୧୦ ଅଗଷ୍ଟ ୨୦୨୩ ( ଓଡ଼ିଶା ତାଜାନ୍ୟୁଜ୍ ) ମାହାଙ୍ଗା :-> ମଙ୍ଗଳବାର କଟକ ବାଲିଯାତ୍ରା ପଡ଼ିଆରେ କଟକ ଜିଲ୍ଲାର ସମସ୍ତ ସରକାରୀ ଓ ବେସରକାରୀ ହାୟର ସେକେଣ୍ଡାରୀ ସ୍କୁଲ ଓ କଲେଜ ର ଛାତ୍ରଛାତ୍ରୀ ମାନେ 5T ସଚିବ ଙ୍କ ସ୍ୱତନ୍ତ୍ର କାର୍ଯ୍ୟକ୍ରମ ରେ ଯୋଗଦେଇଥିଲେ । ଏହି କାର୍ଯ୍ୟକ୍ରମ ର ଉଦ୍ଦେଶ୍ୟ ଥିଲା 5T ସଚିବ ପିଲା ମାନଙ୍କ ସହ ସିଧା ଆଲୋଚନା କରି ଅଭିଯୋଗ ଗ୍ରହଣ କରି ପିଲାମାନଙ୍କ ଠାରୁ ସେମାନଙ୍କ ଅନୁଷ୍ଠାନ ର ବିଭିନ୍ନ ସମସ୍ୟା ଶୁଣି ଓ ସ୍କୁଲ , କଲେଜ ର ଭିତ୍ତିଭୂମି ବିକାଶ ପାଇଁ ଅନୁଦାନ ଘୋଷଣା କରିବେ । ଯାହା ବର୍ତ୍ତମାନ ସୁଦ୍ଧା ଓଡ଼ିଶା ସରକାର ଙ୍କ ଦ୍ଵାରା ନିଆଯାଇଥିବା ଏକ ଉଲ୍ଲେଖନୀୟ ସ୍ୱାଗତ ଯୋଗ୍ୟ ପଦକ୍ଷେପ ।
ଏହି କାର୍ଯ୍ୟକ୍ରମ ରେ ସଚିବ ଙ୍କ ଘୋଷଣା ଅନୁଯାୟୀ କଟକ ଜିଲ୍ଲା ମାହାଙ୍ଗା ନିର୍ବାଚନ ମଣ୍ଡଳୀ ଅଧୀନରେ ଥିବା ମାହାଙ୍ଗା ବ୍ଲକ ହେଡକ୍ୱାଟର କଲେଜ ଜବାହରଲାଲ ନେହେରୁ ମହାବିଦ୍ୟାଳୟ ଓ ହାୟର ସେକେଣ୍ଡାରୀ ସ୍କୁଲ କୁ ମୁଖ୍ୟମନ୍ତ୍ରୀ ସ୍ୱତନ୍ତ୍ର ସହାୟତା ଯୋଜନା ରେ ମାତ୍ର ସ୍ୱଳ୍ପ ଅର୍ଥ ୨୫ ଲକ୍ଷ ଟଙ୍କା ମଞ୍ଜୁର କରାଯାଇଥିବାରୁ ସାଧାରଣ ରେ ଅସନ୍ତୋଷ ପ୍ରକାଶ ପାଇବା ସହ ଭିତ୍ତିଭୂମିର ବିକାଶ ପାଇଁ ଅଧିକ ଅର୍ଥ ମଞ୍ଜୁର କରିବାକୁ ଦାବି ଜୋର ଧରିଛି । ମହାବିଦ୍ୟାଳୟ ରେ ଛାତ୍ରଛାତ୍ରୀ ମାନଙ୍କ ର ଅନେକ ସମସ୍ୟା ରହିଛି ଯେମିତିକି କ୍ଲାସ ରୁମ , ସ୍ମାର୍ଟ କ୍ଲାସ ରୁମ , ଅନୁସୂଚିତ ଜାତି ଓ ଜନଜାତି ପିଲା ମାନଙ୍କ ହଷ୍ଟେଲ , ଛାତ୍ରୀ ହଷ୍ଟେଲ , ମାଗଣା ଇଣ୍ଟରନେଟ , ଅତ୍ୟାଧୁନିକ ପାଠାଗାର ଓ ୟୁରିନାଲ ଇତ୍ୟାଦି ।
ଜବାହରଲାଲ ନେହେରୁ ମହାବିଦ୍ୟାଳୟ ମାହାଙ୍ଗା ଅଞ୍ଚଳ ର ଏକ ଅଗ୍ରଣୀ ଶିକ୍ଷାନୁଷ୍ଠାନ ,ଯେଉଁ ଅନୁଷ୍ଠାନରେ ୨୦୦୦ ରୁ ଅଧିକ ଗ୍ରାମାଞ୍ଚଳ ର ଛାତ୍ରଛାତ୍ରୀ ମାନେ ଏଠାରେ ଉଚ୍ଚଶିକ୍ଷା ପାଇଁ ନିର୍ଭରଶୀଳ ହୋଇ ଶିକ୍ଷା ଗ୍ରହଣ କରୁଛନ୍ତି । ସୂଚନା ଥାଉକି ମହାବିଦ୍ୟାଳୟ ନାକ କମିଟି ଦ୍ୱାରା B ଗ୍ରେଡ ମାନ୍ୟତା ଲାଭ କରିଛି । ଏବଂ ଉପରୋକ୍ତ ସମସ୍ୟା କୁ ଆଖିଆଗରେ ରଖିଲେ ୨୫ ଲକ୍ଷ ଟଙ୍କା ସମୁଦ୍ରକୁ ଶଙ୍ଖେ ପରି ମନେହୁଏ ବୋଲି ମାହାଙ୍ଗା ଅଂଚଳର ବୁଦ୍ଧିଜୀବୀ ମାନେ ମତପୋଷଣ କରିଛନ୍ତି । ତେଣୁ ମହାବିଦ୍ୟାଳୟ ର ବିକାଶ ନିମନ୍ତେ ପ୍ରଦାନ କରାଯାଇଥିବା ଅର୍ଥରାଶି ର ପରିମାଣ ବୃଦ୍ଧି କରାଗଲେ ମାନ୍ୟବର ପ୍ରିୟ ମୁଖ୍ୟମନ୍ତ୍ରୀ ଓ 5T ସଚିବ ଏବଂ ମାହାଙ୍ଗା ବିଧାୟକଙ୍କ ପାଖରେ ଅଞ୍ଚଳବାସୀ କୃତଜ୍ଞ ରହିବେ ।
