ଶ୍ରୀ ଶ୍ରୀ ନାଗେଶ୍ଵର ବାବାଙ୍କ ବିଗ୍ରହ ଓ ମନ୍ଦିର ପ୍ରତିଷ୍ଠା ମହୋତ୍ସବ

୨୦ ଜାନୁଆରୀ ଶୁକ୍ରବାର,୨୦୨୩ ( ଓଡ଼ିଶା ତାଜାନ୍ୟୁଜ ) ବରଗଡ଼ :- ବରଗଡ଼ ବ୍ଲକ ତୋରା ଅନ୍ତର୍ଗତ ନାଗେନପାଲି ଗ୍ରାମ ଠାରେ ନବ ନିର୍ମିତ ଶ୍ରୀ ଶ୍ରୀ ନାଗେଶ୍ଵର ବାବା ଙ୍କ ବିଗ୍ରହ ଓ ମନ୍ଦିର ପ୍ରତିଷ୍ଠା ମହୋତ୍ସବ ଆରମ୍ଭ ହୋଇଛି। ଗତ ୧୭ ତାରିଖରୁ କଳସ ସ୍ଥାପନ, ମଙ୍ଗଳା ରୋପଣ ସହ ପ୍ରତିଷ୍ଠା ସମାରୋହ ଆରମ୍ଭ ହୋଇଥିଲା। ଏହି ଅବସରରେ ଏକ କଳସ ଶୋଭାଯାତ୍ରା ଗ୍ରାମ ପରିକ୍ରମା କରିବା ପରେ ମନ୍ଦିର ରେ ପହଞ୍ଚି ଥିଲା। ସେହିପରି ୧୮ତାରିଖରେ ନିତ୍ୟ ପୂଜା ସହ ସୂର୍ଯ୍ୟ ପୂଜା,ଗୋପୂଜା ଅନୁଷ୍ଠିତ ହୋଇଥିଲା।

୧୯ତାରିଖରେ ନୂତନ ପ୍ରତିମା ଙ୍କ ଶସ୍ୟା ଭିଷେକ,ହୋମ୨୦ ତାରିଖ ରେ ଦେବତା ପୂଜନ, ମହାସ୍ନାନ, ମୂର୍ତ୍ତି ନ୍ୟାସ, ପ୍ରାଣ ପ୍ରତିଷ୍ଠା ହୋମ ଓ ଶିବ ଙ୍କ ସହସ୍ର ନାମ ପଣ୍ଡିତ ସମୁହଙ୍କ ଦ୍ବାରା ହୋଇ ଥିଲା। ସପ୍ତାହ ବ୍ୟାପୀ ଚାଲିଥିବା ଏହି ପ୍ରତିଷ୍ଠା ଉତ୍ସବର ୨୧ ତାରିଖରେ ରୁଦ୍ରା ଭିଷେକ,ରୁଦ୍ରା ର୍ଚ୍ଚନ, ସପ୍ତଶତୀ ଚଣ୍ଡୀ ହୋମ, ୨୨ତାରିଖରେ ମନ୍ଦିର ଶିଖର ସ୍ନାନ, ନ୍ୟାସ ପ୍ରତିଷ୍ଠା, ସିଂହାସନ ପ୍ରତିଷ୍ଠା, ମହା ମୃତ୍ୟୁଞ୍ଜୟ ହୋମ, ୨୩ ତାରିଖରେ ଧ୍ଵଜା କଳସ ସ୍ଥାପନ, ଦେବତା ପ୍ରବେଶ, ସିଂହାସନରେ ଦେବତା ସ୍ଥାପନ ଓ ପୂର୍ଣ୍ଣାହୂତି ର କାର୍ଯ୍ୟକ୍ରମ ରହିଛି।