ଅଭିଯୋଗ ଉତଥାପନ କରିଥିଲେ ମିଳିତ ତଦନ୍ତ ବେଳେ ସେମାନଙ୍କ ଅନୁପସ୍ଥିତି ଦେଖିବାକୁ ମିଳିଥିଲା। </strong><strong>ସୂଚନା ଯୋଗ୍ୟ ଗତ ଜାନୁଆରୀ ୯ ତାରିଖରେ ଏଭଳି ଏକ ଅଭିଯୋଗ ଉପରେ ବିଭାଗୀୟ ଅଧିକାରୀ ମାନେ କ୍ଷେତ୍ର ପରିଦର୍ଶନ କରି ତଦନ୍ତ ଆରମ୍ଭ କରିଥିଲେ। ଅଭିଯୋଗକାରୀ ମାନେ ସେତେବେଳେ ମଧ୍ୟ ଅନୁପସ୍ଥିତ ଥିବା ଦେଖିବାକୁ ମିଳିଥିଲା। ଏଭଳି ଭିତ୍ତିହୀନ ଅଭିଯୋଗ ନେଇ ସାଧାରଣରେ ପ୍ରତିକ୍ରିୟା ପ୍ରକାଶ ପାଇଛି। କିଛି ମୁଷ୍ଟିମେୟ ବ୍ୟକ୍ତି ପ୍ରଶାସନକୁ ବିଭ୍ରାନ୍ତି କରିବା ସହ ନିଜ ସ୍ୱାର୍ଥ ହାସଲ ଦିଗରେ ଏଭଳି ମନ୍ଦ ଉଦ୍ଦେଶ୍ୟରେ ଷଡ଼ଯନ୍ତ୍ର ରଚୁଥିବା ଜଣାପଡ଼ିଛି।</strong><img class="alignnone wp-image-111108" src="https://odishatazanews.com/wp-content/uploads/2023/06/odisha-tazanews-hinjili-300x70.jpg" alt="" width="891" height="208" /> <img class="alignnone wp-image-111284" src="https://odishatazanews.com/wp-content/uploads/2023/06/ranpur-55-300x111.jpg" alt="" width="1030" height="381" /></h4>