ଗୋଳାପୋଖରୀ ଛକ ନିକଟରେ : ବାଇକ ଧକ୍କାରେ ବୃଦ୍ଧ ମୃତ

ଭାପୁର (ଓଡ଼ିଶା ତାଜା ନ୍ୟୁଜ୍) ନି. ପ୍ର :- ଫତେଗଡ଼ ଥାନା ଅନ୍ତର୍ଗତ ଗୋଳାପୋଖରୀ ଛକ ନିକଟରେ ବାଇକ ଧକ୍କାରେ ଜଣେ ବୃଦ୍ଧ ମୃତ୍ୟୁବରଣ କରିବା ସହ ପୁଲିସ ଅଭିଯୁକ୍ତକୁ ଥାନାରେ ଅଟକ ରଖିଛି । ପୋଲିସ ସୂତ୍ରରୁ ପ୍ରକାଶ ଥାଉକି ଗୋଳାପୋଖରୀ ଗ୍ରାମର ବାଜିଆ ପଲ୍ଲେଇଙ୍କ ପୁଅ ରାମ ପଲେଇ (୬୮) ଶନିବାର ଦିନ ସନ୍ଧ୍ୟା ସମୟରେ ଗୋଳାପୋଖରୀ ଛକକୁ ଘର ପାଇଁ କିଛି ଜିନିଷ କିଣିବା ପାଇଁ ଆସୁଥିଲେ ।

ସେହି ସମୟରେ ବାଲିଆପଟା ଗ୍ରାମର ଲଷ୍ମୀଧର ମହାପାତ୍ରଙ୍କ ପୁଅ ସୁବାଷ ମହାପାତ୍ର(୩୮) ଏକ ପଲସର ବାଇକ୍ ଗାଡ଼ି ନମ୍ବର(OD-02BW-6275 ) ଯୋଗେ ଭାପୁରରୁ ନିଜ ଗ୍ରାମକୁ ଦୃତ ଗତିରେ ଫେରୁଥିବା ସମୟରେ ରାମଙ୍କୁ ଧକ୍କା ଦେଇଥିଲା । ଫଳରେ ବୃଦ୍ଧ ରାମ ରକ୍ତ ଜୁଡୁବୁଡୁ ଅବସ୍ଥାରେ ରାସ୍ତାରେ ଛିଟିକି ପଡ଼ିଥିଲେ । ସଙ୍ଗେ ସଙ୍ଗେ ଗ୍ରାମବାସୀ ମାନେ ବୃଦ୍ଧ ରାମଙ୍କୁ ଭାପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ରେ ଭର୍ତ୍ତି କରିବା ସହ ସୁବାଷକୁ କାବୁ କରି ପୋଲିସକୁ ହସ୍ତାନ୍ତର କରିଥିଲେ ।

ମାତ୍ର, ଭାପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ କାର୍ଯ୍ୟରତ ଡାକ୍ତର ବୃଦ୍ଧ ରାମଙ୍କୁ ମୃତ ଘୋଷଣା କରିଥିଲେ । ଏନେଇ ମୃତକଙ୍କ ପରିବାର ପକ୍ଷରୁ ଥାନାରେ ଲିଖିତ ଅଭିଯୋଗ କରିଛନ୍ତି । ଅଭିଯୋଗକୁ ଭିତ୍ତି କରି ଫତେଗଡ ଥାନା ପୁଲିସ ଏକ ମାମଲା ରୁଜ୍ଜୁ କରି ଶବକୁ ଜବତ କରିବା ସହ ଅଭିଯୁକ୍ତକୁ ଥାନାରେ ଅଟକ ରଖି ତଦନ୍ତ ଜାରି ରଖିଥିବା ଥାନା ନିରୀକ୍ଷକ ପଞ୍ଚାନନ ପରିଡ଼ା ଙ୍କ ଠାରୁ ପ୍ରକାଶ ।