୫ ଜାନୁଆରୀ ଗୁରୁବାର୨୦୨୩ ( ଓଡ଼ିଶା ତାଜା ନ୍ୟୁଜ ) କଟକ :- କଟକ ରିପୋର୍ଟର ଅମୂଲ୍ୟ କୁମାର ବାରିକ – କଟକ ସଦର ଥାନା ଅନ୍ତର୍ଗତ ପ୍ରତାପନଗରୀ ଗ୍ରାମର, ଅପ୍ରତିଦ୍ୱନ୍ଦୀ ପୂର୍ବତନ ସରପଞ୍ଚ ତଥା ସ୍ପେଶାଲ ଶ୍ରେଣୀ କଣ୍ଟ୍ରାକ୍ଟର , ସ୍ୱର୍ଗତ ଅଲେଖ ଚରଣ ସ୍ୱାଇଁଙ୍କ ସହଧର୍ମୀଣି ସ୍ୱର୍ଗତା ଭାରତୀ ସ୍ୱାଇଁଙ୍କ, ଚତୁର୍ଦ୍ଦଶ ଉପଲକ୍ଷେ ଏକ ସଂକୀର୍ତ୍ତନ ମହୋତ୍ସବ ତାଙ୍କ ପ୍ରତାପନଗରୀ ସ୍ଥିତ ବାସଭବନରେ ଅନୁଷ୍ଠିତ ହୋଇଥିଲା । ଏଥିରେ ନୂଆଗଡ଼, ଭାଣପୁର, ପ୍ରତାପନଗରୀ, ବାରଙ୍ଗ ଅଞ୍ଚଳର ନୟାପାଟଣା,ଝିଙ୍କରଡିହ,ଆମ୍ବବୋରେଇ ଗ୍ରାମର ସଂକୀର୍ତ୍ତନ ମଣ୍ଡଳୀ ଆଧ୍ୟାତ୍ମିକ ଶରୀର ତତ୍ୱ ଉପରେ ସଂକୀର୍ତ୍ତନ ପରିବେଷଣ କରିଥିଲେ । ଏହି ଉସ୍ଚବରେ କଟକ ସଦର ବିଧାୟକ ଚନ୍ଦ୍ର ସାରଥୀ ବେହେରା, ପ୍ରତାପନଗରୀ ଗ୍ରାମ୍ୟ ଉନ୍ନୟନ କମିଟିର ସଭାପତି ପ୍ରମୋଦ ସ୍ୱାଇଁ, ପ୍ରମୁଖ ବିଶିଷ୍ଟ ବ୍ୟକ୍ତିମାନେ ଯୋଗ ଦେଇ ‘ ଭାରତୀ ସ୍ୱାଇଁ ଜଣେ ମିଷ୍ଠଭାସୀ, ଧର୍ମପରାୟଣ, ପରଉପକାରୀ ,ନିସ୍ୱ।ର୍ଥପର ମହିଳା ଥିଲେ ବୋଲି ମତବ୍ୟକ୍ତ କରିଥିଲେ। ଭାରତୀ ଦେବୀଙ୍କ ନୀତି ଆଦର୍ଶକୁ ପାଥେୟ କରି ତାଙ୍କର ପୁତ୍ରମାନେ, ଆଜି ସମାଜରେ ନିଜକୁ ପ୍ରତିଷ୍ଠା କରିପାରିଛନ୍ତି ବୋଲି ଅତିଥି ମାନେ ମତବ୍ୟକ୍ତ କରିଥିଲେ । ଆୟୋଜିତ କାର୍ଯ୍ୟକ୍ରମରେ ବିଭିନ୍ନ ଅଞ୍ଚଳର ମାନ୍ୟଗଣ୍ୟ ବ୍ୟକ୍ତି ଯୋଗଦେଇ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ସ୍ୱର୍ଗୀୟା ଭାରତୀ ଦେବୀଙ୍କ ପୁଅ ସଂଗ୍ରାମ କେଶରୀ ସ୍ୱାଇଁ , ଯଜାତି କେଶରୀ ସ୍ୱାଇଁ , ଲଲାଟେନ୍ଦୁ କେଶରୀ ସ୍ୱାଇଁ, ମାନ୍ଧାତା କେଶରୀ ସ୍ୱାଇଁ, ହିରଣ୍ୟ କେଶରୀ ସ୍ୱାଇଁ କାର୍ଯ୍ୟକ୍ରମ ପରିଚାଳନା କରିଥିଲେ । ସଂକୀର୍ତ୍ତନ କାର୍ଯ୍ୟକ୍ରମକୁ ପରିଚାଳନା କରିଥିଲେ ରୋହିତ ସ୍ୱାଇଁ ( ଚଗଲା ଭାଇ ) ଏବଂ ନିମାଇ ପାଢ଼ୀ। କାର୍ଯ୍ୟକ୍ରମରେ ପରିବାରର ସମସ୍ତ ସଦସ୍ୟ, ଭଉଣୀ, ଭିଣୋଇ ଏବଂ ଗ୍ରାମବାସୀ ସହଯୋଗ କରିଥିଲେ ।