ଏମ୍. କେ. ସି ଜି ସ୍ବତନ୍ତ୍ର ବିଦ୍ୟାଳୟ ଜିଲ୍ଲା ଦୌରାଜର୍ଜଙ୍କ ମାସିକ ପରିଦର୍ଶନ

୫ ଫେବୃଆରୀ ୨୦୨୪ (ଓଡିଶା ତାଜା ନ୍ୟୁଜ) ଆର,ଉଦୟଗିରି :- ଗଜପତି ଜିଲ୍ଲା ମୋହନା ସ୍ଥିତ ମହାରାଜା କୃଷ୍ଣଚନ୍ଦ୍ର ଗଜପତି ଦୃଢିହୀନ, ବଧିର, ମାନସିକ ଅନଗ୍ରସର ଓ ମସ୍ତିଷ୍କ ପକ୍ଷାଘାତ ସ୍ବତନ୍ତ୍ର ବିଦ୍ୟାଳୟ କୁ ଶନିବାର ଦିବା ୨ ଘଣ୍ଟିକା ସମୟରେ ମାସିକିଆ ପରିଦର୍ଶନରେ ଜିଲ୍ଲା ଦୌରାଜର୍ଜ୍ ବି. ଏମ୍. ବେହେରା ଓ ତାଙ୍କର ଅଧସ୍ତନ କର୍ମଚାରୀ ଶ୍ରୀ ସେନାପତି ଆସିଥିଲେ । ବିଦ୍ୟାଳୟ ସମ୍ପାଦକ ଶ୍ରୀ ଦଣ୍ଡାସି ସାହୁଙ୍କ ସହ ଅନୁଷ୍ଠାନ ବିଷୟରେ ଆଲୋଚନା କରିବା ପରେ ଶ୍ରୀ ବେହେରା ହଷ୍ଟେଲ ଗୁଡିକ ବୁଲି ଦେଖିଥିଲେ । ଅନୁଷ୍ଠାନର ଆବଶ୍ୟକୀୟ କାଗଜପତ୍ର ଶ୍ରୀ ବେହେରା ତଦାରଖ କରିଥିଲେ । ଏଥିସହ ସେ ଛାତ୍ରଛାତ୍ରୀ ଓ କର୍ମଚାରୀଙ୍କ ବିଷୟରେ ଅଧ୍ୟକ୍ଷ ଶ୍ରୀ ଦାମୋଦାର ଦାସଙ୍କ ସହ ଆଲୋଚନା କରିଥିଲେ ।