କଟକ (ଓଡିଶା ତାଜା ନ୍ୟୁଜ) ନି. ପ୍ର :- ଓଡ଼ିଶା ପୋଲିସ୍ ର ନିୟମକୁ ଆଧାର କରି ଓଡ଼ିଶା ର ସମସ୍ତ ବାଟାଲିୟନ ରେ ପ୍ରତିଟି ସୋମବାର ସକାଳ ସମୟରେ ଏକ ସମ୍ମିଳିତ ପ୍ୟାରେଡର ଆୟୋଜନ କରାଯାଇଥାଏ। ଏହି ପ୍ୟାରେଡ୍ କୁ ପୋଲିସ୍ ବିଭାଗ ର ଭାଷା ଅନୁଯାୟୀ “ସେରିମୋନିଆଲ୍ ପ୍ୟାରେଡ୍” କୁହାଯାଏ। ଏହି ପ୍ୟାରେଡ୍ କାର୍ଯ୍ୟକ୍ରମ ରେ ପ୍ରତିଟି ବାଟାଲିୟନ ର ସମସ୍ତ କର୍ମଚାରୀ ଯୋଗଦେବା ସହ ମିଳିତ ପ୍ୟାରେଡରେ ନିଜର ଦୂର୍ଗପତି ଙ୍କୁ ସାଲ୍ଯୁଟ୍ ମାଧ୍ୟମରେ ସମ୍ମାନ ପୂର୍ବକ ଅଭିବାଦନ ଜଣାଇ ଥାଆନ୍ତି।
ଏହି ପରିପ୍ରେକ୍ଷୀରେ ଆଜି କଟକ ର ୬ଷ୍ଠ ବାଟାଲିୟନ ପରିସର ରେ ହେଉଥିବା ଏହି ପ୍ୟାରେଡ୍ ର କିଛି ଝଲକ ଆମେ ଆମ କ୍ୟାମେରା ରେ ସଂଗ୍ରହ କରିଥିଲୁ। କଟକ ୬ଷ୍ଠ ବାଟାଲିୟନ ର ଦୂର୍ଗପତି ଶ୍ରୀ ସୂର୍ଯ୍ୟନାରାୟଣ ମଲ୍ଲିକ ଏହି “ସେରିମୋନିଆଲ୍ ପ୍ୟାରେଡ୍” ରେ ଉପସ୍ଥିତ ରହି ସହକାରୀ ଦୂର୍ଗପତି ଶ୍ରୀ ମାନ୍ଧାତା ସାଇ ଙ୍କ ନିର୍ଦ୍ଦେଶରେ ଏହି ପ୍ୟାରେଡ୍ ରେ ବାଟାଲିୟନ ର ସମସ୍ତ ଅଧିକାରୀ ଓ ପୋଲିସ୍ ବାହିନୀ ର ସମ୍ମିଳିତ ଅପୂର୍ବ ପ୍ୟାରେଡକୁ ଦେଖୂବା ସହ ଅଭିବାଦନ ଗ୍ରହଣ କରିଥିଲେ।
ପ୍ରକାଶ ଥାଉକି, ଦୂର୍ଗପତି ଶ୍ରୀ ମଲ୍ଲିକ ଚଳିତ ମାସରେ ପୋଲିସ୍ ବିଭାଗ ରୁ ଅବସର ନେବାକୁ ଯାଉଛନ୍ତି। ପୋଲିସ୍ ବିଭାଗ ରେ ନିଯୁକ୍ତି ପାଇବା ଠାରୁ ଶ୍ରୀ ମଲ୍ଲିକ ନିଜର କର୍ତ୍ତବ୍ୟନିଷ୍ଠା ଓ ସେବା ଲାଗି ବିଭିନ୍ନ ପୁରସ୍କାର ଯଥା ଶ୍ରେଷ୍ଠ ପୋଲିସ୍ ସେବା ଲାଗି “ରାଜ୍ୟପାଳ ପୁରସ୍କାର”, ମହାମହିମ “ରାଷ୍ଟ୍ରପତି ପୁରସ୍କାର” ହାସଲ କରିବା ସହ କଟକ ର ୬ଷ୍ଠ ବାଟାଲିୟନ କୁ ସବୁ ପ୍ରତିଯୋଗିତା କ୍ଷେତ୍ରରେ ଶ୍ରେଷ୍ଠତ୍ଵ କରିବାରେ ନିଜର ପରାକାଷ୍ଠା ଦେଖାଇପାରିଛନ୍ତି।
ସବୁଠାରୁ ବଡ଼ ରହସ୍ୟମୟ ବିଷୟ ଯେ, ଶ୍ରୀ ମଲ୍ଲିକ ହେଉଛନ୍ତି ମହାପ୍ରଭୁ ଶ୍ରୀଜଗନ୍ନାଥଙ୍କ ଜଣେ ଅନନ୍ୟ ଭକ୍ତ। ଏହି ଭକ୍ତଙ୍କ କାର୍ଯ୍ୟକାଳ ମଧ୍ୟରେ କଟକ ୬ଷ୍ଠ ବାଟାଲିୟନ ପରିସର ରେ ପ୍ରଭୁ ଶ୍ରୀ ଜଗନ୍ନାଥଙ୍କ ମନ୍ଦିର,ମା’ଗୁଣ୍ଡିଚା ରାଣୀଙ୍କ ମନ୍ଦିର, ପ୍ରଭୁ ଶ୍ରୀ ପଞ୍ଚମୁଖୀ ହନୁମାନ ଙ୍କ ବିଗ୍ରହ ପ୍ରତିଷ୍ଠା ଓ ପ୍ରଭୁ ଶ୍ରୀ ଜଗନ୍ନାଥଙ୍କ ଘୋଷଯାତ୍ରା ଲାଗି ରଥ ନିର୍ମାଣ ଏହି ଭକ୍ତ ଶିରୋମଣି ଙ୍କ ଅଗାଧ ଭକ୍ତି ର ଏକ ଜ୍ୱଳନ୍ତ ଉଦାହରଣ।
