୩ ଡିସେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) ବେଗୁନିଆ-ସିକୋ :-> ବେଗୁନିଆ ବ୍ଲକ ସମିତି ସ୍କୁଲ ପରିସରରେ ୨୫ ତମ ଆନ୍ତର୍ଜାତିକ ଭିନ୍ନକ୍ଷମ ଦିବସ ପାଳିତ ହୋଇଯାଇଛି। ଆୟୋଜକ ଆଇନ ସ୍ଵେଚ୍ଛାସେବୀ ସଂଗଠନ ର ପୂର୍ଣ୍ଣ ସହଯୋଗ ରେ ଆୟୋଜିତ କାର୍ଯ୍ୟକ୍ରମ ରେ ଶିକ୍ଷକ ଲକ୍ଷ୍ମୀଧର ମହାପାତ୍ର ଅଧ୍ୟକ୍ଷତା କରିଥିବା ବେଳେ ସମ୍ବାଦ ସାହିତ୍ୟ ଘରର ସଭାପତି ଶ୍ରୀ ସୁଧାକର ସାମନ୍ତରାୟ , ମୁଖ୍ୟ ଅତିଥି ଶିକ୍ଷକ ଶ୍ରୀ ପ୍ରତାପ କୁମାର ପୃଷ୍ଟି ,
ମୁଖ୍ୟ ବକ୍ତା ଶ୍ରୀ କେଦାର ବଳୀୟାରସିଂହ, ତ୍ରିଲୋଚନ ବାଘସିଂହ ,ସାମ୍ବାଦିକ ରଘୁସାହୁ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ । କାର୍ଯ୍ୟକ୍ରମ ପ୍ରାରମ୍ଭରେ ୧୦୦ ଜଣ ଭିନ୍ନକ୍ଷମ ବାଧିତ ପିଲାମାନଙ୍କୁ ନେଇ ପଦ ଯାତ୍ରା , ବୃକ୍ଷରୋପଣ ଓ ବିଭିନ୍ନ ବିଭାଗରେ ପ୍ରତିଯୋଗିତା ର ଆୟୋଜନ କରାଯାଇଥିଲା ।
କୃତି ପ୍ରତିଯୋଗୀ ମାନଙ୍କୁ ଆଇନ ତରଫରୁ ସମ୍ମାନିତ କରାଯାଇଥିଲା । ଏହି କାର୍ଯ୍ୟକ୍ରମ କୁ ଅଭିଲିପ୍ସା ପ୍ରିୟଦର୍ଶିନୀ, ଶୁଭସ୍ମିତା କପିଲ ଆଦି ସ୍ଵେଚ୍ଛାସେବୀ ପରିଚାଳନା କରିଥିଲେ । ପ୍ରଦୀପ ପ୍ରଜ୍ଜ୍ୱଳନ ପୂର୍ବକ ମଞ୍ଚ ଉଦଘାଟନ ପରେ ମଞ୍ଚାଶିନ ଅତିଥି ମାନେ ବକ୍ତବ୍ୟ ରଖିଥିଲେ। ଶେଷରେ ପ୍ରିୟଦର୍ଶିନୀ ଭଉଣି ଧନ୍ୟବାଦ ଅର୍ପଣ କରିଥିଲେ ।
