ଦଶପଲ୍ଲା ଥାନାରେ ଅନୁଷ୍ଠିତ ହେଲା ବାଇକ୍ ଓ ମୋବାଇଲ ମେଳା

୨ ଅକ୍ଟୋବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ଦଶପଲ୍ଲା  :-> ଗତ କିଛିଦିନ ତଳେ ନୟାଗଡ଼ରେ ମୋବାଇଲ ମେଳା କାର୍ଯ୍ୟକ୍ରମ କରି ଚର୍ଚ୍ଚାରେ ଥିବା ଆରକ୍ଷୀ ଅଧିକ୍ଷକ ରାହୁଲ ଜୈନ , ଆଜି ଦଶପଲ୍ଲା ଥାନା ପରିସରରେ ଏକ ବାଇକ୍ ଓ ମୋବାଇଲ ମେଳା ଆୟୋଜନ କରିଥିଲେ । ଏହି ମେଳା ଏକ ସାଧାରଣ ମେଳା ନୁହେଁ , ଏହି ମେଳା ନୟାଗଡ଼ ପୋଲିସ ତରଫରୁ କରାଯାଇଥିବା ମୋବାଇଲ ଓ ବାଇକ୍ ମେଳା ।

ଅତୀତରେ ନୟାଗଡ଼ ଜିଲ୍ଲାରୁ ଚୋରୀ ହୋଇଥିବା ଅନେକ ମୋବାଇଲ ଓ ୨ ଚକିଆ ଯାନ ଚୋରୀ ହୋଇଥିଲା । ନିକଟ ଅତୀତରେ ଦଶପଲ୍ଲା ସ୍ଥିତ କୁଆଁରୀଆ ଛକରେ ଥିବା ଏକ ବାଇକ୍ ଗ୍ୟାରେଜ ଉପରେ ଚଢ଼ାଉ କରି ଆଳୁ ଖୋଳୁଖୋଳୁ ମହାଦେବ ବାହାରିବା ନ୍ୟାୟରେ ଏକ ଆନ୍ତଃରାଜ୍ୟ ବାଇକ୍ ଲୁଟେରା ଗ୍ୟାଙ୍ଗର ପର୍ଦ୍ଦାଫାଶ କରିଥିଲେ ନୟାଗଡ଼ ପୋଲିସ ।

ଏହି ଚଢ଼ାଉରେ ରାଜ୍ୟର ବିଭିନ୍ନ ଜିଲ୍ଲାରୁ ଅନେକ ବାଇକ୍ ଏବଂ ମୋବାଇଲ ଉଦ୍ଧାର କରାଯାଇଥିଲା । ଏହି ଚଢ଼ାଉରେ ଦଶପଲ୍ଲା ଥାନା ଭାରାପ୍ରାପ୍ତ ଆରକ୍ଷୀ ନିରୀକ୍ଷକ ମୁକେଶ ବେହେରା ନେତୃତ୍ୱ ନେଇଥିବାବେଳେ ଲୁଟ ହୋଇଥିବା ଅଧିକାଂଶ ଗାଡ଼ିକୁ ଜବତ କରି ଦଶପଲ୍ଲା ଥାନାକୁ ଆଣିଥିଲେ ।

ଓଡ଼ିଶା ପୋଲିସ୍ , ଲୋକଙ୍କ ପୋଲିସ ଏହି ନାରାକୁ ସଫଳ କରିବାକୁ ଯାଇ ଲୁଟ ହୋଇଥିବା ଜନସାଧାରଣ ଙ୍କ ବାଇକ୍ ଓ ମୋବାଇଲ କୁ ଆଜି ଏସପି ରାହୁଲ ଜୈନ ସ୍ଵ – ହସ୍ତରେ ଜନସାଧାରଣ କୁଂ ପ୍ରଦାନ ପ୍ରଦାନ କରିଥିଲେ । ନିଜନିଜର କଷ୍ଟଲବ୍ଧ ବାଇକ୍ ଓ ମୋବାଇଲ ପାଇ ଜନସାଧାରଣ ଓଡ଼ିଶା ପୋଲିସ ସମେତ ,ଆରକ୍ଷୀ ଅଧିକ୍ଷକ ରାହୁଲ ଜୈନ ,ଦଶପଲ୍ଲା ଥାନା ଆରକ୍ଷୀ ନିରୀକ୍ଷକ ମୁକେଶ ବେହେରା ଙ୍କୁ ଧନ୍ୟବାଦ୍ ପ୍ରଦାନ କରିବା ସହିତ ନିଜର ବାଇକ୍ ଓ ମୋବାଇଲ ଫେରି ପାଇଥିବାରୁ ନିଜେନିଜର ଖୁସି ପ୍ରକଟ କରିଥିଲେ ।