ଜାଗାବାଡି ବିବାଦକୁ ନେଇ ବିଭତ୍ସ ହତ୍ୟା, ବାପ ମୃତ,ପୁଅ ଗୁରୁତର

୮ ଡିସେମ୍ବର ଗୁରୁବାର ( ଓଡ଼ିଶା ତାଜା ନ୍ୟୁଜ ) ବାଣପୁର :- ବାଣପୁର ଥାନା ଅନ୍ତର୍ଗତ ନାଚୁଣୀ ଫାଣ୍ଡି ନଈରୀ ଗ୍ରାମର ହରିଜନ ସାହିରେ ଘଟିଯାଇଛି ଏକ ବିଭତ୍ସ ହତ୍ୟା କାଣ୍ଡ | ମୃତକ ହେ-ଲେ ସାରଥୀ ନାୟକ (60) l ଘଟଣା ପ୍ରକାଶ ଯେ,ପ୍ରତିଦିନ ଭଳି ଆଜି ପୂର୍ବାହ୍ନ ରେ ନଈର ଗ୍ରାମର ସାରଥୀ ନାୟକ ଓ ତାଙ୍କ ପୁଅ ସନତ ନାୟକ ତାଙ୍କର ଏକ ଜାଗାରେ କୁକୁଡ଼ା ଫାର୍ମ କରିବା ପାଇଁ ଘର ତିଆରି କରୁଥିଲେ | ଆଗରୁ ନିର୍ମାଣ କାମ କରୁଥିବା ବେଳେ ସେହି ଗାଁ ର କେଦାର ନାୟକ ତାଙ୍କୁ ବାରମ୍ବାର ଟଙ୍କା ମାଗୁଥିଲା | ଏମାନେ ଦୁଇଥର ଟଙ୍କା ବି ଦେଇଛନ୍ତି |ଆଜି ପୁଣି କେଦାର ନାୟକ, ତାଙ୍କ ସ୍ତ୍ରୀ ସୁଷମା ନାୟକ, ପୁଅ ସୁକାନ୍ତ ନାୟକ ଫାର୍ମ ନିକଟକୁ ଆସି ଦୁଇ ଲକ୍ଷ ଟଙ୍କା ମାଗିଥିଲେ l ଉକ୍ତ ଟଙ୍କା ଦେବା ପାଇଁ ସାରଥୀ ମନା କରିବା ପରେ ଉଭୟ ଙ୍କ ମଧ୍ୟରେ ବଚସା ହୋଇଥିଲା | ପରେ କେଦାର ଏକ ଧାରୁଆ ଛୁରୀ ରେ ପ୍ରଥମେ ପୁଅ କୁ ଆକ୍ରମଣ କରି ଆହତ କରିଥିଲା ବାପା ବିରୋଧ କରିବାରୁ ବାପାର ଛାତି କୁ ଛୁରାରେ ଆକ୍ରମଣ କରିବାରେ ଘଟଣା ସ୍ଥଳରେ ସାରଥୀ ଟଳି ପଡ଼ିଥିଲେ lସଙ୍ଗେ ସଙ୍ଗେ ଘଟଣା ସ୍ଥଳରୁ ରକ୍ତ ଜୁଡୁବୁଡୁ ଅବସ୍ଥାରେ ପରିବାର ଲୋକେ ସାରଥୀ ଙ୍କୁ ନେଇ ବାଲୁଗାଁ ଡାକ୍ତର ଖାନରେ ଭର୍ତ୍ତି କରିଥିଲେ l କିନ୍ତୁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ | ଏ ସଂକ୍ରାନ୍ତ ରେ ବାଣପୁର ଥାନା ନାଚୁଣୀ ଫାଣ୍ଡି ରେ ପରିବାର ପକ୍ଷରୁ ଏକ ହତ୍ୟା ଅଭିଯୋଗ କରିବା ପରେ ପୋଲିସ 565/22 ମାମଲା ରୁଜୁ କରି ତନାଘନା ଆରମ୍ଭ କରିଛି | ଅଭିଯୁକ୍ତମାନେ ଫେରାର ଅଛନ୍ତି ବୋଲି ବାଣପୁର ଆଇ ଆଇ ସି ଜୟ ପ୍ରକାଶ ପରିଡା କହିଛନ୍ତି l