<h3><span style="color: #ff0000;"><strong>x. ୨୧,୯୫୮ ଲକ୍ଷ ଟଙ୍କା ବ୍ୟୟରେ ୫୧ଟି ସେତୁ ନିର୍ମାଣ </strong></span></h3> <h3><strong><span style="color: #ff0000;">x. ୫୮୮ଟି ଗ୍ରାମର ୬ ଲକ୍ଷ ୧୨ ହଜାର ୫୬୩ ଜନସାଧାରଣ ଉପକୃତ</span> </strong></h3> <h4><img class="alignnone wp-image-98572" src="https://odishatazanews.com/wp-content/uploads/2023/02/koradha-300x171.jpg" alt="" width="614" height="350" /><span style="color: #ff0000;"><em><strong>୮ ଫେବୃଆରୀ, ବୁଧବାର,</strong><strong>୨୦୨୩ (ଓଡ଼ିଶା ତାଜାନ୍ୟୁଜ ) </strong></em><strong><em>ଭୁବନେଶ୍ୱର :-</em></strong></span><strong> ଗ୍ରାମାଞ୍ଚଳକୁ ସବୁଦିନିଆ ରାସ୍ତା ସଂଯୋଗୀକରଣ ପାଇଁ ରାଜ୍ୟ ସରକାର ବିଜୁ ସେତୁ ଯୋଜନା ପ୍ରଣୟନ କରିଛନ୍ତି । ୨୦୧୧ ମସିହାରେ ଓଡ଼ିଶା ସରକାର ବିଚ୍ଛିନ୍ନାଞ୍ଚଳକୁ ମୁଖ୍ୟସ୍ରୋତରେ ସାମିଲ କରିବା ପାଇଁ ଏହି ଯୋଜନାର ଶୁଭାରମ୍ଭ କରିଥିଲେ । ଏହି ବିଜୁ ସେତୁ ଯୋଜନାରେ ଖୋର୍ଦ୍ଧା ଜିଲ୍ଲାରେ ଅଦ୍ୟାବଧି ୨୧,୯୫୮ ଲକ୍ଷ ଟଙ୍କା ବ୍ୟୟରେ ୫୧ଟି ସେତୁ ନିର୍ମାଣ କାର୍ଯ୍ୟ ସଂପନ୍ନ ହୋଇଛି । ଏତଦ୍ବ୍ୟତୀତ ଆଉ ୧୪ଟି ସେତୁର ନିର୍ମାଣ କାର୍ଯ୍ୟ ଆଗେଇ ଚାଲିଛି । ଏହି ସେତୁ ନିର୍ମାଣ ଦ୍ୱାରା ୫୮୮ଟି ଗ୍ରାମର ୬ ଲକ୍ଷ ୧୨ ହଜାର ୫୬୩ ଜନସାଧାରଣ ଉପକୃତ ହେଉଛନ୍ତି ଏବଂ ସେମାନଙ୍କର ଆର୍ଥିକ ମାନଦଣ୍ଡ ଏବଂ ସାମାଜିକ ସ୍ଥିତି ସୁଦୃଢ଼ ହୋଇପାରିଛି । </strong></h4> <h4><strong>ପରିବହନ କ୍ଷେତ୍ରରେ ଏହା ଅତ୍ୟନ୍ତ ଉପାଦେୟ ସାବ୍ୟସ୍ତ ହେବା ସହ ଗମନାଗମନ ତଥା ଯୋଗାଯୋଗ କ୍ଷେତ୍ରରେ ବୈପ୍ଳବିକ ପରିବର୍ତ୍ତନ ଆଣିପାରିଛି । ଗୋଟିଏ ସ୍ଥାନରୁ ଅନ୍ୟ ସ୍ଥାନର ଦୂରତା କମିବା ସହ ଲୋକେ ଅଯଥା ଖର୍ଚ୍ଚାନ୍ତରୁ ରକ୍ଷା ପାଉଛନ୍ତି । ଏତଦ୍ବ୍ୟତୀତ ଶିକ୍ଷା, ସ୍ୱାସ୍ଥ୍ୟ, ପାନୀୟ ଜଳ, ବିଦୁ୍ୟତ ଶକ୍ତି, କୃଷି ଉତ୍ପାଦନ, ବାଣିଜ୍ୟ ଓ ଜୀବିକାନିର୍ବାହ ଆଦି ମୌଳିକ ସୁବିଧା ଲୋକମାନେ ପାଇବା ସହିତ ଅନୁସୂଚିତ ଜାତି ଓ ଜନଜାତିଙ୍କ ଜୀବନଜୀବିକା କ୍ଷେତ୍ରରେ ଉନ୍ନତି ପରିଲକ୍ଷିତ ହୋଇଛି । ବିଜୁ ସେତୁ ଯୋଜନା ଗ୍ରାମାଞ୍ଚଳ ଜନସାଧାରଣଙ୍କ ଅର୍ଥନୈତିକ-ସାମାଜିକ ବିକାଶ କ୍ଷେତ୍ରରେ ଏକ ଯୁଗାନ୍ତକାରୀ ପଦକ୍ଷେପ ସାବ୍ୟସ୍ତ ହୋଇଛି ।</strong></h4> <h4><strong> ସଂପ୍ରତି ଭୁବନେଶ୍ୱର ବ୍ଲକ୍ ଅନ୍ତର୍ଗତ ଝିଙ୍କିରିଡିହିରୁ କଟକ ସଦର ପ୍ରତାପନଗରୀକୁ ସଂଯୋଗ କରୁଥିବା କୁଆଖାଇ ନଦୀ ଉପରେ ସୁଉଚ୍ଚ ସେତୁ ୨୦୨୨ ନଭେମ୍ବର ୧୦ ତାରିଖରେ ଲୋକାର୍ପିତ ହୋଇଯାଇଛି । ଏହି ସେତୁ ୩୦.୬୩ ମିଟର ବିଶିଷ୍ଟ ୧୧ ଗୋଟି ସ୍ପାନ୍କୁ ନେଇ ନିର୍ମିତ ହୋଇଛି । ଏହାର ସମୁଦାୟ ଲମ୍ବ ୩୩୬.୯୩ ମିଟର । ଏହା ୧୭୪୯.୯୪ ଲକ୍ଷ ଟଙ୍କା ବ୍ୟୟରେ ନିର୍ମିତ ହୋଇଅଛି । ଏହି ସେତୁ ନିର୍ମାଣ ଦ୍ୱାରା ୯ଟି ଗ୍ରାମର ୪୦ ହଜାର ଲୋକ ଉପକୃତ ହେଉଛନ୍ତି ।</strong><img class="alignnone wp-image-88660" src="https://odishatazanews.com/wp-content/uploads/2022/10/oisha-tazanews-45-bbsr.pptx2_-300x73.jpg" alt="" width="674" height="164" /><strong><img class="alignnone wp-image-88991" src="https://odishatazanews.com/wp-content/uploads/2022/11/ranpur-55-300x111.jpg" alt="" width="889" height="329" /></strong></h4>