୨୨ ଜୁଲାଇ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) କଟକ :- କଟକ ଯୋବ୍ରା ବ୍ୟାରେଜ ନିକଟରୁ ଆଜି ଏକ ଅଚିହ୍ନା ମୃତଦେହ ଉଦ୍ଧାର ହୋଇଛି । ଏହି ଅଚିହ୍ନା ମୃତଦେହ ବବଲୁ ବେହେରାର ବୋଲି କୁହାଯାଉଛି । ଶୁକ୍ରବାର ଦିନ କଟକ କ୍ୟାଣ୍ଟନମେଣ୍ଟ ଥାନାରୁ ବବୁଲ ଚମ୍ପଟ ମାରିବା ପରେ , ମହାନଦୀକୁ ଡେଇଁ ପଡିଥିଲା ।
ମୋବାଇଲ ଚୋରି ଅଭିଯୋଗରେ ବବଲୁକୁ ପଚରାଉଚରା ପାଇଁ କ୍ୟାଣ୍ଟେନମେଣ୍ଟ ଥାନା ପୁଲିସ ବବୁଲକୁ ଘରୁ ଉଠାଇ ଆଣିଥିଲା । ଥାନାରୁ ଅଭିଯୁକ୍ତ ବବଲୁ ପୋଲିସକୁ ଚକମା ଦେଇ ଫେରାର ହୋଇଯାଇଥିଲା ।
ତେବେ ପୋଲିସ ଉପସ୍ଥିତିରେ ଥାନା ଭିତରୁ କେମିତି ଅଭିଯୁକ୍ତ ଫେରାର ହେଲା ତାକୁ ନେଇ ପ୍ରଶ୍ନ ଉଠିଥିବା ବେଳେ ବବଲୁର ମୃତଦେହ ଉଦ୍ଧାର ହେବା, ଘଟଣାକୁ ଆହୁରି ରହସ୍ୟ ଘେରକୁ ନେଇଯାଇଛି ।
