୦୨ ଫ୍ରେବୁଆରି ୨୦୨୫ (ଓଡ଼ିଶା ତାଜା ନ୍ୟୁଜ୍ ) ରଣପୁର :- ସାରା ଭାରତ ବର୍ଷ ପାଇଁ ଏକ ସ୍ୱତନ୍ତ୍ର ଦିବସ ସରସ୍ବତୀ ପୂଜା, ବିଭିନ୍ନ ଅନୁଷ୍ଠାନ, ବିଦ୍ୟାଳୟ, ମହା ବିଦ୍ୟାଳୟ ଆଦିରେ ସରସ୍ବତୀ ପୂଜା ପାଇଁ ଚଳ ଚଞ୍ଚଳ ସହ ଖୁସିର ମହୋଲ୍ ଥିବା ବେଳେ , ନୟାଗଡ ଜିଲ୍ଲା ରାଜ ସୁନାଖଳା ମହାବିଦ୍ୟାଳୟର ପ୍ରତିଷ୍ଠା ବେଳେ ସମ୍ପାଦକ, ତଥା ପୂର୍ବତନ ରଣପୁର ବ୍ଲକ ଅଧ୍ୟକ୍ଷ, , ଦୁର୍ଗା ବଜାର ରାଜ ସୁନାଖଳାର ପୂର୍ବତନ ସଭାପତି,
ଦୋଳ ଯାତ୍ରା ରାଜ ସୁନାଖଳାର ପୂର୍ବତନ ସଭାପତି, ମଧୁ ସୁଦନ ମହାପାତ୍ର ( ମଧୁ ଅଜା ) ଆଜି ଫ୍ରେବୃଆରୀ ୨ ତାରିଖ ସକାଳ ୬.୪୫ ମିନିଟିରେ ରାଜ ସୁନାଖଳା ଡାକ୍ତରଖାନାରେ ପରଲୋକ ହୋଇ ଯାଇଛନ୍ତି ! ଫଳରେ ସମଗ୍ର ରାଜ ସୁନାଖଳା ଅଞ୍ଚଳରେ ଶୋକର୍ ଛାୟା ଖେଳି ଯାଇଛି ।ଆଜିର ତାରିଖ ୧୯୭୮ ମସିହା ଫେବୃଆରୀ ୨ ତାରିଖ ରେ ରାଜ ସୁନାଖଳା କଲେଜର ପ୍ରତିଷ୍ଠା କରିଥିଲେ !
ଖବର ପାଇ ସୁନାଖଳା ସରପଞ୍ଚ ଚିତ୍ତ ରଞ୍ଜନ ପ୍ରଧାନ, ସମିତି ସଭ୍ୟ ତପନ ପ୍ରଧାନ, ବ୍ଲକ ବିଜେଡି ସଭାପତି ସଚ୍ଚିଦାନନ୍ଦ ଷଢଙ୍ଗୀ, ରାଜ ସୁନାଖଳା କଲେଜ ଅଧ୍ୟକ୍ଷ ଙ୍କ ସହିତ ସମସ୍ତ ଷ୍ଟାଫ, ରାଜ ସୁନାଖଳା ବିଜେପି ଜୋନ ସମ୍ପାଦକ କୈଳାଶ ଚନ୍ଦ୍ର ସାହୁ, ପଂଚାୟତ ସଭାପତି ମହେନ୍ଦ୍ର ସାହୁ, ବରିଷ୍ଠ ନାଗରିକ ମଞ୍ଚ ପ୍ରତିଷ୍ଠାତା ମଦନ କୁମାର ସାହୁ,
ସତ୍ୟ ନାରାୟଣ ମହାପାତ୍ର ଆଦି ରାଜ ସୁନାଖଳା ଅଂଚଳ ରୁ ଶତାଧିକ ସୂବେଛୁ ତାଙ୍କ ରାଜ ସୁନାଖଳା ବାସ ଭବନରେ ପହଂଚି ମଧୁ ଅଜାଙ୍କ ଶେଷ ଦର୍ଶକ କରିବା ସହ ଶୋକ ସନ୍ତପ୍ତ ପରିବାରବର୍ଗଙ୍କୁ ଆଶ୍ୱାସନା ପ୍ରଦାନ କରିଥିଲେ !ଜିଲ୍ଲା ପରିଷଦ ଅଧ୍ୟକ୍ଷ ମଧ୍ୟ ଖବର ପାଇ ନୟାଗଡ଼ରୁ ଆସି ମଧୁ ମହାପାତ୍ରଙ୍କ ଶେଷ ଦର୍ଶନ କରି ପରିବାର ବର୍ଗଙ୍କୁ ସାନ୍ତ୍ୱନା ପ୍ରଦାନ କରିଥିଲେ !
ମଧୁ ଅଜା ଜଣେ ପରୋପକାରୀ, ତଥା ବିଶିଷ୍ଠ ନ୍ୟାୟବିତ୍ତ ମଣିଷ ଥିଲେ ! ତାଙ୍କ ବିୟୋଗରେ ରାଜ ସୁନାଖଳା ପାଇଁ ଏକ ଅପୂରଣୀୟ କ୍ଷତି ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ଧରିଛି। ସେ ୧୯୪୧ ମସିହା ଡିସେମ୍ବର ୧୯ ତାରିଖ ଜନ୍ମ ଗ୍ରହଣ କରିଥିବା ବେଳେ ପରଲୋକ ବେଳକୁ ମଧୁ ସୁଦନ ମହାପାତ୍ରଙ୍କୁ ୮୪ ବର୍ଷ ବୟସ ହୋଇଥିଲା ବୋଲି ଜଣା ପଡିଛି ।
